Home » ຂ່າວ » ຂ່າວພາຍໃນ (page 10)

ຂ່າວພາຍໃນ

.:。✿* ລັດບໍ່ອະນຸຍາດໃຫ້ຂື້ນຄ່າຮຽນໃດໆ *✿.。.:

 ພາຍຫຼັງສົກຮຽນໃໝ່ 2016–2017, ໄດ້ເປີດຂຶ້ນຢ່າງເປັນທາງການໃນທົ່ວປະເທດແລ້ວເຫັນວ່າບັນຍາກາດການຮຽນ-ການສອນໄດ້ດຳເນີນໄປຢ່າງຟົດຟື້ນ, ໂດຍສະເພາະຢູ່ນະຄອນຫຼວງວຽງຈັນ, ບັນດາໂຮງຮຽນ ແລະ ສະຖາບັນການສືກສາຕ່າງໆທັງພາກລັດ ແລະ ເອກະຊົນຕ່າງໆກໍເລີ່ມເຂົ້າຮຽນເປັນປົກກະຕິ ແລະ ກໍເປັນທີ່ເພີງພໍໃຈຂອງນັກຮຽນ ແລະ ຜູ້ປົກຄອງທີ່ກະຊວງສຶກສາທິການ ແລະ ກິລາ ຍັງບໍ່ມີແຈ້ງການອະນຸມັດໃຫ້ໂຮງຮຽນໃດນັບທັງພາກລັດ ແລະ ເອກະຊົນຂື້ນຄ່າຮຽນແຕ່ຢ່າງໃດ ແລະ ໃຫ້ປະຕິບັດຕາມອັດຕາເກົ່າຂອງປີຜ່ານມາ, ໂດຍສະເພາະໂຮງຮຽນພາກເອ ກະຊົນແມ່ນໄດ້ວາງເພດານການເກັບຄ່າຮຽນໄວ້ຢ່າງລະອຽດຄື: ໂຮງລ້ຽງເດັກເກັບບໍ່ໃຫ້ເກີນ 190 ພັນກີບຕໍ່ຄົນຕໍ່ເດືອນ, ໂຮງຮຽນ ອະນຸບານເກັບບໍ່ໃຫ້ເກີນ 140 ພັນກີບຕໍ່ຄົນຕໍ່ເດືອນ, ຊັ້ນປະຖົມບໍ່ໃຫ້ເກີນ 110 ພັນກີບຕໍ່ຄົນຕໍ່ເດືອນ, ຊັ້ນມັດທະຍົມຕົ້ນບໍ່ໃຫ້ເກີນ 120 ພັນກີບຕໍ່ຄົນຕໍ່ເດືອນ, ຊັ້ນມັດທະ ຍົມປາຍບໍ່ໃຫ້ເກີນ 140 ພັນກີບຕໍ່ຄົນຕໍ່ເດືອນ,ຈຳນວນເງິນດັ່ງກ່າວແມ່ນສະເພາະແຕ່ຄ່າຮຽນ. ເຖິງຢ່າງໃດກໍຕາມຖ້າຫາກພົບວ່າໂຮງຮຽນໃດຂື້ນຄ່າຮຽນຕາມລຳພັງໃຈໂດຍບໍ່ໄດ້ຮັບອະນຸຍາດຈາກພາກສ່ວນກ່ຽວຂ້ອງແມ່ນຈະຖືກດຳເນີນມາດຕະການຕາມກົດລະບຽບ ແລະ ຂໍ້ກຳນົດທີ່ພາກສ່ວນກ່ຽວຂ້ອງວາງອອກ. ຜູ້ປົກຄອງນັກຮຽນຫຼາຍຄົນຕ່າງກໍ່ບອກວ່າ: ເຂົາເຈົ້າຕ່າງກໍເພີງພໍໃຈທີ່ພາກລັດບໍ່ອະນຸຍາດໃຫ້ຂື້ນຄ່າຮຽນ, ເພາະຈະເປັນໂອກາດຜູ້ທຸກຍາກຂາດເຂີນກໍຄືລູກຫຼານຜູ້ທີ່ຫາເຊົ້າກິນຄ້ຳໄດ້ມີໂອກາດເຂົ້າຮຽນຫຼາຍຂຶ້ນ. ຂໍ້ມູນຈາກ ໜັງສືພິມລາວພັດທະນາ

Read More »

.:。✿* ຈັບແລ້ວ!!! ຜູ້ຄ້າຢາເສບຕິດລາຍໃຫຍ່ *✿.。.:

