Home » admin

admin

admin

ມະຫາກຳງານສະແດງເຕັດໂນໂລຊີ ແລະ ເຄື່ອງຈັກອາຫານ

Read More »

ຂ່າວລາວ – ຫຼໍ່ຄຳໜັກ 5 ກິໂລ ເພື່ອໂອບໃສ່ຈອມພະທາດເຈດີວັດອົງຕື້ ແຂວງຫົວພັນ

ວັນ​ທີ 8 ມີນາ 2017 ອົງການປົກຄອງ​ແຂວງ​ຫົວພັນ ​ຮ່ວມ​ກັບ​ບໍລິ​ສັດ ພອນ​ປະເສີດ ສຳ​ຫຼວດ ອອກ​ແບບ ທີ່​ປຶກສາ ແລະ ກໍ່ສ້າງ ຈຳກັດ ໄດ້​ຈັດ​ພິທີ​ຫຼໍ່​ຄຳ​ນ້ຳໜັກຫຼາຍ​ກວ່າ 5 ກິ​ໂລ ເພື່ອ​ໂອບ​ໃສ່ຈອມ​ພະທາດ​ເຈດີ​ທີ່​ວັດ​ອົງ​ຕື້ ເມືອງ​ຊຳ​ເໜືອ ແຂວງ​ຫົວພັນ ຂຶ້ນ​ທີ່​ບໍລິສັດ ຜະລິດ​ຕະ​ພັນ​ວັດ​ທະນະ​ທຳ ບ້ານ​ໂພນ​ຕ້ອງ​ຈອມ​ມະນີ ເມືອງ​ໄຊ​ເຊດ​ຖາ ນະຄອນຫຼວງວຽງ​ຈັນ ມີ​ພະ​ເຖລານຸເຖລະ ທ່ານ ພັນ​ຄຳ ວິພາ​ວັນ ຮອງ​ປະທານ​ປະເທດ ພ້ອມ​ດ້ວຍ​ທ່ານເຈົ້າແຂວງ​ຫົວພັນ ບັນດາ​ພັນ​ລະຍາ​ການ​ນຳ ນັກທຸລະກິດ ແລະ ເຈົ້າພາບ​ເຈົ້າ​ສັດທາ​ເຂົ້າ​ຮ່ວມ. ໃນ​ພິ​ທ່ານ ວັນ​ໄຊ ແພງ​ຊຸມມາ ເຈົ້າແຂວງ​ຫົວພັນ ໄດ້​ຕາງໜ້າ​ໃຫ້ການ​ນຳ​ແຂວງ​ຫົວພັນ ​ຂຶ້ນກ່າວ​ລາຍ​ງານ​ກິດຈະກຳ​ຫຼໍ່​ຄຳໃສ່​ຈອມ​ພະທາດ​ເຈດີ​ວ່າ: ພະທາດ​ເຈດີ ແມ່ນ​ໜຶ່ງ​ໃນ 8 ກິດ​ຈະກຳ​ຂອງ​ໂຄງການ​ກໍ່ສ້າງ​ວັດ​ອົງຕື້​ທີ່​ແຂວງ​ຫົວພັນ​ ເຊິ່ງ​ໂຄງການ​ທີ່ສ້າງ​ສຳເລັດ​ປະກອບ​ມີ: ສິມ ສາລາ​ໂຮງ​ທຳ ກຸດຕິ ຫໍ​ກອງ​ສັດທາ ຫໍ​ໄຕປິດົກ ຫ້ອງ​ນ້ຳ ປະຕູໂຂງ ແລະ ອື່ນໆ ສ່ວນ​ໂຄງການ​ສ້າງ​ພະ​ເຈດີ​ຫາກໍ່ສຳເລັດ​ເມື່ອ​ບໍ່​ດົນ​ມາ​ນີ້ ເພື່ອ​ເຮັດໃຫ້​ພະທາດ​ເຈດີ​ເປັນ​ທີ່​ເຄົາລົບບູຊາ​ຂອງ​ປະຊາຊົນ​ບັນດາເຜົ່າ ໂດຍ​ສະເພາະຊາວ​ແຂວງ​ຫົວພັນ ດັ່ງນັ້ນ​ການ​ນຳ​ແຂວງ​ຫົວພັນ ກໍ່​ຄືຄະນະ​ຮັບຜິດຊອບ​ ໄດ້​ເອກະ​ພາບກັນ​ລະດົມ​ການ​ໂມທະນາ​ບໍ​ລິຈາກ​ຄຳ …

Read More »

