Home » admin (page 2)

admin

admin

ຂ່າວລາວ – ລູກທໍລະພີຄາດຕະກຳແມ່

 

Read More »

ລັດຖະບານກຽມປະມູນຂາຍໄມ້ທີ່ຍຶດເປັນຂອງລັດ

ໃນກອງປະຊຸມລັດຖະບານປະຈໍາເດືອນກຸມພາຜ່ານມາ, ໂດຍການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ໄດ້ເຫັນດີເປັນເອກະພາບມອບໃຫ້ກະຊວງອຸດສະຫະກຳ ແລະ ການຄ້າປະສານສົມທົບກັບກະຊວງການເງິນ, ກະຊວງກະສິກໍາ ແລະ ປ່າໄມ້ ແລະ ບັນດາພະແນກການທີ່ກ່ຽວຂ້ອງຢູ່ແຕ່ລະທ້ອງຖິ່ນກະກຽມການຈັດຕັ້ງປະມູນຂາຍໄມ້ທີ່ຍຶດເປັນຂອງລັດ ໂດຍດ່ວນ ເພື່ອຮັບປະກັນໃຫ້ຖືກຕ້ອງຕາມລະບຽບ ແລະ ການສ້າງຄວາມໂປ່ງໃສໃຫ້ແກ່ສັງຄົມ. ຊຶ່ງຜ່ານມາໄດ້ມີກຸ່ມຄົນບໍ່ດີຈຳນວນໜຶ່ງລັກລອບຈູດໄມ້ທີ່ຖືກຍຶດຈໍານວນ 8.705 ແມັດກ້ອນທີ່ແຂວງອັດຕະປື,ເຮັດໃຫ້ລັດເສຍໂອກາດໃນການປະມູນຂາຍໄມ້ເລົ່ານັ້ນ.      ແນວໃດກໍຕາມ, ຕໍ່ບັນຫານີ້ລັດຖະບານໄດ້ມອບໃຫ້ກະຊວງກະສິກໍາ ແລະ ປ່າໄມ້ ແລະ ກະຊວງອຸດສາຫະກໍາ ແລະ ການຄ້າລົງສົມທົບກັບແຂວງອັດຕະປືດໍາເນີນການກວດກາໃຫ້ລະອຽດກ່ຽວກັບໄມ້ເສຍຫາຍຈາກໄຟໄໝ້ ແລະ ສືບສວນຫາຜູ້ກະທຳຜິດແລ້ວລາຍງານລັດຖະບານ. ນອກຈາກນີ້, ລັດຖະບານແນະນໍາໃຫ້ກະຊວງກະສິກໍາ ແລະ ປ່າໄມ້, ກະຊວງການເງິນ ແລະ ກະຊວງອຸດສາກະກໍາ ແລະ ການຄ້າ ສົມທົບກັບອົງການປົກຄອງທ້ອງຖິ່ນດໍາເນີນການກວດກາປັບປຸງໜ່ວຍງານ, ຂະແໜງການສາຍຕັ້ງຂອງຕົນຢູ່ທ້ອງຖິ່ນທີ່ຮັບຜິດຊອບວຽກງານຄຸ້ມຄອງປ່າໄມ້, ທຸລະກິດໄມ້ ແລະ ພະນັກງານປະຈໍາຢູ່ດ່ານພາສີໃຫ້ປະຕິບັດໜ້າທີ່ຂອງຕົນຢ່າງເຂັ້ມງວດ ເພື່ອບໍ່ໃຫ້ມີການສວຍໂອກາດຫາຜົນປະໂຫຍດແກ່ຕົນເອງ ແລະ ຝ່າຝືນລະບຽບກົດໝາຍ, ຖ້າກວດເຫັນການລະເມີດ ແລະ ກະທໍາຜິດຕ້ອງໄດ້ລົງວິໄນຕາມລະບຽບກົດໝາຍ, ນັບທັງພະນັກງານລັດ ແລະ ຜູ້ປະກອບການ. ນອກນີ້ລັດຖະບານຍັງໄດ້ມອບໝາຍໃຫ້ຄະນະສະເພາະກິດສືບຕໍ່ກວດກາ ແລະ ເກັບກໍາຂໍ້ມູນໃຫ້ລະອຽດຊັດເຈນກ່ຽວກັບດ່ານທີ່ມີການອະນຸມັດໃຫ້ສົ່ງໄມ້ອອກໄປຕ່າງປະເທດ, ມີພາກສ່ວນໃດ ແລະ ພະນັກງານຜູ້ໃດເປັນຜູ້ອະນຸມັດໃຫ້ສົ່ງອອກ, ພະນັກງານຂອງລັດທີ່ໃຫ້ການຮ່ວມມື ແລະ ສົມຮູ້ຮ່ວມຄິດກັບຜູ້ປະກອບການທີ່ລັກລອບສົ່ງອອກ ເພື່ອລາຍງານຂໍ້ມູນລະອຽດແກ່ລັດຖະບານ.      ຜ່ານມາ, ສປປ ລາວ ແມ່ນໜຶ່ງໃນບັນດາປະເທດທີ່ມີການສົ່ງອອກໄມ້ທ່ອນ ແລະ ຜະລິດຕະພັນໄມ້ລາຍໃຫ່ຍໃນພາກພື້ນ, ແຕ່ການເກັບລາຍຮັບຈາກໄມ້ຊໍ້າພັດໄດ້ໜ້ອຍ, ທັງມີການລັກຕັດໄມ້ເກີນໂກຕ້າທີ່ໄດ້ຮັບອະນຸຍາດ, ໂດຍມີເຈົ້າໜ້າທີ່ໃນຂະແໜງກ່ຽວຂ້ອງຈໍານວນໜຶ່ງໃຫ້ການຊ່ວຍເຫຼືອເພື່ອແລກກັບຜົນປະໂຫຍດສ່ວນຕົວ ແລະ ຍັງມີປະກົດການລັກຕັດໄມ້ຊະຊາຍຕາມໃບສັ່ງຈາກພໍ່ຄ້າໄມ້ຕາມປ່າຂອງຊຸມຊົນ …

