Home » admin (page 4)

admin

admin

ຂ່າວລາວ – ລັດຖະບານກຽມນໍາຮ່າງກົດໝາຍຫລາຍສະບັບສະເໜີຜ່ານສະພາແຫ່ງຊາດໃນເດືອນເມສານີ້

ຕາມລາຍງານຈາກກົມປະຊາສໍາພັນສໍານັກງານນາຍົກລັດຖະມົນຕີ ໃຫ້ຮູ້ວ່າ: ລັດຖະບານໄດ້ກະກຽມນໍາຮ່າງກົດໝາຍຫລາຍສະບັບຄື: ຮ່າງກົດໝາຍວ່າດ້ວຍສົນທິສັນຍາ ແລະ ສັນຍາສາກົນ, ຮ່າງປະມວນກົດໝາຍອາຍາ, ຮ່າງກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນສະບັບປັບປຸງ, ຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸສື່ສານ ແລະ ຮ່າງກົດໝາຍວ່າດ້ວຍສີລະປະການສະແດງ ເພື່ອສະເໜີຜ່ານໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ທີ່ຈະໄຂຂຶ້ນໃນເດືອນເມສາທີ່ຈະເຖິງນີ້ໄດ້ຄົ້ນຄວ້າພິຈາລະນາຮັບຮອງເອົາ, ພາຍຫລັງລັດຖະບານໄດ້ເປັນ ເອກະພາບໂດຍພື້ນຖານຕໍ່ເນື້ອໃນຂອງຮ່າງກົດໝາຍດັ່ງກ່າວໃນກອງປະຊຸມລັດຖະບານສະໄໝວິສາມັນປະຈໍາເດືອນກຸມພາ 2017 ທີ່ຈັດຂຶ້ນໃນວັນທີ 15-16 ນີ້. ສໍາລັບຮ່າງປະມວນກົດໝາຍແພ່ງ ແລະ ຮ່າງກົດໝາຍວ່າດ້ວຍອົງການກາແດງລາວທີ່ໄດ້ນໍາສະເໜີຕໍ່ກອງປະຊຸມຄັ້ງນີ້, ລັດຖະບານເຫັນວ່າຮ່າງປະມວນກົດໝາຍແພ່ງແມ່ນເຫັນດີໃຫ້ນໍາສະເໜີສະພາແຫ່ງຊາດພິຈາລະນາທາບທາມໃນກອງປະຊຸມສະໄໝສາມັນເທື່ອທີ 3 ເຊັ່ນກັນ, ສ່ວນຮ່າງກົດໝາຍວ່າດ້ວຍອົງການກາແດງລາວ ທີ່ເຫັນວ່າຍັງມີຄໍາຄິດເຫັນແຕກຕ່າງກັນຈຶ່ງມອບໃຫ້ພາກສ່ວນກ່ຽວຂ້ອງນໍາໄປປັບປຸງຕື່ມແລ້ວນໍາມາສະເໜີຜ່ານກອງປະຊຸມລັດຖະບານອີກຄັ້ງໜຶ່ງ. ການສ້າງ ແລະ ຄົ້ນຄວ້າພິຈາລະນາບັນດາກົດໝາຍຕ່າງໆ ກໍເພື່ອຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກທີ່ກໍານົດວ່າ: ຕ້ອງສ້າງລັດປະຊາທິປະໄຕປະຊາຊົນໃຫ້ກາຍເປັນລັດທີ່ປົກຄອງດ້ວຍກົດໝາຍຕາມທິດທີ່ວ່າ: ພັກນໍາພາ ແລະ ລັດຄຸ້ມຄອງສັງຄົມດ້ວຍກົດໝາຍ, ປະຊາຊົນເປັນເຈົ້າສະເໝີພາບຕໍ່ໜ້າກົດໝາຍຢ່າງແທ້ຈິງ. ຂໍ້ມູນຈາກ ໜັງສືພິມລາວພັດທະນາ

Read More »

ຂ່າວຕ່າງປະເທດ – ເດັກນ້ອຍເປັນແຜຢູ່ໜ້າຜາກ ອາຍ ບໍ່ກ້າໄປໃສ ພໍແມ່ເຮັດແນວນີ້ …? ຕິດໃຈເລີຍ