ຂ່າວລາວ – ຂັບຂີ່ລົດຈັກຂ້າມທາງຈາລະຈອນ ຖືກຕຳເສຍຊີວິດ 1 ຄົນ ແລະ ບາດເຈັບ 1 ຄົນ

Read More »

ຂ່າວລາວ – ຍ້ອນຫຍັງປີ 2016 ຄົນເຂົ້າ-ອອກດ່ານສາກົນຂົວມິດຕະພາບຫຼຸດລົງ

ດ່ານ​ສາກົນ​ຂົວ​ມິດຕະພາບ ລາວ-ໄທ 1 ນະຄອນຫຼວງ​ວຽງຈັນ ເປັນ​ດ່ານ​ທຳ​ອິດ​ຂອງ​ປະເທດ ທີ່​ໄດ້​ເປີດ​ບໍລິການ​ມາ​ໄດ້​ຫຼາຍກວ່າ 20 ປີ ແລະ ເປັນ​ດ່ານ​ທີ່ຈັດ​ຢູ່​ແຖວ​ໜ້າທີ່​ມີ​ຄົນ ແລະ ລົດເຂົ້າ-ອອກ​ເມືອງເປັນ​ຈຳນວນຫຼາຍ​ສົມຄວນ​ໃນ​ແຕ່​ລະ​ວັນ ເຊິ່ງແຕ່​ລະ​ປີ​ສາມາດ​ສ້າງ​ລາຍ​ຮັບຈາກ​ການ​ເກັບ​ຄ່າ​ບໍລິການ​ຕ່າງໆ ແລະ ຄ່າ​ພາສີ​ເຂົ້າ​ງົບປະມານລັດ​ຫຼາຍ​ຮ້ອຍ​ຕື້​ກີບ ອັນ​ເປັນ​ການປະກອບສ່ວນ​ເຂົ້າ​ໃນ​ການ​ພັດທະ​ນາ​ສ້າງສາ​ປະເທດ​ຊາດ. ທ່ານ ທອງ​ທິບ ສີ​ວິ​ໄຊ ຮັກສາ​ການ​ຫົວໜ້າ​ກອງ​ຄຸ້ມ​ຄອງດ່ານ​ສາກົນ​ຂົວ​ມິດຕະພາບ ລາວ-ໄທ 1 ນະຄອນຫຼວງ​ວຽງ​ຈັນ ໄດ້ໃຫ້​ສຳພາດ​ວັນ​ທີ 2 ມີນາ 2017 ວ່າ: ດ່ານ​ເຮັດ​ໜ້າທີ່​ໃນ​ການ​ຄຸ້ມຄອງ​ບໍລິຫານ ແລະ ການ​ບໍ​ລິການ​ເຂົ້າ-ອອກ​ຂອງ​ຄົນ ກໍ່​ຄືຜູ້ໂດຍສານ ລົດ​ຂົນສົ່ງ​ໂດຍສານ ແລະ ລົດ​ຂົນສົ່ງ​ສິນຄ້າ ເລີ່ມ​ແຕ່ປີ 2012 ເປັນຕົ້ນ​ມາ​ແມ່ນ​ນັບ​ມື້ຫຼາຍ​ຂຶ້ນ ສະເລ່ຍ​ທັງ​ເຂົ້າ-ອອກປະມານ 15 ພັນ​ຄົນ​ຕໍ່​ວັນ ລົດ​ທົ່ວໄປ​ເຂົ້າ-ອອກ​ປະມານ 3 ພັນ​ຄັນຕໍ່​ວັນ ແລະ ລົດ​ບັນທຸກ​ສິນຄ້າ ປະມານ 60-70 ຄັນ​ຕໍ່​ວັນ ສ່ວນວັນ​ຈັນ ແລະ ວັນ​ສຸກ ລົດ​ບັນທຸກສິນຄ້າ​ສະເລ່ຍ ປະມານ 300-400 ຄັນ​ຕໍ່​ວັນ ສະເພາະ​ປີ 2015 ສະເລ່ຍ​ມີ​ຄົນ​ເຂົ້າ-ອອກ ປະມານ …

Read More »