Read More »

ການນໍາໃຊ້ສານເຄມີໃນການຜະລິດກະສິກຳມີແຜ່ຫຼາຍ

ກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ປັດຈຸບັນ, ການຜະລິດກະສິກໍາໃນປະເທດເຮົາ, ຍັງອາໃສການນໍາໃຊ້ສານເຄມີເຂົ້າຊ່ວຍຢ່າງແຜ່ຫລາຍ, ບໍ່ວ່າຈະເປັນການປູກພືດ ແລະ ການລ້ຽງສັດ, ແຕ່ໂຕທີ່ຮ້າຍ ແຮງນັ້ນແມ່ນການໃຊ້ສານເຄມີອັນຕະລາຍຊະຊາຍ ແລະ ນໍາໃຊ້ເກີນຂະໜາດ, ຊຶ່ງບັນຫາດັ່ງກ່າວໜ່ວຍງານກ່ຽວຂ້ອງໄດ້ພົບຫລາຍໃນໂຄງການປູກກ້ວຍ, ຟາມລ້ຽງໄກ່, ລ້ຽງໝູ່ ແລະ ການລ້ຽງປາກະຊັງຂອງນັກລົງທຶນຕ່າງປະເທດຈຳນວນໜຶ່ງຢູ່ນະຄອນຫລວງວຽງຈັນ, ແຂວງອຸດົມໄຊ, ຈໍາປາສັກ ແລະ ທ້ອງຖິ່ນອື່ນໆ, ເຫັນວ່າບໍ່ສອດຄ່ອງກັບລະບຽບກົດໝາຍຂອງຂະແໜງກ່ຽວຂ້ອງກໍານົດອອກ, ອັນໄດ້ສົ່ງຜົນກະ ທົບໂດຍກົງຕໍ່ສຸຂະພາບຂອງຜູ້ບໍລິໂພກ, ຕໍ່ສິ່ງແວດລ້ອມ ແລະ ສັງຄົມ.        ແນວໃດກໍຕາມ, ໄລຍະຜ່ານມາ, ລັດຖະບານ ກໍຄືກະຊວງກະສິກໍາ ແລະ ປ່າໄມ້, ໄດ້ເອົາໃຈໃສ່ຄົ້ນຄວ້າສ້າງນິຕິກໍາຫລາຍສະບັບ ເປັນຕົ້ນ: ກົດໝາຍວ່າດ້ວຍກະສິກໍາ, ການປ້ອງກັນພືດ, ການລ້ຽງສັດ ແລະ ສັດຕະວະແພດ,ການປະມົງ, ຂໍ້ຕົກລົງວ່າດ້ວຍການຄຸ້ມຄອງຢາປາບສັດຕູພືດ, ຄໍາສັ່ງກ່ຽວກັບການເພີ່ມທະວີຄວາມເຂັ້ມງວດໃນການຄຸ້ມຄອງຢາປາບສັດຕູພືດ, ຝຸ່ນ, ປຸຍ ແນວພັນພືດ ແລະ ອື່ນໆທີ່ນໍາໃຊ້ຢູ່ໃນລາວ, ແນ່ໃສ່ສົ່ງເສີມໃຫ້ມີການຜະລິດສີນຄ້າກະສິກໍາສະອາດ ແລະ ປອດສານພິດ ເພື່ອເປັນທ່າແຮງໃນການສົ່ງອອກ, ເປັນສະບຽງອາຫານທີ່ສະອາດປອດໄພຕອບສະໜອງຄວາມຕ້ອງການ ຂອງສັງຄົມໃຫ້ຫລາຍຂຶ້ນ, ຂະນະທີ່ຂະແໜງຂັ້ນຕ່າງໆກໍບໍ່ໄດ້ລົດລະໃນການເອົາໃຈໃສ່ສະກັດກັ້ນ ແລະ ຕິດຕາມກວດກາການນຳໃຊ້ສານເຄມີອັນຕະລາຍ,ຖ້າກວດພົບກໍມີການດຳເນີນມາດຕະການຕາມລະບຽບກົດໝາຍເຂັ້ມງວດ.   ອົງການອາຫານ ແລະ ການກະເສດ ໃຫ້ຮູ້ວ່າ: ການນຳໃຊ້ສານເຄມີເຂົ້າໃນການຜະລິດກະສິກຳຫລາຍ, ໂດຍສະເພາະແມ່ນຢາຂ້າຫຍ້າ ແລະ ຢາປາບສັດຕູພືດຈະສົ່ງຜົນກະທົບບໍ່ດີຕໍ່ສຸຂະພາບຂອງຄົນ, ສັດ ແລະ ສິ່ງແວດລ້ອມ, ເມື່ອເຂົ້າສູ່ຮ່າງກາຍຈະເກີດອາການເຈັບຫົວ, ເຈັບທ້ອງ, ປວດຮາກ, ວິນຫົວ, ປຸ້ນທ້ອງ, ເຈັບກ້າມເນື້ອ ແລະ ຖ້າຫາກມີການສະສົມໃນຮ່າງກາຍແມ່ນຈະມີຄວາມສ່ຽງສູງທີ່ຈະເປັນມະເລັງປອດ, ຜິວໜັງ,ເມັດເລືອດ, ລໍາໃສ້, ສະໝອງ, ເບົາຫວານ, ອໍາມະພາດ, ອໍາມະພຶກ, ພະຍາດຜິວໜັງ ແລະ ອື່ນໆ, ຖ້າປະປ່ອຍໃຫ້ມີການນໍາໃຊ້ສານເຄມີອັນຕະລາຍໄປດົນນານແມ່ນຈະສົ່ງຜົນຕໍ່ສັງຄົມ, ສິ່ງແວດລ້ອມທໍາມະຊາດ ແລະ ກະທົບຕໍ່ການຂະຫຍາຍຕົວທາງດ້ານເສດຖະກິດ-ສັງຄົມຂອງຊາດໃນໄລຍະຍາວແນ່ນອນ. ຂໍ້ມູນຂ່າວຈາກ ໜັງສືພິມລາວພັດທະນາ