Read More »

ນັກທຸລະກິດສົນໃຈເຂົ້າປະມູນຊື້ລົດການນໍາ

ຕາມການເປີດເຜີຍຂອງຄະນະຮັບພິຊອບປະມູນຂາຍລົດການນໍາລະດັບສູງ ໃຫ້ຮູ້ວ່າ: ພາຍ ຫລັງລັດຖະບານໄດ້ມີແຈ້ງການປະມູນຂາຍພາຫະນະທີ່ຮັບໃຊ້ການນໍາລະດັບສູງເມື່ອຕົ້ນເດືອນກຸມພາຜ່ານມານີ້, ກໍປະກົດວ່າໄດ້ມີນັກທຸລະກິດທັງພາຍໃນ ແລະ ຕ່າງປະເທດທີ່ດໍາເນີນທຸລະກິດຢູ່ລາວໃຫ້ຄວາມສົນໃຈເຂົ້າປະມູນຊື້ລົດດັ່ງກ່າວຫລາຍສົມຄວນ,ຊຶ່ງມີທັງໝົດ 14 ຄັນ, ໃນນັ້ນມີລົດເກັງຍີຫໍ້ບີເອັມດັບເບີນຢູ (BMW) ລຸ້ນ 730 LI ຈໍານວນ 7 ຄັນ ແລະ ລົດເກັງຍີຫໍ້ເມີຊີເດດເບນ (Mercedes BENZລຸ້ນ S350 ຈໍານວນ 7 ຄັນ, ຊຶ່ງຕາມແຈ້ງການຂອງຫ້ອງວ່າການສໍານັກງານນາຍົກລັດ ຖະມົນຕີສະບັບເລກທີ 225 ລົງວັນທີ 8 ກຸມພາ 2017 ລະບຸວ່າ: ການເປີດຊອງປະມູນຈະມີຂຶ້ນໃນຕອນເຊົ້າເວລາ 9:00 ໂມງຂອງວັນທີ 21 ກຸມພານີ້ທີ່ຫໍປະຊຸມແຫ່ງຊາດຫລັກ 6 ນະຄອນຫລວງວຽງຈັນ, ແຕ່ຖ້າຫາກມີການປ່ຽນແປງວັນເວລາເປີດຊອງປະມູນແມ່ນຈະມີການແຈ້ງໃຫ້ຊາບຕື່ມ ແລະ ປັດ ຈຸບັນມີນັກທຸລະກິດໄດ້ພົວພັນເອົາຊອງປະມູນໄປແລ້ວຫລາຍກວ່າ 60 ຄົນ ແລະ ຄາດວ່າອາດເກີນຮ້ອຍຄົນເມື່ອຮອດມື້ເປີດຊອງປະມູນ. ຄະນະຮັບພິຊອບວຽກງານດັ່ງກ່າວໃຫ້ຮູ້ວ່າ: ການຈັດປະມູນນີ້ແມ່ນປະຕິບັດຕາມກົດໝາຍວ່າດ້ວຍຊັບສີນຂອງລັດ ແລະ ຂໍ້ຕົກລົງຂອງນາຍົກລັດຖະມົນຕີສະບັບເລກທີ 06/ນຍ ລົງວັນທີ 16 ມັງກອນ 2017 ວ່າດ້ວຍການຖອນ, ການປະມູນ ແລະ …

Read More »