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ ແລະ ເປັນລະບຽບຮຽບຮ້ອຍ. ຜ່ານມາເຈົ້າໜ້າທີ່ພວກເຮົາແມ່ນໄດ້ສຸມໃສ່ແກ້ໄຂບັນຫາດັ່ງກ່າວຢ່າງຕັ້ງໜ້າ, ໂດຍສະເພາະ ເຄື່ອນໄຫວຢູ່ຕາມເສັ້ນທາງສໍາຄັນ ເຊັ່ນ: ຖະໜົນໄກສອນ, ຖະໜົນດົງໂດກ, ຖະໜົນລ້ານຊ້າງ, ຖະໜົນດອນແດງ,ຖະໜົນເຕ 4, ຫ້ວຍຫົງ, ຕານມີໄຊ ແລະ ຈຸດອື່ນໆ, ເຊິ່ງສາມາດກັກຕົວຜູ້ປະພຶດຕົນບໍ່ດີມາສຶກສາອົບຮົມ ແລະ ດຳເນີນຕາມລະບຽບກົດໝາຍໄດ້ຫລາຍສົມຄວນຄື: ພົບເຫັນຜູ້ລະເມີດລະບຽບຈະລາຈອນ ແລະ ສຶກສາອົບຮົມກັບທີ່ 2.458 ຄົນ, ຍິງ 657 ຄົນ, ກັກລົດທັງໝົດ 406 ຄັນ, ໃນນີ້ລົດໃຫຍ່ 8 ຄັນ (ຕິດເຄື່ອງສຽງດັງ), ລົດດັດແປງສະພາບ 156 ຄັນ, ບໍ່ຕິດປ້າຍທະບຽນ 63 ຄັນ, ແຕ່ງເປັນລົດແຂ່ງ 35 ຄັນ ແລະ ບໍ່ຖືທະບຽນ 152 ຄັນ. ພ້ອມທັງກັກຜູ້ທີ່ມີຢາເສບຕິດໄວ້ຄອບຄອງໄດ້ຈຳນວນ 41 ຄົນ, ຍິງ 2 ຄົນ, ມີຂອງກາງຢາບ້າ 1.269 ເມັດ, ຢາໄອສ໌ 8 ຖົງນ້ອຍ ແລະ ເງິນປອມຫລາຍກວ່າໜຶ່ງລ້ານກີບ. ໄດ້ເອົາຕົວຜູ້ກະທໍາຜິດມາສຶກສາອົບຮົມຢູ່ຫ້ອງການ …

Read More »