Read More »

ການປະມູນຂາຍລົດການນຳ 14 ຄັນ ມີມູນຄ່າ 11 ຕື້ກວ່າກີບ

ຄະນະ​ຮັບຜິດຊອບ​ການ​ຖອນ ການ​ປະມູນ​ຂາຍ ແລະ ການ​ປະກອບ​ລົດ​ປະຈຳ​ຕຳແໜ່ງ​ຂອງການ​ນຳ​ລະດັບ​ສູງ ຈັດ​ງານ​ເປີດກວ້າງ​ການ​ປະມູນ​ຊື້​ລົດ ທີ່​ເຄີຍຮັບ​ໃຊ້​ການ​ນຳ​ຂັ້ນ​ສູງ ຈຳນວນ 14 ຄັນ ໃນ​ນັ້ນ​ມີ​ລົດ BMW ລຸ້ນ 730 LI ຈຳນວນ 7 ຄັນ ແຕ່​ລະຄັນ​ມີ​ລາຄາ​ເລີ່ມ​ຕົ້ນ​ການ​ປະມູນແມ່ນ 830 ລ້ານ​ກີບ ແລະ BENZ ລຸ້ນ S350 ຈຳນວນ 7 ຄັນ ແຕ່​ລະ​ຄັນມີ​ລາຄາ​ເລີ່ມ​ຕົ້ນ 500 ລ້ານ​ກີບ ທີ່​ໄດ້​ຈັດ​ຂຶ້ນ​ວັນ​ທີ 28 ກຸມພາ 2017 ທີ່​ຫໍ​ປະຊຸມແຫ່ງ​ຊາດ. ພາຍຫຼັງ​ທີ່​ເປີດ​ກວ້າງ​ການປະມູນ​ຊື້​ລົດ​ດັ່ງກ່າວ ​ໄດ້​ມີ​ຫົວໜ່ວຍ​ທຸລະ​ກິດ​ຫຼາຍ​ກວ່າ 60 ຫົວໜ່ວຍ​ເຂົ້າ​ຮ່ວມ​ປະມູນ​ຢ່າງ​ມີ​ບັນຍາ​ກາດ​ຟົດຟື້ນ ເຫັນ​ໄດ້​ວ່າ​ລົດຈຳນວນ 14 ຄັນ​ໄດ້​ຮັບ​ການ​ປະມູນ​ທັງ​ໝົດ ໃນ​ນັ້ນ ລົດ BMW ລຸ້ນ 730 LI ໝາຍ​ເລກ​ທະບຽນ ​ກຜ 8893 ເຄີຍ​ນຳ​ໃຊ້​ເປັນ​ລົດປະຈຳ​ຕຳແໜ່ງ​ຂອງ​ທ່ານ ບຸນ​ຍັງ ວໍລະ​ຈິດ ປະທານ​ປະເທດ ແມ່ນບໍລິສັດ ບີ​ວີ ກຣຸບ ຊະນະ​ການປະມູນ​ໃນ​ລາຄາ 890 …

Read More »