ລັດຖະບານພິຈາລະນາຮ່າງກົດໝາຍຫລາຍສະບັບ

ລັດຖະບານໄດ້ດໍາເນີນກອງປະຊຸມສະໄໝວິສາມັນປະຈໍາເດືອນກຸມພາໃນວັນທີ 15-16 ນີ້, ໂດຍການເປັນປະທານຂອງທ່ານນາຍົກລັດຖະມົນຕີ ທອງລຸນ ສີສຸລິດ ເພື່ອຄົ້ນຄວ້າພິຈາລະນາບັນຫາສໍາຄັນຄື: ຮ່າງກົດໝາຍວ່າດ້ວຍສົນທິສັນຍາ ແລະ ສັນຍາສາກົນ, ຮ່າງປະມວນກົດໝາຍແພ່ງ, ຮ່າງປະມວນກົດໝາຍອາຍາ, ຮ່າງກົດໝາຍວ່າດ້ວຍອົງການກາແດງລາວ, ຮ່າງກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນ, ຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸ, ຮ່າງກົດໝາຍວ່າດ້ວຍສີລະປະການສະແດງ, ຮ່າງກົດໝາຍວ່າດ້ວຍນໍ້າ ແລະ ຊັບພະຍາກອນແຫລ່ງນໍ້າ ແລະ ຮ່າງກົດໝາຍວ່າດ້ວຍການປົກປ້ອງອຸດສະຫະກໍາພາຍໃນ ແລະ ບັນຫາສໍາຄັນອື່ນໆອີກ. ຂໍ້ມູນຈາກ ໜັງສືພິມລາວພັດທະນາ

Read More »

ນາຍົກລັດຖະມົນຕີ ທອງລຸນ ສີສຸລິດ ເຂົ້າຢ້ຽມຂໍ່ານັບປະທານປະເທດ ແລະ ປະທານສະພາແຫ່ງຊາດ ຫວຽດນາມ

ໃນວັນທີ 8 ກຸມພານີ້, ຢູ່ທຳນຽບປະທານປະເທດ ນະຄອນ ຫລວງຮ່າໂນ້ຍ, ທ່ານ ເຈິ່ນດ້າຍກວາງ ປະທານປະເທດ ແຫ່ງ ສສ ຫວຽດນາມ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໃນໂອກາດເຂົ້າຮ່ວມກອງປະຊຸມ ຄະນະກຳມາທິການຮ່ວມມືທະວິພາຄີລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ຄັ້ງທີ 39 ປະຈຳປີ 2017 ທີ່ນະຄອນຫລວງຮ່າໂນ້ຍ.   ໃນໂອກາດນີ້, ທ່ານປະທານປະເທດແຫ່ງ ສສ ຫວຽດນາມ, ໄດ້ສະແດງຄວາມຊົມເຊີຍຢ່າງຈິງໃຈ ຕໍ່ຜົນງານອັນໃຫຍ່ຫລວງໃນຫລາຍຂົງເຂດ ທ່ີພັກ, ລັດຖະບານ ແລະ ປະຊາຊົນລາວ ຍາດມາໄດ້, ພິເສດແມ່ນຜົນສຳເລັດຂອງການເປັນປະທານອາຊຽນ ຂອງ ສປປ ລາວ ໃນປີ 2016, ເຮັດໃຫ້ອິດທິພົນ ແລະ ຊື່ສຽງຂອງລາວ ນັບມື້ພົ້ນເດັ່ນໃນເວທີສາກົນ ແລະ ພ້ອມນັ້ນ ປະທານປະເທດ ເຈິ່ນດ້າຍກວາງ …

Read More »