ຂ່າວລາວ – ລາວຕັ້ງເປົ້າຮອດ 2020 ຕ້ອງມີປ່າໄມ້ປົກຫຸ້ມ 70% ຫລຸດຜ່ອນອາຍພິດເຮືອນແກ້ວ

ປັດຈຸບັນ, ຫລາຍປະເທດໃນໂລກພວມມີຄວາມເປັນຫວ່ງຕໍ່ບັນຫາອາຍພິດເຮືອນແກ້ວ, ເຊິ່ງເປັນສາເຫດຕົ້ນຕໍເຮັດໃຫ້ເກີດສະພາ ວະໂລກຮ້ອນ, ສະນັ້ນຫລາຍປະເທດຈຶ່ງສຸມໃສ່ການຟື້ນຟູ, ປົກປັກຮັກສາສິ່ງແວດລ້ອມ ແລະ ຊັບພະຍາກອນທໍາມະຊາດໃຫ້ກັບມາມີຄວາມອຸດົມສົມບູນ ແລະ ຍືນຍົງ. ສໍາລັບຢູ່ ສປປ ລາວເຮົາ, ແຕ່ໃດມາພັກ ແລະ ລັດຖະບານ ໄດ້ຖືສໍາຄັນວຽກງານການປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມເປັນບູລິມະສິດສໍາຄັນ, ໂດຍສະເພາະໄດ້ກໍານົດຄາດໝາຍສູ້ຊົນໃຫ້ມີເນື້ອທີ່ປົກຫຸ້ມຂອງປ່າໄມ້ຮອດປີ 2020 ກວມຫລາຍກວ່າ 70% ຂອງເນື້ອທີ່ທົ່ວປະເທດ.             ທ່ານລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ສົມມາດ ພົນເສນາ ໃຫ້ຮູ້ວ່າ: ແຕ່ນີ້ຮອດປີ 2020 ຂະແໜງການຕົນຈະສຸມໃສ່ການປົກປັກຮັກສາສະພາບແວດລ້ອມ ແລະ ຊັບພະຍາກອນທໍາມະຊາດຕາມທິດພັດທະນາທີ່ຍືນຍົງ, ໂດຍເນັ້ນໃສ່ວຽກງານຈັດສັນທີ່ດິນຢ່າງເປັນລະບົບ, ໂດຍສະເພາະຈັດແບ່ງ 8 ປະເພດທີ່ດິນຢູ່ບັນດາທ້ອງຖິ່ນ, ຕິດຕາມກວດກາຂໍ້ມູນການເຊົ່າ, ສໍາປະທານທີ່ດິນໃຫ້ຄົບຖ້ວນລວມສູນ ແລະ ເປັນເອກະພາບ, ຈັດຕັ້ງປະຕິບັດແຜນຟື້ນຟູປ່າໄມ້ທໍາມະຊາດຈາກຕົວເລກເນື້ອທີ່ປົກຫຸ້ມປະມານ 40% ໃຫ້ເພີ່ມເປັນ 70% ຂອງເນື້ອທີ່ທົ່ວປະເທດ. ພ້ອມທັງສ້າງກົນໄກການຄຸ້ມຄອງການຫລຸດຜ່ອນທາດອາຍພິດເຮືອນແກ້ວຈາກການທໍາລາຍປ່າໄມ້.              ທ່ານລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ກ່າວວ່າ: ຄຽງຄູ່ການປົກປັກຮັກສາທໍາມະຊາດໃຫ້ຍືນຍົງນັ້ນ, ກໍແມ່ນການອານຸລັກສັດນໍ້າ-ສັດປ່າ, ໃນນັ້ນຕ້ອງໄດ້ເອົາໃຈໃສ່ສໍາຫລວດ ແລະ ຕິດຕາມກວດກາປະເມີນປະຊາກອນສັດນ້ຳ ແລະ ສັດປ່າໃນເຂດປ່າສະ ຫງວນ-ປ່າປ້ອງກັນແຫ່ງຊາດໃນທົ່ວປະເທດ ແລະ ປັບປຸງການຂຶ້ນບັນຊີຊີວະນາໆພັນທີ່ຫາຍາກ ແລະ ໃກ້ສູນພັນ, ສ້າງສວນສາທິດກ່ຽວກັບການຄຸ້ມຄອງຊັບພະຍາກອນນ້ຳແບບປະສົມປະສານ ເພື່ອເປັນບ່ອນສຶກສາ, ຄົ້ນຄ້ວາ, ຝຶກອົບຮົມ, ທັດສະນະສຶກສາ,ແລກປ່ຽນບົດຮຽນ ແລະ ປູກຈິດສໍານຶກໃຫ້ມວນຊົນຢ່າງກ້ວາງຂວາງ, ສ້າງຂໍ້ກໍານົດ, ກົນໄກການສ້າງຕົວເມືອງສີຂຽວ, ຄວບຄຸມມົນລະພິດທາງນໍ້າ, ອາກາດ ແລະ ຫລຸດຜ່ອນສິ່ງເສດເຫລືອຈາກສານເຄມີອັນຕະລາຍຕ່າງໆລົງເທື່ອລະກ້າວ. ຂໍ້ມູນຂ່າວຈາກ ໜັງສືພິມລາວພັດທະນາ

Read More »