ພຽງ 2 ເດືອນຕົ້ນປີ 2017 ທົ່ວປະເທດມີອັກຄີໄພເກີດຂຶ້ນຫລາຍກວ່າ 40 ຄັ້ງ

 ນັບວ່າເປັນຕົວເລກທີ່ໜ້າເປັນຫວ່ງຫລາຍສົມຄວນຂອງປະເທດເຮົາ, ພາຍຫລັງກົມຕຳຫລວດສະກັດກັ້ນ ແລະ ຕ້ານອັກຄີໄພກະຊວງປ້ອງກັນຄວາມສະຫງົບ ໃຫ້ຮູ້ວ່າ: ພຽງ 2 ເດືອນຕົ້ນປີ 2017 ນີ້ທົ່ວປະເທດມີອັກຄີໄພເກີດຂຶ້ນຫຼາຍກວ່າ 40 ຄັ້ງ, ມີເຮືອນເສຍຫາຍ 60 ຫລັງ,ມີຜູ້ເສຍຊີວິດ 4 ຄົນ ແລະ ວັດຖຸຊັບສີນອື່ນໆເສຍຫາຍລວມມີມູນຄ່າຫລາຍຕື້ກີບ ແລະ ອັກຄີໄພທີ່ເກີດຂຶ້ນຮ້າຍແຮງກວ່າໝູ່ແມ່ນເຫດໄຟໄໝ້ຢູ່ບ້ານດອນຄຳ, ເມືອງຮຸນ, ແຂວງອຸດົມໄຊ ເມື່ອວັນທີ 11 ກຸມພານີ້, ຊຶ່ງມີເຮືອນປະຊາຊົນຖືກໄຟໄໝ້ເສຍຫາຍທັງໝົດ 26 ຫລັງ, ເຫດໄຟໄໝ້ຕະຫລາດລືໄຊ, ເມືອງໄຊ, ແຂວງອຸດົມໄຊ, ເມື່ອວັນທີ 25 ກຸມພາ 2017 ຊຶ່ງມີຜົນເສຍຫາຍຫລາຍກວ່າ 10 ຕື້ກີບ, ເຫດໄຟໄໝ້ຕະຫລາດປິ້ງໄກ່ເຊໂນ, ເມືອງອຸທຸມພອນ, ແຂວງສະຫວັນນະເຂດ ເມື່ອວັນທີ 19 ກຸມພາ 2017 ເຊິ່ງມີຜົນເສຍຫາຍຫລາຍກວ່າ 500 ລ້ານກີບ ແລະ ເຫດການ ອື່ນໆ. ຂະນະທີ່ສາເຫດຂອງອັກຄີໄພສ່ວນໃຫຍ່ແມ່ນເກີດຈາກໄຟຟ້າລັດວົງຈອນ, ການໃຕ້ທູບທຽນບູຊາ, ໃຊ້ຟືນໄຟດ້ວຍຄວາມປະມາດ ແລະ ອື່ນໆ.   ແນວໃດກໍຕາມ, ປັດຈຸບັດປະເທດພວກເຮົາພວມກ້າວສູ່ລະດູແລ້ງ, ຈຶ່ງເປັນເງື່ອນໜຶ່ງທີ່ພາໃຫ້ເກີດອັກຄີໄພໄດ້ງ່າຍ, ສະນັ້ນ ຈຶ່ງເຕືອນໃຫ້ປະຊາຊົນບັນດາເຜົ່າໃນທົ່ວປະເທດຈົ່ງມີສະຕິໃນການປ້ອງກັນອັກຄີໄພທີ່ອາດຈະເກີດຂື້ນໃຫ້ດີ ເປັນຕົ້ນ: ກວດກາອຸປະກອນເຄື່ອງໃຊ້ໄຟຟ້າໃນເຮືອນເປັນປົກກະຕິ, ເມື່ອພົບເຫັນມີສະພາບເກົ່າແກ່ຊຸດໂຊມກໍຕ້າງໄດ້ປ່ຽນຖ່າຍ, ສ້ອມແປງ, ເວລາອອກຈາກເຮືອນຕ້ອງກວດກາລະບົບໄຟຟ້າໃຫ້ດີ ແລະ ມອດໄຟທຸກຄັ້ງ, ພາຍຫລັງແຕ່ງກິນສໍາເລັດກໍຕ້ອງດັບມອດຟືນໄຟໃຫ້ດີ, ການໃຕ້ທູບທຽນບູຊາແຕ່ລະຄັ້ງເມື່ອສໍາເລັດຕ້ອງດັບມອດທັນທີ່, ທັງນີ້ກໍເພື່ອຮັບປະກັນບໍ່ໃຫ້ອັກຄີໄພເກີດຂຶ້ນໄດ້ງ່າຍ. ຂໍ້ມູນຂ່າວຈາກ ໜັງສືພິມລາວພັດທະນາ

Read More »