ຮອງລັດຖະມົນຕີກະຊວງການເງິນຊີ້ນໍາວິທີການແກ້ໄຂພາຫະນະທີ່ນໍາເຂົ້າບໍ່ຖືກຕ້ອງ

ໃນວັນທີ 6 ກຸມພານີ້, ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ໄດ້ເຂົ້າ ຮ່ວມກອງປະຊຸມປຶກສາຫາລືວິທີການແກ້ໄຂພາຫະນະນຳເຂົ້າບໍ່ຖືກຕ້ອງ, ຕາມແຈ້ງການ 142/ຫສນຍ ລົງວັນທີ 25 ມັງກອນຜ່ານມານີ້, ຊຶ່ງມີລາຍລະອຽດດັ່ງນີ້: ສຳລັບບັນຊີພາຫະນະຄ້າງສາງ ແຕ່ປີ 2012-2015 ມີ 100 ກວ່າຄັນ, ສ່ວນລາຍລະອຽດຂອງປະເພດລົດແມ່ນໃຫ້ບຸກຄົນ ຫລື ບັນດາບໍລິສັດຕ່າງໆປະສານກັບຄະນະຮັບຜິດຊອບວຽກງານລົງກວດກາເບິ່ງຕົວຈິງຢູ່ສາງສິນຄ້າຜ່ານແດນ (C-Y).   ສະນັ້ນ ຈຶ່ງຮຽກຮ້ອງເຖິງເຈົ້າຂອງລົດ, ບັນດາບໍລິສັດທີ່ນຳເຂົ້າພາຫະນະດັ່ງກ່າວ, ຊຶ່ງມີລົດ ທີ່ກາຍ ກຳນົດເວລາທີ່ກົດໝາຍພາສີກຳນົດໄວ້ ແຕ່ປີ 2012-2015 ແລະ ແຕ່ວັນທີ 1 ມັງກອນ – 31 ສິງຫາ 2016,ຊຶ່ງກາຍກຳນົດເປັນເວລາ 4 ເດືອນ, ໃຫ້ຮີບຮ້ອນເຂົ້າມາພົວພັນ ແລະ ດຳເນີນການ ແກ້ໄຂຕາມ   ແຈ້ງການດັ່ງກ່າວ ຕາມແຕ່ລະກໍລະນີທີ່ນຳເຂົ້າໃຫ້ຖືກຕ້ອງ ແລະ ທັນຕາມກຳນົດເວລາທີ່ກຳນົດໄວ້. ຂໍ້ມູນຈາກ ໜັງສືພິມລາວພັດທະນາ

Read More »

ທ່ານນາຍົກລັດຖະມົນຕີໂອ້ລົມພະນັກງານຫລັກແຫລ່ງແຂວງບໍລິຄຳໄຊ

ໂອກາດເຂົ້າຮ່ວມເປີດງານມະຫະກຳກິລານັກຮຽນມັດທະຍົມສຶກສາທົ່ວປະເທດທີ່ແຂວງບໍລິຄຳໄຊເປັນເຈົ້າພາບ, ທ່ານ ທອງລຸນ ສີສຸລິດ ກຳມະການກົມການເມືອງສູນກາງພັກ, ນາຍົກລັດ ຖະມົນຕີ ໄດ້ຢ້ຽມຢາມ ແລະ ພົບປະໂອ້ລົມພະນັກງານຫລັກແຫລ່ງແຂວງດັ່ງກ່າວ ໂດຍໃຫ້ກຽດຕ້ອນຮັບຂອງທ່ານ ກອງແກ້ວ ໄຊສົງຄາມ ກຳມະການສູນກາງພັກ, ເລຂາພັກແຂວງ, ເຈົ້າແຂວງບໍລິຄຳໄຊ ເຊິ່ງກ່ອນອື່ນທ່ານນາຍົກໄດ້ສະແດງຄວາມຍ້ອງຍໍຊົມເຊີຍ, ຕີລາຄາສູງຕໍ່ຄະນະບໍລິຫານງານພັກແຂວງທີ່ໄດ້ເອົາໃຈໃສ່ພ້ອມກັນພັດທະນາແຂວງບໍລິຄຳໄຊໃຫ້ມີໃບໜ້າໃໝ່ ແລະ ມີທ່າກ້າວຂະ ຫຍາຍຕົວຢ່າງຕໍ່ເນື່ອງ, ພ້ອມເນັ້ນໃຫ້ຄະນະບໍລິຫານພັກແຂວງແຕ່ລະຂັ້ນຈົ່ງໄດ້ສືບຕໍ່ປະຕິບັດໜ້າທີ່ຂອງຕົນດ້ວຍຄວາມຮັບຜິດຊອບສູງ, ຜັນຂະຫຍາຍເນື້ອໃນມະຕິ 10 ຂອງພັກ ກໍຄືຄຳສັ່ງຕ່າງໆ ແລະ ແຜນພັດທະນາເສດຖະກິດ-ສັງຄົມແຂວງໃຫ້ໜັກແໜ້ນ, ເກັບລາຍຮັບເຂົ້າງົບປະມານໃຫ້ໄດ້ຕາມຄາດໝາຍທີ່ວາງໄວ້, ຮັບປະກັນຄວາມໂປ່ງໃສ, ຍຸຕິທຳ, ອັດຊ່ອງວ່າງການຮົ່ວໄຫລ, ຕ້ານການສໍ້ລາດບັງຫລວງໃຫ້ໄດ້ຢ່າງຂາດຕົວ, ຫັນເອົາທ່າແຮງຂອງແຂວງທີ່ມີເຂົ້າໃນແຜນພັດທະນາເສດຖະກິດ-ສັງ ຄົມໃຫ້ມີທ່າກ້າວຂະຫຍາຍຕົວຂຶ້ນຢ່າງບໍ່ຢຸດຢັ້ງ. ໃນໂອກາດດັ່ງກ່າວ, ທ່ານນາຍົກລັດຖະມົນຕີ ພ້ອມຄະນະ ຍັງໄດ້ໄປເບິ່ງຄວາມຄືບໜ້າຂອງໂຄງການກໍ່ສ້າງເຂື່ອນໄຟຟ້ານ້ຳງຽບ 1 ຢູ່ບ້ານຫາດຢື້ນ ເມືອງບໍລິຄັນ ແຂວງບໍລິຄຳໄຊ,ນຳພາທາງໂດຍທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມປະທານບໍລິສັດເຂື່ອນໄຟຟ້າດັ່ງກ່າວ. ໂຄງການໄດ້ເລີ່ມລົງມືກໍ່ສ້າງມາແຕ່ທ້າຍປີ 2013, ຄາດວ່າຈະໃຊ້ເວລາກໍ່ສ້າງທັງໝົດ 70 ເດືອນ ແລະ ຈະເກັບກັກນ້ຳເຂົ້າເຂື່ອນໃນເດືອນກໍລະກົດປີ 2018 ແລະ ຈະສາມາດເປີດນຳໃຊ້ໄຟຟ້າໄດ້ໃນເດືອນມັງກອນປີ 2019. ມາຮອດປັດຈຸບັນການກໍ່ສ້າງສຳ ເລັດແລ້ວ …