ຂ່າວລາວ – ລາວເອົາໃຈໃສ່ແກ້ໄຂບັນຫາລະເບີດບໍ່ທັນແຕກ

 ໃນປີ 2017 ໂຄງການເກັບກູ້ລະເບີດແຫ່ງຊາດຈະສືບຕໍ່ຈັດຕັ້ງປະຕິບັດແຜນຍຸດທະສາດແຫ່ງຊາດ ເພື່ອໃຫ້ບັນລຸເປົ້າໝາຍການພັດທະນາແບບຍືນຍົງທີ 18 ຂອງລັດຖະບານ, ເພື່ອຫລຸດຜ່ອນຈຳນວນຜູ້ບາດເຈັບ ແລະ ເສຍຊີວິດຈາກລະເບີດບໍ່ທັນແຕກ, ເພີ່ມເນື້ອທີ່ດິນໃຫ້ມີຄວາມປອດໄພໃນການຜະລິດກະສິກຳ ແລະ ການພັດທະນາ ເພື່ອປະກອບສ່ວນເຂົ້າໃນການພັດທະນາຊົນນະບົດ ແລະ ລຶບລ້າງຄວາມທຸກຍາກຂອງປະຊາຊົນ ແລະ ເມື່ອທ້າຍອາທິດຜ່ານມາ, ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການ ສັງຄົມ ໄດ້ເປັນປະທານກອງປະຊຸມເປີດກ້ວາງຂອງຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ) ປະຈໍາປີ 2016 ໄດ້ໃຫ້ຮູ້ວ່າ: ໃນປີຜ່ານມາ ຄຊກລ ສາມາດຍາດໄດ້ຜົນງານຫລາຍດ້ານ,ໂດຍໄດ້ສະເໜີຕໍ່ທ່ານນາຍົກລັດຖະມົນຕີປະກາດໃຊ້ຄຳສັ່ງເລກທີ 39/ນຍ, ລົງວັນທີ 28 ກັນຍາ 2016 ວ່າດ້ວຍການເພີ່ມທະວີວຽກງານແກ້ໄຂບັນຫາລະເບີດບໍ່ທັນແຕກ, ໄດ້ຍົກຍ້າຍການຈັດຕັ້ງຄຸ້ມຄອງວຽກງານແກ້ໄຂບັນຫາລະເບີດບໍ່ທັນແຕກທັງສູນກາງ ແລະ ທ້ອງຖິ່ນຍ້າຍມາສັງກັດຢູ່ກະຊວງແຮງງານ ແລະ ສະຫວັດດີການສັງຄົມຕາມທິດຊີ້ນຳຂອງກົມການເມືອງສູນກາງພັກ ແລະ ລັດຖະ ບານ, ໄດ້ພະຍາຍາມປະສານງານກັບບັນດາປະເທດຜູ້ໃຫ້ທຶນ ແລະ ອົງການຈັດຕັ້ງສາກົນຕ່າງໆເພື່ອລະດົມທຶນ, ເຕັກນິກ-ວິຊາການເຂົ້າໃນຂະແໜງການແກ້ໄຂບັນຫາລະເບີດບໍ່ທັນແຕກ ແລະ ອັນພົ້ນເດັ່ນແມ່ນໃນກອງປະຊຸມສຸດຍອດອາຊຽນຄັ້ງທີ 28, 29 ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ຮ່ວມກັບທ່ານ ບັນກີມູນ ເລຂາທິການໃຫຍ່ອົງການສະຫະປະຊາຊາດໄດ້ປະ ກາດຄໍາຂວັນ:“ຊີວິດປອດໄພຈາກລະເບີດບໍ່ທັນແຕກ” ເປັນເປົ້າໝາຍການພັດທະນາແບບຍືນຍົງອັນດັບທີ 18, ນອກນີ້ທ່ານ ບາຣັກ ໂອບາມາ ອະດິດປະທານາທິບໍສະຫະລັດອາເມລິກາໄດ້ປະກາດເພີ່ມທຶນຊ່ວຍເຫລືອແກ້ໄຂບັນຫາລະເບີດບໍ່ທັນແຕກຢູ່ລາວຈຳນວນ 90 ລ້ານໂດລາສະຫະລັດໃນ 3 ປີຂ້າງໜ້າ,ນາຍົກລັດຖະມົນຕີນິວຊີແລນປະກາດໃຫ້ທຶນຊ່ວຍເຫລືອ ການເກັບກູ້ລະເບີດບໍ່ທັນແຕກຢູ່ແຂວງຊຽງຂວາງຈໍານວນ 7,2 ລ້ານໂດລາສະຫະລັດ.            ພ້ອມດຽວກັນນີ້, ທ່ານ ຄຳແພງ ໄຊສົມແພງ ໃຫ້ຮູ້ວ່າ: ຄຊກລ ໄດ້ພະຍາຍາມຊີ້ນຳໃຫ້ບັນດາອົງການປະຕິບັດງານແກ້ໄຂບັນຫາລະເບີດບໍ່ທັນແຕກຂອງລາວ ແລະ ຕ່າງປະເທດ, ປະຕິບັດການໂຄສະນາທີ່ມາ ແລະ …

Read More »