ສະໜາມບິນເກົ່າວັງວຽງອາດກາຍເປັນແຫລ່ງທ່ອງທ່ຽວແຫ່ງໃໝ່ໃນອານາຄົດອັນໃກ້

ອໍານາດການປົກຄອງແຂວງວຽງຈັນ, ໄດ້ອະນຸມັດໃຫ້ບໍລິສັດ ອີຈິນ ວິສາ ຫະກຳກໍ່ສ້າງລາວຈຳກັດ ສຶກສາຄວາມເປັນໄປໄດ້ ແລະ ສຳຫລວດອອກແບບໂຄງການພັດທະນາສະໜາມບິນເກົ່າເມືອງວັງວຽງໃຫ້ກາຍແຫລ່ງທ່ອງທ່ຽວແບບຍືນຍົງ, ຊຶ່ງຄາດວ່າຈະມີການລົງທຶນຫລາຍກວ່າ 200 ລ້ານໂດລາສະຫາລັດ.               ສຳລັບເຂດສຶກສາ-ສຳຫລວດມີເນື້ອທີ່ຫລາຍກວ່າ 15 ເຮັກຕາ,ເຊິ່ງກວມເອົາ 5 ບ້ານຂອງເມືອງວັງວຽງ, ໂດຍໃຊ້ເວລາ 12 ເດືອນ, ເຊິ່ງຈະອອກແບບໂຄງການຕາມສັນຍາລັກ ກໍຄືເມືອງວັງວຽງ ແລະ ອອກແບບຕາມແຜນການທີ່ໄດ້ສະເໜີໃນເບື້ອງຕົ້ນຄື: ຫ້ອງວາງສະແດງສິລະປະ, ຫ້ອງວາງສະແດງ, ຫ້ອງສຳພັດນ້ຳແຂງ, ສວນນ້ຳພຸ, ສູນການຄ້າ, ໂຮງແຮມ, ອາພາດເມັນ, ຮ້ານກິນດື່ມ, ສະຖານທີ່ບັນເທີງເດັກ,ຕະຫລາດນ້ຳ, ສວນນ້ຳ, ບ່ອນຈອດລົດ, ສະຖານທີ່ທ່ອງທ່ຽວ ແລະ ອື່ນໆ, ເຊິ່ງກິດຈະກໍາທັງໝົດຕ້ອງໄດ້ມີການຮັບຮອງຈາກພາກລັດຕາມລະບຽບກົດໝາຍ.   ທ່ານນາງ ແກ້ວມະນີວອນ ຜາລີຂັນ ຜູ້ອຳນວຍການບໍລິສັດ ຜາລີຂັນ ເຊິ່ງເປັນຜູ້ລົງທຶນຮ່ວມກັບບໍລິສັດອີຈິນວິສາຫະກຳກໍ່ສ້າງລາວ ຈຳກັດກ່າວວ່າ: ຖ້າຜົນການສຳຫລວດມີຄວາມເປັນໄປໄດ້ກໍຈະລົງມືຈັດຕັ້ງປະຕິບັດບັນດາກິດຈະກຳຕ່າງໆທັນທີ, ພ້ອມນີ້ບໍລິສັດຈະເອົາໃຈໃສ່ຄໍານຶງເຖິງການອານຸລັກສິ່ງແວດລ້ອມເພື່ອການທ່ອງທ່ຽວສີຂຽວ ແລະ ຍືນຍົງເປັນບູລິມະສິດຕົ້ນຕໍ, ທັງສ້າງໃຫ້ເມືອງວັງວຽງກາຍເປັນສະ ຖານທີ່ທ່ອງທ່ຽວທີ່ໂດ່ງດັງຮູ້ຈັກໄປທົ່ວໂລກ.     ພິທີລົງນາມບົດບັນທຶກຄວາມເຂົ້າໃຈໂຄງການດັ່ງກ່າວ, ໄດ້ຈັດຂຶ້ນໃນວັນທີ 28 ກຸມພາຜ່ານມານີ້, ໂດຍມີທ່ານ ວິດົງ ໄຊຍະສອນ ເຈົ້າແຂວງວຽງຈັນ,  ພ້ອມການນຳກ່ຽວຂ້ອງສອງຝ່າຍເຂົ້າຮ່ວມ ເປັນສັກຂີພິຍານ. ທ່ານນາງ ແກ້ວມະນີວອນ ຜາລີຂັນ ຜູ້ອຳນວຍການບໍລິສັດ ຜາລີຂັນ ໃນນາມຜູ້ລົງທຶນຮ່ວມກັບ ບໍລິສັດອີຈິນ ວິສາຫະກຳກໍ່ສ້າງລາວ ຈຳກັດ ກ່າວວ່າ: ຖ້າວ່າຜົນຂອງການສຳຫລວດພາຍໃນ 12 ເດືອນຫາກມີຄວາມເປັນໄປໄດ້ ກໍຈະໄດ້ລົງມືຈັດຕັ້ງປະຕິບັດບັນດາກິດຈະກຳຕ່າງໆ ຕາມບົດບັນທຶກ ແລະ ຈະສ້າງໃຫ້ສຳເລັດຕາມຄາດໝາຍ. ພ້ອມນີ້,ທາງບໍລິສັດ ຈະເອົາໃຈໃສ່ອານຸລັກສິ່ງແວດລ້ອມ ເພື່ອການ ທ່ອງທ່ຽວແບບສີຂຽວ ແລະ ຍືນຍົງເປັນອັນດັບໜຶ່ງ ເຮັດໃຫ້ເມືອງວັງວຽງ ກາຍເປັນສະຖານທີ່ທ່ອງທ່ຽວ ທີ່ຮູ້ຈັກໄປທົ່ວໂລກ. ຂໍ້ມູນຂ່າວຈາກ ໜັງສືພິມລາວພັດທະນາ

Read More »

ຂະແໜງທ່ອງທ່ຽວຍອມຮັບການໂຄສະນາໜ້ອຍຈຶ່ງເຮັດໃຫ້ນັກທ່ອງທ່ຽວຫລຸດລົງ

ທ່ານ ອາລຸນ ບຸນມີໄຊ ຫົວໜ້າກົມພັດທະນາການທ່ອງທ່ຽວກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໃຫ້ຮູ້ໃນວັນທີ 28ກຸມພານີ້ວ່າ: ປີ 2016 ຜ່ານມາ, ຕົວເລກນັກທ່ອງທ່ຽວທີ່ເຂົ້າມາຢ້ຽມຢາມ ແລະ ທ່ອງທ່ຽວ ຢູ່ ສປປ ລາວ ໃນປີ 2016 ມີປະມານ 4,2 ລ້ານຄົນ ແລະ ເມື່ອທຽບກັບປີ 2015 ທີ່ມີປະມານ 4,6 ລ້ານຄົນ, ເຫັນວ່າຫລຸດລົງຫລາຍເກືອບ 10% ຫລື ປະມານ 4 ແສນຄົນ, ຊຶ່ງສ່ວນໃຫຍ່ແມ່ນນັກທ່ອງທ່ຽວຈາກປະເທດອາເມລິກາ ແລະ ບັນດາປະເທດອາຊຽນ, ໂດຍສາເຫດທີ່ພາໃຫ້ຈໍານວນນັກທ່ອງທ່ຽວຫລຸດລົງນີ້ແມ່ນມີທັງປັດໄຈທັງພາຍໃນ ແລະ ພາຍນອກ ຄື: ປະເທດເຮົາບໍ່ທັນ ມີການພັດທະນາຜະລິດຕະພັນການທ່ອງທ່ຽວໃໝ່, ການອໍານວຍຄວາມສະດວກໃນການເຂົ້າ-ອອກຍັງບໍ່ທັນເຮັດບໍ່ທັນໄດ້ດີ, ສິ່ງດຶງດູດ ຫລື ການບໍລິການນັກທ່ອງທ່ຽວຍັງມີຂອດຈໍາກັດ, ການໂຄສະນາຕະຫລາດທ່ອງທ່ຽວຍັງເຮັດໄດ້ໜ້ອຍບໍ່ສາມາດເຂົ້າເຖິງກຸ່ມເປົ້າໝາຍໄດ້ດີເທົ່າທີ່ຄວນ, ບວກກັບບັນດາປະເທດອ້ອມຂ້າງໄດ້ເອົາໃຈໃສ່ຢ່າງຈິງຈັງຕໍ່ວຽກງານທ່ອງທ່ຽວ ແລະ ລາຄາການທ່ອງທ່ຽວຖືກກວ່າອີກດ້ວຍ. ຂໍ້ມູນຂ່າວຈາກ ໜັງສືພິມລາວພັດທະນາ