Read More »

ໂຄງການຂະຫຍາຍສະໜາມບິນສາກົນວັດໄຕສັນຍາລັກແຫ່ງການພົວພັນຮ່ວມມືລະຫວ່າງ ລາວ-ຍີ່ປຸ່ນ

ໂຄງການຂະຫຍາຍສະໜາມບິນສາກົນວັດໄຕ (ໂຄງການກູ້ຢືມເງິນຈຳນວນ 9 ຕື້ເຢັນ) ແມ່ນໂຄງການຂະຫຍາຍສິ່ງອຳນວຍຄວາມສະດວກໃນການບໍລິການຜູ້ໂດຍສານ ເພື່ອບັນລຸເປົ້າໝາຍໃນການຮັກສາຄວາມສະດວກ ແລະ ຄວາມປອດໄພ, ຕອບສະໜອງຄວາມຕ້ອງການຂອງການເພີ່ມຂຶ້ນຂອງການບິນທີ່ສະໜາມບິນສາກົນວັດໄຕທີ່ມີທ່າອ່ຽງວ່າຜູ້ນຳໃຊ້ສະໜາມບິນຈະມີເຖິງ 2 ລ້ານຄົນ ພາຍໃນປີ 2023. ໃນເດືອນທັນວາ 2015 ໄດ້ມີການວາງສີລາລືກ ລະຫວ່າງທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງລາວ ແລະ ທ່ານ ອິຊິອິ ເຄອິຈິ ລັດຖະມົນຕີກະຊວງທີ່ດິນ, ພື້ນຖານໂຄງລ່າງ, ຂົນສົ່ງ ແລະ ທ່ອງທ່ຽວຍີ່ປຸ່ນ ແລະ ການກໍ່ສ້າງຂອງໂຄງການໄດ້ຖືກລິເລີ່ມຫລັງພິທີດັ່ງ ກ່າວ ແລະ ຈະໃຫ້ສຳເລັດໃນຕົ້ນປີ 2018. ປັດຈຸບັນ ໂຄງການດັ່ງກ່າວແມ່ນດຳເນີນມາເປັນເວລາ 1 ປີ ແລະ ມີຄວາມກ້າວໜ້າຂຶ້ນເລື້ອຍໆ. ໃນເດືອນທັນວາ 2016, ເບື້ອງຕາເວັນຕົກຂອງສະໜາມບິນສາກົນໄດ້ມີການເທພື້ນ-ເສົາ ແລະ ອື່ນໆຂຶ້ນ ແລະ ເບື້ອງຕາເວັນອອກ ແລະ ສະໜາມບິນພາຍໃນນັ້ນ ໄດ້ມີການກໍ່ສ້າງເສົາເຂັມທີ່ຮອງຮັບອາຄານຂຶ້ນ. ນອກຈາກນີ້ ແມ່ນມີແຜນຈະເປີດນຳໃຊ້ເບື້ອງຕາເວັນຕົກອາຄານເຊື່ອມຕໍ່ເຮືອບິນໃນເດືອນສິງຫາ 2017, ສ່ວນເບື້ອງຕາເວັນອອກຂອງສະໜາມບິນນີ້ ແມ່ນຈະເປີດໃຊ້ໃນເດືອນທັນວາ 2017 …