ຂ່າວລາວ – ຕົ້ນໄມ້ປະດັບຕາມທາງບາງສາຍບໍ່ໄດ້ຮັບການເອົາໃຈໃສ່ເທົ່າທີ່ຄວນ

 ປັດຈຸບັນປະກົດວ່າຕົ້ນໄມ້ທີ່ປູກປະດັບປະດາຕາມຄູກາງທາງ ຫລື ຂອບທາງບາງເສັ້ນທາງໃນຕົວເມືອງແມ່ນມີສະພາບພວມຊຸດໂຊມຮ່ຽວແຫ້ງຕາຍຢືນຕົ້ນຍ້ອນຂາດການເອົາໃຈໃສ່ບົວລະບັດຮັກສາຢ່າງເໜາະສົມ.   ໃນແຕ່ລະປີ, ລັດຖະບານໄດ້ລົງທຶນຈຳນວນຫລາຍບໍ່ວ່າຈາກງົບປະມານຂອງລັດ ຫລື ເງິນກູ້ຢືມຈາກສາກົນ ເພື່ອນຳໃຊ້ເຂົ້າໃນການກໍ່ສ້າງໂຄງລ່າງພື້ນຖານ ເພື່ອອໍານວຍໃຫ້ແກ່ການສັນຈອນໄປມາ, ຂົນສົ່ງສີນຄ້າ ແລະ ຜະລິດຕະພັນ ຕ່າງໆຂອງປະຊາຊົນ ເພື່ອພັດທະນາເສດຖະກິດຂອງຄອບຄົວໃຫ້ຫລຸດພົ້ນອອກຈາກຄວາມທຸກຍາກເທື່ອລະກ້າວ, ອີກດ້ານໜຶ່ງກໍສ້າງໃຫ້ຕົວເມືອງມີຄວາມສະອາດຈົບງາມ ແລະ ໜ້າຢູ່.             ເຖິງຢ່າງໃດກໍຕາມ, ຍັງມີຖະໜົນຫລາຍສາຍ, ຊຶ່ງພາຍຫຼັງສຳເລັດການກໍ່ສ້າງແລ້ວກໍບໍ່ໄດ້ຮັບການເອົາໃຈໃສ່ປົກປັກຮັກສາດີເທົ່າທີ່ຄວນ, ດັ່ງເສັ້ນທາງ 450 ທີ່ສະທ້ອນໃຫ້ເຫັນເຖິງການຂາດການບົວລະບັບຮັກສາຊັບສິນຂອງລັດ, ໂດຍສະເພາະປະປ່ອຍໃຫ້ຫຍ້າເກີດຂຶ້ນສູງຮົກເຮື້ອຕາມຄູກາງຈົນບໍ່ສາມາດແນມເຫັນລົດແລນໃນເລັນອີກເບືອງໜຶ່ງໄດ້. ຍິ່ງໄປກ່ວານັ້ນເມື່ອບໍ່ດົນມານີ້ໄດ້ເກີດມີສະພາບໄຟໃໝ້ຫຍ້າບາງຈຸດຂອງຄູກາງທາງດັ່ງກ່າວ, ເຮັດໃຫ້ຕົ້ນຈໍາປາທີ່ປູກຄູໃນບໍລິເວນດຽວກັນຖືກໄຟໃໝ້, ຊຶ່ງຕົ້ນຈໍາປາດັ່ງກ່າວແມ່ນໃຊ້ງົບປະມານລັດ ລົງທຶນຊື້ມາປູກໃສ່ເພື່ອປະດັບປະດາເອ້ຢ້ອງໃຫ້ເສັ້ນທາງດັ່ງກ່າວສວຍງາມ, ແຕ່ຕ້ອງຖືກຮ່ຽວແຫ້ງຕາຍຢ່າງໄຮ້ຄຸນຄ່າ.   ອີກເສັ້ນທາງສາຍໜຶ່ງທີ່ພວມປະເຊີນບັນຫາລັກສະນະຄ້າຍຄືກັນນີ້ແມ່ນທາງຕັດໃໝ່ແຕ່ສາມແຍກໄຟອໍານາດໜອງບົວທອງ-ໜອງປິງ-ໜອງບຶກ, ເຊິ່ງປັດຈຸບັນພວມມີຕຶກອາຄານ, ສໍານັກງານຂອງພາກລັດ ແລະ ເອກະຊົນ ສ້າງຂຶ້ນຫລວງຫລາຍຕາມສອງຝາກທາງກໍປະກົດເຫັນວ່າຕົ້ນໄມ້ທີ່ປູກຕາມຄູກາງທາງບໍ່ໄດ້ຮັບການເອົາໃຈໃສ່ບົວລະບັດຮັກສາ ແລະ ອາດຮ່ຽວຕາຍໃນອີກບໍ່ດົນນີ້. ນອກນີ້ຍັງມີການຈູດຫຍ້າທີ່ເກີດຂຶ້ນຕາມຄູກາງທາງ ແລະ ມີການຖີ້ມຂີ້ເຫຍື້ອຍຊະຊາຍຕາມແຄມຖະໜົນດັ່ງກ່າວ. ສະນັ້ນຕໍ່ບັນຫານີ້, ພາກສ່ວນກ່ຽວຂ້ອງຕ້ອງເພີ່ມທະວີຄວາມຮັບພິຊອບໃນຂອດການຄຸ້ມຄອງ, ບົວລະບັດຮັກສາຄວາມສະອາດຈົບງາມຂອງຕົວເມືອງໃຫ້ໜ້າຢູ່ຫລາຍຂຶ້ນຕາມທິດພັດທະນາສີ   ຂຽນຍືນຍົງ. ຂໍ້ມູນຂ່າວຈາກ ໜັງສືພິມລາວພັດທະນາ

Read More »