Read More »

ເຈົ້າໜ້າທີ່ພວມເລັ່ງຫາສາເຫດໄຟໄໝ້ຕະຫລາດລືໄຊແຂວງອຸດົມໄຊ

ພາຍຫລັງເກີດເຫດໄຟໃໝ້ຢູ່ຊັ້ນສອງຂອງຕະຫລາດລືໄຊ, ເມືອງໄຊ,ແຂວງອຸດົມໄຊໃນຄືນວັນທີ 25 ກຸມພາຜ່ານມາ, ເຈົ້າໜ້າທີ່ມອດໄຟຂອງແຂວງໄດ້ລະດົມກໍາລັງ ແລະ ລົດດັບເພິງຈໍານວນຫລາຍຄັນເຂົ້າດັບມອດຢ່າງໄວວາ ແລະ ໃຊ້ເວລາຫລາຍກວ່າໜຶ່ງຊົ່ວໂມງຈຶ່ງສາມາດຄວບຄຸມເພິງໄວ້ໄດ້. ຜ່ານການກວດກາເຫັນວ່າມີຮ້ານຂາຍເຄື່ອງນຸ່ງຫົ່ມຖືກໄຟຟ້າຫລາຍຫ້ອງ, ຊຶ່ງລວມມີຜົນເສຍຫາຍຫລາຍກວ່າ 10 ຕື້ກີບ ແລະ ປັດຈຸບັນເຈົ້າໜ້າທີ່ພວມເລັ່ງຫາສາເຫດທີ່ກໍໃຫ້ເກີດໄຟໃໝ່ຄັ້ງນີ້ໂດຍໄວ, ເຊິ່ງເບື້ອງຕົ້ນຄາດວ່າເກີດຈາກໄຟຟ້າລັດວົງຈອນ.   ທາງດ້ານນາງ ອານຸລັກ ເຊັງເຊີນ ຜູ້ຈັດການຕະຫລາດດັ່ງກ່າວ ໃຫ້ສຳພາດຕໍ່ນັກຂ່າວພວກເຮົາ ວ່າ: ຕະຫລາດລືໄຊສ້າງຂຶ້ນໃນປີ 2015 ໂດຍແມ່ນບໍລິສັດ ລືໄຊ ການຄ້າ ເປັນຜູ້ສຳປະທານຈາກອຳນາດການປົກຄອງແຂວງອຸດົມໄຊ, ເປັນອາຄານ 2 ຊັ້ນ, ມີຫ້ອງຂາຍເຄື່ອງທັງໝົດ 400 ກວ່າຫ້ອງ, ສະເພາະຢູ່ຊັ້ນສອງມີຮ້ານຂາຍເຄື່ອງຫລາຍກວ່າ 100 ຫ້ອງ. ນອກຈາກນີ້, ໃນຕະຫລາດກໍຕິດຕັ້ງລະບົບຄວາມປອດໄພເປັນຢ່າງດີ, ພ້ອມມີບັ້ງດັບເພິງຫລາຍກວ່າ 20 ຈຸດ ແລະ ມີພະນັກງານເວນຍາມຕະຫລອດ 24 ຊົ່ວໂມງ. ແນວໃດກໍຕາມ, ສໍາລັບຊາວຄ້າຂາຍທີ່ໄດ້ຮັບຜົນກະທົບຈາກໄຟໃໝ້ນີ້ທາງບໍລິສັດພວກເຮົາໄດ້ຈັດສັນຫ້ອງຂາຍເຄື່ອງຢູ່ບໍລິເວນຊັ້ນລຸ່ມຂອງຕະຫລາດໄປກ່ອນຊົ່ວຄາວ, ພ້ອມມອບເງິນຈຳນວນໜຶ່ງເພື່ອຊ່ວຍໃຫ້ເຂົາເຈົ້າລົງທຶນຊື້ສີນຄ້າມາຈໍາໜ່າຍໃນຕະຫລາດຄືນໃໝ່ ແລະ ໄດ້ຄືນເງິນຄ່າເຊົ່າຫ້ອງລ່ວງໜ້າຈຳນວນໜຶ່ງໃຫ້ແກ່ຊາວຄ້າຂາຍທີ່ໄດ້ຮັບຜົນເສຍຫາຍຈາກອັກຄີໄພຄັ້ງນີ້ນໍາດ້ວຍ. ຂໍ້ມູນຂ່າວຈາກ ໜັງສືພິມລາວພັດທະນາ

Read More »