Read More »

ລຸກຊໍາບວກຊ່ວຍລາວຕ້ານສໍ້ລາດບັງຫລວງ

ພິທີລົງນາມສະໜັບສະໜູນທຶນເພື່ອເຝິກອົບຮົມໃຫ້ພະນັກງານກວດກາ ແລະ ພິມປຶ້ມກົດໝາຍຂອງອົງການກວດກາລັດຖະບານແຫ່ງ ສປປ ລາວ ລວມມີມູນຄ່າ 15 ພັນເອີໂຣລະຫວ່າງທ່ານ ໂຄຼດ ເຢີນເຊັນ ອຸປະທູດລຸກຊຳບວກປະຈຳ ລາວ ແລະ ທ່ານ ທຸມມີ ທຳມະວົງ ຫົວໜ້າຫ້ອງການອົງການກວດກາລັດຖະບານ, ໄດ້ຈັດຂຶ້ນໃນວັນທີ 30 ມັງກອນນີ້, ໂດຍມີທ່ານ ສຸກຄຳເພັດ ເຮືອງບຸດສີ ຮອງປະທານອົງການກວດກາລັດຖະບານ, ຫົວໜ້າ ອົງການຕ້ານການສໍ້ລາດບັງຫລວງ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ, ຂະນະທີ່ທ່ານຫົວໜ້າຫ້ອງການອົງການກວດກາລັດຖະບານໄດ້ຕີລາຄາສູງຕໍ່ການຊ່ວຍເຫລືອດັ່ງກ່າວວ່າເປັນການປະກອບສ່ວນສໍາຄັນເຂົ້າໃນການປະຕິບັດວຽກງານກວດກາໃຫ້ມີປະສິດທິພາບ, ໂດຍສະເພາະນໍາໃຊ້ເຂົ້າໃນການເຝິກອົບຮົມພະນັກງານກວດກາໃຫ້ມີຄວາມຮູ້ຄວາມສາມາດດ້ານວຽກງານວິຊາສະເພາະສູງຂຶ້ນ ແລະ ຈັດພິມປຶ້ມກົດໝາຍເພື່ອເປັນບ່ອນອິງ ແລະ ເຄື່ອງມືໃນການເຄື່ອນໄຫວວຽກງານໃຫ້ມີປະສິດທິຜົນ ເປັນຕົ້ນ: ກວດກາການສໍ້ລາດບັງຫລວງໃຫ້ມີຄວາມໂປ່ງໃສ, ລະອຽດ, ຊັດເຈນ ແລະ ຖືກຕ້ອງຕາມລະບຽບກົດໝາຍ. ຂໍ້ມູນຈາກ ໜັງສືພິມລາວພັດທະນາ

Read More »

ເລຂາທິການໃຫຍ່ ທ່ານ ບຸນຍັງ ວໍລະຈິດ ແນະນຳແຂວງສະຫວັນນະເຂດ ເອົາໃຈໃສ່ຕ້ານພະຍາດອາຍາສິດ ແລະ ການສໍ້ລາດບັງຫລວງ