ຂ່າວລາວ – ຈະລາຈອນຫ້າມໜ່ວຍກູ້ໄພແລ່ນລົດໄວ ແລະ ເປີດສຽງຫວໍດັງ

 ທ່ານພັນໂທ ຄຳເຫລັກ ໄຊຍະສິດ ຮອງຫົວໜ້າກົມຕຳຫລວດຈະລາຈອນ ກົມໃຫຍ່ຕຳ ຫລວດກະຊວງປ້ອງກັນຄວາມສະຫງົບ ໄດ້ໃຫ້ຮູ້ພາຍຫລັງສໍາເລັດກອງປະຊຸມຕີລາຄາການນໍາໃຊ້ແສງ, ສີ ແລະ ສຽງຫວໍຂອງບັນດາລົດທີ່ມີອະພິສິດ, ໂດຍສະເພາະແມ່ນລົດໂຮງໝໍ, ລົດໜ່ວຍກູ້ໄພ ເມື່ອທ້າຍອາທິດຜ່ານມານີ້ວ່າ: ກອງປະຊຸມໄດ້ເປັນເອກະພາບກໍານົດໃຫ້ລົດໜ່ວຍກູ້ໄພຈໍານວນ 7 ພາກສ່ວນຫ້າມນຳໃຊ້ສຽງຫວໍລົດຂອງພາກສ່ວນອື່ນຢ່າງເດັດຂາດ, ຕ້ອງນຳໃຊ້ສຽງຫວໍຄືລົດນຳສົ່ງຄົນເຈັບຂອງໂຮງໝໍເທົ່ານັ້ນ ແລະ ຫ້າມເປີດສຽງຫວໍຕະຫລອດ 24 ຊົ່ວໂມງ, ໃຫ້ປິດສຽງຫວໍແຕ່ 18:00-6:00 ໂມງ (ກໍລະນີສຸກເສີນຮ້າຍແຮງແມ່ນອະນຸຍາດໃຫ້ເປີດ ໄດ້), ສ່ວນສັນຍານໄຟໝູນຫລັງລົດໃຫ້ນຳໃຊ້ສະເພາະສີຟ້າ, ຫ້າມແລ່ນລົດໄວເກີນຂອບເຂດເພື່ອຫລີກເວັ້ນບັນຫາການເກີດອຸປະຕິເຫດຕາມມາ ແລະ ປະຕິບັດຕາມກົດລະບຽບຈະລາຈອນທີ່ກຳນົດໄວ້ຢ່າງເຂັ້ມງວດ.            ທ່ານຮອງຫົວໜ້າກົມຕຳຫລວດຈະລາຈອນ ໃຫ້ຮູ້ວ່າ: ການນໍານົດຫລາຍຂໍ້ຫ້າມຕໍ່ພາກ ສ່ວນດັ່ງກ່າວ,ຍ້ອນວ່າຜ່ານມາມີລົດກູ້ໄພຈໍານວນໜຶ່ງໄດ້ອຸປະຕິເຫດຍ້ອນຜູ້ຂັບຂີ່ໃຊ້ຄວາມໄວເກີນກຳນົດ, ດັ່ງກໍລະນີຄັ້ງວັນທີ 16 ເມສາ 2016 ເວລາ 15:00 ໂມງເກີດອຸປະຕິເຫດລົດກູ້ໄພຕຳກັບລົດໃຫຍ່ຢູ່ສີ່ແຍກໄຟອຳນາດສີໄຄ, ເມືອງສີໂຄດຕະບອງລົດກູ້ໄພຄັນດັ່ງກ່າວບໍ່ມີປ້າຍທະບຽນຂັບຂີ່ໂດຍທ້າວ ສຸກສາຄອນ ອາຍຸ 23 ປີນັກສຶກສາບ້ານວັດໄຕເມືອງສີໂຄດຕະບອງ, ຄັ້ງວັນທີ 10 ກຸມພາ 2017 ເວລາ 13:30 ໂມງເກີດອຸປະຕິເຫດລົດຈັກຕຳກັບລົດກູ້ໄພຢູ່ຖະໜົນກຳແພງເມືອງຕໍ່ໜ້າໂຮງໝໍເສດຖາເມືອງສີສັດຕະນາກ ລົດກູ້ໄພໝາຍເລກທະບຽນ ກສ 1623 ຂັບຂີ່ໂດຍທ້າຍ ອະນຸຄົງ ອາຍຸ 33 ປີ ນັກທຸລະກິດ, ບ້ານໜອງໄຮເມືອງຫາດຊາຍຟອງ ແລະ ຄັ້ງວັນທີ 12 ກຸມພາ 2017 ເວລາ 20:30 ໂມງລົດກູ້ໄພຕໍາລົດໃຫຍ່ຢູ່ …

Read More »