ນະຄອນຫລວງເອົາໃຈໃສ່ກວດກາການໃຊ້ສານກັນບູດໃນອາຫານຕາມທ້ອງຕະຫລາດ

ຂະແໜງລ້ຽງສັດ ແລະ ການປະມົງພະແນກກະສິກໍາ-ປ່າໄມ້ນະຄອນຫຼວງວຽງຈັນໃຫ້ຮູ້ວ່າ: ພາຍຫລັງໄດ້ແຕ່ງຕັ້ງໜ່ວຍງານລົງຕິດຕາມກວດກາສະພາບການລັກລອບໃຊ້ສານກັນບູດ (ຟອກໂມນ) ແຊ່ໃນອາຫານສົດ, ໂດຍສະເພາະປະເພດຊີ້ນ, ປາ, ເຄື່ອງໃນສັດ ແລະ ອາຫານທະເລຕ່າງໆຂອງຊາວຄ້າຂາຍຕາມທ້ອງຕະຫລາດໃຫຍ່ໃນຕົວເມືອງໃນໄລຍະເດືອນກຸມພາຜ່ານມາປະກົດວ່າສະພາບດັ່ງກ່າວໄດ້ມີທ່າອ່ຽງຫລຸດລົງຫລາຍ ແລະ ຢູ່ຕະຫລາດຫລາຍແຫ່ງກໍບໍ່ພົບເຫັນການໃຊ້ສານດັ່ງກ່າວ. ທັງນີ້ກໍຍ້ອນຂະແໜງກ່ຽວຂ້ອງໄດ້ເອົາໃຈໃສ່ລົງຕິດຕາມກວດກາເປັນປະຈຳ ແລະ ໄດ້ກ່າວເຕືອນສຶກສາອົບຮົມບັນດາ ແມ່ຄ້າທີ່ສວຍໂອກາດລັກລອບນໍາໃຊ້ສານດັ່ງກ່າວຫລາຍລະດັບຕາມກໍລະນີໜັກເບົາ, ເພື່ອແນ່ໃສ່ຄວບຄຸມດ້ານໂພຊະນາການໃຫ້ຖືກຕາມຫລັກອະນາໄມສະອາດ ແລະ ປາສະຈາກສານປົນເປື້ອນຕ່າງໆທີ່ສົ່ງຜົນກະທົບອັນບໍ່ດີຕໍ່ສຸຂະພາບຂອງຜູ້ບໍລິໂພກກໍຄືປະຊາຊົນ. ເນື່ອງຈາກສານດັ່ງກ່າວເປັນນໍ້າຢາເຄມີທີ່ນໍາຢູ່ໃນວຽກງານທາງການແພດ, ຖ້າຜູ້ໃດກິນ ແລະ ສູບດົມສານດັ່ງກ່າວເຂົ້າໄປຮ່າງກາຍຈະສົ່ງຜົນກະທົບຕໍ່ລະບົບຫາຍໃຈ, ສະໜອງ,ລະບົບຍ່ອຍອາຫານ ແລະ ທຳລາຍຈຸລັງຕ່າງໆ, ເຮັດໃຫ້ສຸຂະພາບອ່ອນເພຍຊຸດໂຊມ ແລະ ມີພະຍາດອື່ນໆແຊກຊ້ອນຕາມມາ, ໂດຍສະເພາະພະຍາດມະເຮັງ ແລະ ຍ້ອນຄວາມອັນຕະລາຍດັ່ງກ່າວເຈົ້າໜ້າທີ່ກ່ຽວຂ້ອງຈຶ່ງກວດເອົາໃຈໃສ່ຕິດຕາມກວດກາບໍ່ໃຫ້ຊາວຄ້າຂາຍສວຍໂອກາດນໍາເອົາສານເຄມີດັ່ງກ່າວເຈືອປົນໃສ່ໃນອາຫານໂດຍເດັດຂາດ.   ຫົວໜ້າຂະແໜງດັ່ງກ່າວ ໃຫ້ຮູ້ວ່າ: ປັດຈຸບັນ, ນອກຈາກຕິດຕາມການໃຊ້ສານກັນບູດເຈືອປົນໃນອາຫານແລ້ວ, ອີກບັນຫາໜຶ່ງທີ່ໜ້າເປັນຫ່ວງແມ່ນມີສານເຄມີຕົກຄ້າງໃນຊີ້ນ, ປາ, ເຊິ່ງເກີດຈາກການໃຊ້ຢາຕ້ານເຊື້ອເກີນຂະໜາດຂອງຜູ້ຜະລິດ, ຊຶ່ງຜ່ານມາໄດ້ກວດພົບການໃຊ້ຢາດັ່ງກ່າວເກີນຂະໜາດຫລາຍສົມຄວນຢູ່ໃນຟາມລ້ຽງສັດ ແລະ ລ້ຽງປາກະຊັງຈຳນວນໜຶ່ງ, ໂດຍສະເພາະຜູ້ປະ ກອບການທີ່ຍັງບໍ່ໄດ້ຂື້ນທະບຽນກັບພາກສ່ວນກ່ຽວຂ້ອງ ແລະ ບໍ່ໄດ້ຮັບການກວດມາດຕະຖານການລ້ຽງກ່ອນສົ່ງຂາຍເຂົ້າຕະຫຼາດ. ຕໍ່ບັນຫາດັ່ງກ່າວຈຶ່ງເຕືອນໃຫ້ຜູ້ບໍລິໂພກກໍຄືປະຊາຊົນຈົ່ງເລືອກຊື້ອາຫານທີ່ສົດໃໝ່ ແລະ ສະອາດດີເທົ່ານັ້ນ. ຂໍ້ມູນຂ່າວຈາກ ໜັງສືພິມລາວພັດທະນາ

Read More »