 ໃນໂອກາດຢ້ຽມຢາມ ແລະ ພົບປະໂອ້ລົມການນຳແຂວງສະຫວັນນະເຂດຂອງທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ ໃນວັນທີ 25 ມັງກອນນີ້ ຢູ່ຫ້ອງການປົກຄອງແຂວງດັ່ງກ່າວ, ນອກຈາກທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຕ່າງໆທີ່ແຂວງສະຫວັນນະເຂດຍາດມາໄດ້ໃນການປົກປັກຮັກສາ ແລະ ສ້າງສາທ້ອງຖິ່ນຂອງຕົນ ອັນໄດ້ເຮັດໃຫ້ແຂວງມີຄວາມສະຫງົບໂດຍພື້ນຖານ, ເສດຖະກິດຂະ ຫຍາຍຕົວຕໍ່ເນື່ອງ ແລະ ຊີວິດການເປັນຢູ່ຂອງປະຊາຊົນໄດ້ຮັບການຍົກລະດັບດີຂຶ້ນຢ່າງໜ້າເພິ່ງພໍໃຈ. ແຕ່ຄຽງຄູ່ກັນນັ້ນ, ກໍຍັງມີຫລາຍອັນທີ່ແຂວງສະຫວັນນະເຂດຈະ ຕ້ອງໄດ້ເອົາໃຈໃສ່ປັບປຸງແກ້ໄຂ ໂດຍສະເພາະແມ່ນຈະຕ້ອງໄດ້ສຸມໃສ່ແກ້ໄຂພະຍາດອາຍາສິດຫ່າງເຫີນປະຊາຊົນ ແລະ ບັນຫາການສໍ້ລາດບັງຫລວງທີ່ຍັງເປັນໄພຄຸກຄາມແກ່ການພັດທະນາເສດຖະກິດ-ສັງຄົມຂອງທ້ອງຖິ່ນນັ້ນໃຫ້ໝົດໄປ ແລະ ພ້ອມນັ້ນ ກໍຈະຕ້ອງໄດ້ເພີ່ມທະວີວຽກງານປ້ອງກັນຄວາມສະຫງົບຕ້ານສິ່ງຫຍໍ້ທໍ້ໃຫ້ເຂັ້ມແຂງກວ່າເກົ່າ ໂດຍສະເພາະແມ່ນບັນຫາຢາເສບຕິດທີ່ຍັງເປັນອຸປະສັກກີດກັ້ນການພັດທະນາບ້ານເມືອງເຮົາໃຫ້ໝົດໄປ ແລະ ຄຽງຄູ່ກັນນັ້ນ ກໍຕ້ອງໄດ້ເອົາໃຈໃສ່ພັດທະນາຊັບພະຍາກອນມະນຸດ, ສ້າງກຳລັງແຮງງານໃຫ້ມີຄວາມຮູ້ຄວາມສາມາດ, ປະກອບສ່ວນເຂົ້າໃນວຽກງານຕ່າງໆຂອງທ້ອງຖິ່ນໃຫ້ມີຄວາມເຂັ້ມແຂງ ໂດຍສະເພາະການຜະລິດເປັນສິນຄ້າໃຫ້ແຂງແຮງຕາມທ່າແຮງ ແລະ ຄວາມອາດສາມາດບົ່ມຊ້ອນຂອງທ້ອງຖິ່ນຕາມທິດພັດທະນາທີ່ຍືນຍົງ, ເອົາໃຈໃສ່ປົກປັກຮັກສາສິ່ງແວດລ້ອມໃຫ້ມີປະສິດທິຜົນຍິ່ງຂຶ້ນ.      ໃນໂອກາດນີ້, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ໄດ້ລາຍງານສະພາບການພັດທະນາເສດຖະກິດ-ສັງຄົມຂອງແຂວງໃຫ້ທ່ານເລຂາທິການໃຫຍ່ຊາບວ່າ: ໃນສົກ 2015-2016 ເສດຖະກິດຂອງແຂວງມີການຂະຫຍາຍຕົວຕໍ່ເນື່ອງ ແລະ ໝັ້ນທ່ຽງ, GDP ເພີ່ມຂຶ້ນສະເລ່ຍ10,31% ຕໍ່ປີ, ໃນນັ້ນກະສິກຳເພີ່ມຂຶ້ນ 6,06% ກວມເອົາ …

Read More »