ຂ່າວລາວ – ລັດຖະບານລາວ ຍັງບໍ່ມີແຜນນຳຕົວ ໄຊຊະນະ ມາດຳເນີນຄະດີ

ລັດຖະບານ​ລາວ ຍັງ​ບໍ່​ມີ​ແຜນ​ຈະ​ນຳ​ເອົາ​ຕົວ​ທ້າວ ໄຊຊະນະ ແກ້ວ​ພິມ​ພາ ຜູ້​ຄ້າຂາຍ​ຢາ​ເສບ​ຕິດ ມາ​ດຳເນີນ​ຄະດີ​ຢູ່​ລາວ ເນື່ອງ​ຈາກ​ທ້າວ ໄຊຊະນະ ຖືກ​ຈັບ​ຢູ່​ປະເທດ​ໄທ ຕ້ອງ​ປະຕິບັດ​ຕາມ​ກົດໝາຍ​ຂອງ​ໄທ ຢ່າງໃດ​ກໍ່​ຕາມ ເຈົ້າ​ໜ້າທີ່​ລາວ ແລະ ໄທ ຕ້ອງ​ມີ​ການ​ປະສານ​ສົມທົບ​ກັນ​ຕື່ມ ເພື່ອ​ສືບຕໍ່​ນຳ​ເອົາ​ຜູ້​ມີສ່ວນ​ກ່ຽວຂ້ອງ​ມາ​ດຳເນີນ​ຄະດີ​ຕາມ​ກົດໝາຍ. ທ່ານ ຈະເລີນ ເຢຍ​ປາວ​ເຮີ ລັດຖະມົນຕີ ປະຈຳ​ສຳນັກງານ​ນາຍົກລັດຖະມົນຕີ ໃນ​ນາມ​ໂຄສົກ​ລັດຖະບານ​ໃຫ້​ສຳພາດ ພາຍຫຼັງ​ຖະແຫຼງ​ຂ່າວ​ກ່ຽວ​ກັບ​ຜົນ​ກອງ​ປະຊຸມ​ລັດຖະບານ ສະໄໝ​ສາມັນ ປະຈຳເດືອນ​ກຸມພາ ເມື່ອ​ບໍ່​ດົນ​ມາ​ນີ້ ທີ່​ສຳນັກງານ​ນາຍົກລັດຖະມົນຕີ​ວ່າ: ລັດຖະບານ​ບໍ່​ໄດ້​ຕັ້ງ​ບັນຫາ​ວ່າ​ຊິ​ນຳ​ຕົວ ທ້າວ ໄຊຊະນະ ມາ​ລາວ ຫຼື ຈະ​ດຳເນີນ​ຄະດີ​ຢູ່​ໄທ ແນ່ນອນ ລັດຖະບານ ກໍ່​ຄືເຈົ້າ​ໜ້າທີ່​ລາວ ແລະ ໄທ ຕ້ອງ​ໄດ້​ປະສານ​ສົມທົບ​ກັນ​ເພື່ອ​ປະຕິບັດ​ກົດໝາຍລະຫວ່າງ​ປະເທດ​ໃຫ້​ຖືກຕ້ອງ ເຂັ້ມ​ງວດ ແລະ ບໍ່​ສາມາດ​ອະນຸໂລມ​ໃຫ້​ຜູ້​ກະທຳ​ຜິດ​ກົດໝາຍ​ອີກ​ຕໍ່​ໄປ. ໃນ​ກອງ​ປະຊຸມ​ລັດຖະບານ​ສະໄໝ​ສາມັນ ປະຈຳ​ເດືອນ​ກຸມພາ ໄດ້​ຮັບ​ຟັງ​ການ​ລາຍ​ງານ​ຢ່າງ​ເປັນລະບົບ​ຄົບ​ຊຸດ ຈາກ​ລັດຖະມົນຕີກະຊວງ​ປ້ອງ​ກັນ​ຄວາມ​ສະຫງົບ ກ່ຽວ​ກັບ​ສະພາບ​ລວມປາກົດການ​ຫຍໍ້ທໍ້​ຕ່າງໆ ໂດຍ​ສະເພາະ ທ້າວ ໄຊຊະນະ ແກ້ວ​ພິມ​ພາ ຫຼື ວັນ​ລົບ ອາຍຸ 42 ປີ ທີ່​ຖືກ​ເຈົ້າ​ໜ້າທີ່​ຕຳຫຼວດ​ໄທ​ຈັບ​ໃນ​ວັນ​ທີ 19 ມັງກອນ​ປີ​ນີ້ ທີ່​ສະໜາມ​ບິນ​ສຸວັນນະ​ພູມ …

Read More »