ການປະມູນຂາຍລົດການນໍາຂັ້ນສູງປະສົບຜົນສໍາເລັດຈົບງາມ

 ພິທີປະມູນຂາຍລົດປະຈຳຕຳແຫນ່ງການນຳຂັ້ນສູງຂອງລາວຈຳນວນ14 ຄັນ, ຊຶ່ງປະກອບມີລົດບີເອັມດັບເບີນຢູ (BMW) ລຸ້ນ 730 LIຈຳນວນ 7 ຄັນ ແລະ ລົດເມີຊີເດດສະເບນ (Benz) ລຸ້ນ S350 ຈຳນວນ7 ຄັນ, ໄດ້ຈັດຂຶ້ນໃນບ່າຍວັນທີ 28 ກຸມພານີ້ທີ່ຫໍປະຊຸມແຫ່ງຊາດ,ນະຄອນຫລວງວຽງຈັນ, ໂດຍການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ມີບັນດາຜູ້ປະກອບການ, ນັກທຸລະກິດເຂົ້າຮ່ວມເປັນຈຳນວນຫລາຍ.     ທ່ານ ຄຳລາວັນ ຈັນທະລາວັນ ຮອງຫົວຫນ້າຫ້ອງວ່າການສຳນັກງານນາຍົກລັດຖະມົນຕີ ກ່າວວ່າ: ເພື່ອເປັນພື້ນຖານໃຫ້ແກ່ການປະຕິບັດວຽກງານດັ່ງກ່າວໃຫ້ແກ່ອົງການຈັດຕັ້ງພັກ-ລັດມີຄວາມເປັນເອກະພາບ ແລະ ລວມສູນ, ທັງເປັນການອຳນວຍຄວາມສະດວກໃຫ້ການນຳໃນການປະຕິບັດຫນ້າທີ່ວຽກງານທີ່ພັກ-ລັດ ປະຊາຊົນມອບຫມາຍໃຫ້, ພ້ອມທັງແນໃສ່ປະຕິບັດນະໂຍບາຍແຫ່ງຊາດໃຫ້ສ່ອດຄ່ອງກັບສະພາບຄວາມເປັນຈິງທາງດ້ານເສດຖະກິດ-ສັງຄົມຂອງປະເທດ, ເຊິ່ງລົດປະຈຳຕຳແຫນ່ງດັ່ງກ່າວແມ່ນຊັບສົມບັດລວມທີ່ປະກອບໃຫ້ການນຳຂັ້ນສູງທີ່ດຳລົງຕຳແຫນ່ງບໍລິຫານການປົກຄອງເປັນຜູ້ຄຸ້ມຄອງນຳໃຊ້ເຂົ້າວຽກງານທາງລັດຖະບານ, ພ້ອມນີ້ລັດຖະບານຈຶ່ງໄດ້ດຳເນີນການຈັດຕັ້ງຜັນຂະ ຫຍາຍດຳລັດເລກທີ 15/ນຍ ໃຫ້ເປັນຮູບປະທຳ ແລະ ປະກົດຜົນເປັນຈິງ. ຈຶ່ງໄດ້ຈັດຕັ້ງຄະນະຮັບຜິດຊອບດັ່ງກ່າວຂື້ນເພື່ອຈັດສັນພາຫະນະໃຫ້ສອດຄ່ອງກັບການກຳນົດ, ເຊິ່ງໄດ້ປັບປ່ຽນກຳນົດຍີ່ຫໍ້, ຄວາມແຮງແຕ່ລະລະດັບ, ປະເພດຂອງພາຫະນະໃຫ້ສອດຄ່ອງ.   ສຳລັບການປະມູນຄັ້ງນີ້ແມ່ນໄດ້ເປີດກວ້າງໃຫ້ບັນດານັກທຸລະກິດ, ບຸກຄົນ, ນິຕິບຸກຄົນ, ບໍລິສັດ, ຫ້າງຮ້ານຕ່າງໆໄດ້ມີໂອກາດເຂົ້າມາຮ່ວມປະມູນ, ໂດຍຮັບປະກັນໄດ້ຄວາມສາມັກຄີ, ມີຄວາມໂປ່ງໃສ, ມີລັກສະນະວິທະຍາສາດ ແລະ ສາກົນທີ່ຫລາຍປະເທດພວມປະຕິບັດ ແລະ ຈະກາຍເປັນບົດຮຽນທີ່ດີໃຫ້ແກ່ການຈັດການປະມູນຂາຍໃນຄັ້ງຕໍ່ໄປ, ເຊິ່ງລົດ BMW ມີລາຄາເລີ່ມຕົ້ນທີ່ 830 ລ້ານກີບ ແລະ ລົດ Benz ເລີ່ມຕົ້ນທີ່ 500ລ້ານກີບ, ລົດທີ່ເປີດປະມູນເປັນຄັນທຳອິດ ຍີ່ຫໍ້ BMW ແມ່ນລົດເຄີຍນຳໃຊ້ປະຈຳຕຳແຫນ່ງຂອງທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດແຫ່ງ ສປປລາວ, ໂດຍແມ່ນທ່ານ ຄຳລຽງ ສັບໄຊທອງ ຕາງຫນ້າບໍລິສັດ BV Group ຊະນະການປະມູນໄປໃນລາຄາ 890 ລ້ານກີບ, ຄັນທີ 2 ຍີ່ຫໍ້ Benz ແມ່ນລົດທີ່ເຄີຍໃຊ້ເປັນລົດປະຈຳຕຳແຫນ່ງຂອງທ່ານ ຈັນສີ ໂພສີຄຳ ກຳມະການກົມການເມືອງສູນກາງພັກ, ຫົວຫນ້າຄະນະຈັດຕັ້ງສູນກາງພັກ, ໂດຍແມ່ນທ່ານນາງ ດວງຈັນ ຫລຽນສະກຸນ ຊະນະການປະມູນໃນລາຄາ 520 ລ້ານກີບ, ຄັນທີ 3ຍີ່ຫໍ້ BMW ແມ່ນລົດປະຈຳຕຳແຫນ່ງຂອງທ່ານ ທອງລຸນ ສີສຸລິດ ກຳມະການກົມການເມືອງສູນກາງພັກ, ນາຍົກລັດຖະມົນຕີແຫ່ງ ສປປ ລາວ ໂດຍແມ່ນທ່ານ ທອງລິດ ກິ່ງແກ້ວອຸດົມ ຊະນະການປະມູນໃນລາຄາ 1.330 ລ້ານກີບ ເປັນລາຄາສູງກວ່າຫມູ່ໃນການປະມູນຄັ້ງນີ້, ຄັນທີ 4 ຍີ່ຫໍ້ Benz ແມ່ນລົດປະຈຳຕຳແຫນ່ງຂອງທ່ານ ໄຊສົມພອນ ພົມວິຫານ …

Read More »