ເມື່ອທ້າຍອາທິດຜ່ານມານີ້, ເຈົ້າໜ້າທີ່ ປກສ ແຂວງບໍ່ແກ້ວ, ສາມາດຈັບຜູ້ຄ້າຂາຍຢາເສບຕິດລາຍໃຫຍ່ຢູ່ດ່ານກວດກາບ້ານນ້ຳເກິ່ງ, ເມືອງຕົ້ນເຜິ້ງ, ໂດຍມີຊື່ວ່າ: ທ້າວ ໄໝ່ຈັນດີ, ອາຍຸ 27 ປີຢູ່ບ້ານຊຽງກົກໃໝ່, ເມືອງລອງ, ແຂວງຫລວງນ້ຳທາ, ພ້ອມຂອງກາງຢາບ້າຈໍານວນ 2 ແສນເມັດ, ລົດກະບະວີໂກ້ໜຶ່ງຄັນ ແລະ ໂທລະສັບມືຖືໜຶ່ງເຄື່ອງ ຈຶ່ງໄດ້ຢຶດໄວ້ເປັນຫລັກຖານໃນການດໍາເນີນຄະດີຕາມລະບຽບກົດໝາຍ.    ເຈົ້າໜ້າທີ່ໃຫ້ຮູ້ວ່າ: ຜູ້ກ່ຽວແມ່ນເປົ້າໝາຍຄ້າຢາເສບຕິດຕົວອັນຕະລາຍທີ່ໄດ້ຕິດຕາມມາເປັນເວລາດົນແຕ່ບໍ່ມີຫລັກຖານພຽງພໍທີ່ຈະຈັບກຸມ, ຈົນຮອດວັນທີ 21 ກັນຍາຜ່ານນີ້ໄດ້ມີພົນລະ ເມືອງດີ ລາຍງານໃຫ້ຮູ້ວ່າຜູ້ກ່ຽວຈະມີການເຄື່ອນໄຫວຂົນສົ່ງຢາເສບຕິດຄັ້ງໃຫຍ່, ຈຶ່ງໄດ້ນຳກຳລັງເຈົ້າໜ້າທີ່ຕັ້ງດ່ານກວດກາຕາມເສັ້ນທາງຫລາຍຈຸດໃນຕົວເມືອງ ແລະ ພົບເຫັນລົດເປົ້າໝາຍເປັນກະບະວີໂກ້ໝາຍເລກທະບຽນ 2888 ກໍາແພງນະຄອນແລ່ນມາດ້ວຍຄວາມໄວຕາມເສັ້ນທາງເຂດບ້ານນໍ້າເກິ່ງ, ເມືອງຕົ້ນເຜິ້ງ, ຈຶ່ງໄດ້ຢຸດລົດເພື່ອກວດກາແລ້ວເຫັນຢາບ້າຈຳນວນດັ່ງກ່າວຊຸກເຊື່ອງໄວ້ໃນເບາະນັ່ງດ້ານຫລັງລົດ ຈຶ່ງໄດ້ຈັບຕົວມາດໍາເນີນຄະດີຕາມລະບຽບກົດໝາຍ.             ຜ່ານການສືບສວນ-ສອບສວນຜູ້ກ່ຽວຮັບສາລະພາບວ່າ: ຢາບ້າທັງໝົດແມ່ນຕົນເອງໄດ້ໄປຮັບມາຈາກຄົນມຽນມາຢູ່ບ້ານຫ້ວຍໄຄ້, ເມືອງຕົ້ນເຜິ້ງ ເພື່ອຈະເອົາໄປສົ່ງໃຫ້ຊາຍຄົນໜຶ່ງທີ່ບໍ່ຮູ້ຊື່ຢູ່ເມືອງຫ້ວຍຊາຍ ແຂວງບໍ່ແກ້ວ, ໂດຍໄດ້ຮັບຄ່າຈ້າງ 50 ພັນບາດ(ສະກຸນເງິນໄທ) ແລະ ຢາບ້າອີກໜຶ່ງມັດ, ແຕ່ຖືກເຈົ້າໜ້າທີ່ຈັບຕົວໄດ້ເສຍກ່ອນ.    ປັດຈຸບັນຄະດີຢາເສບຕິດລາຍນີ້, ເຈົ້າໜ້າທີ່ກໍາລັງຂະຫຍາຍຜົນຫາຜູ້ຮ່ວມຂະບວນການເພື່ອຈັບຕົວມາດໍາເນີນຄະດີໂດຍໄວ. ຂໍ້ມູນຈາກ ໜັງສືພິມລາວພັດທະນາ

Read More »

.:。✿* ລາວສ້າງນິຕິກໍາໃໝ່ອຸດໜູນພະນັກງານລັດເຮັດວຽກນອກໂມງການ *✿.。.:

ໃນວັນທີ 26 ກັນຍານີ້, ຢູ່ສູນການຮ່ວມມື ແລະ ຝຶກອົບຮົມ (ITCT) ນະຄອນຫລວງວຽງຈັນ, ກະຊວງການເງິນໄດ້ເຊີນຜູ້ຕາງໜ້າຈາກບັນດາກະຊວງອ້ອມຂ້າງສູນກາງເພື່ອຮ່ວມປຶກສາຫາລືທາບທາມຄວາມຄິດເຫັນໃສ່ຮ່າງດໍາລັດວ່າດ້ວຍການປະຕິບັດເງິນອຸດໜູນເຮັດວຽກນອກໂມງລັດຖະການສໍາລັບພະນັກງານ-ລັດຖະກອນ, ເພື່ອຮັບປະກັນໃຫ້ຮ່າງດໍາລັດດັ່ງກ່າວມີເນື້ອໃນຄົບຖ້ວນ, ຮັດກຸມ, ແທດເໝາະ ແລະ ສອດຄ່ອງກັບສະພາບຕົວຈິງຂອງການຈັດຕັ້ງປະຕິບັດຢ່າງເປັນເອກະພາບບົນພື້ນຖານປະຢັດມັດທະຢັດ.   ໃນໂອກາດກ່າວເປີດກອງປະຊຸມດັ່ງກ່າວຂອງທ່ານຮອງລັດຖະມົນຕີກະຊວງການເງິນ ສີລາ ວຽງແກ້ວ ໄດ້ມີຄໍາເຫັນສໍາຄັນວ່າ: ໃນໄລຍະຜ່ານມາການປະຕິບັດເງິນອຸດໜູນການເຮັດວຽກນອກໂມງລັດຖະການສໍາລັບພະນັກງານ-ລັດຖະກອນອິງໃສ່ອັດຕາຄິດໄລ່ທີ່ໄດ້ກໍານົດໄວ້ໃນມາດຕາ 2 ຂອງດໍາລັດສະບັບເລກທີ 176/ນຍ ລົງວັນທີ 25 ພະຈິກ 1993 ວ່າດ້ວຍອັດຕາເບ້ຍເພີ່ມຕໍາແໜ່ງ, ການອຸດໜູນ ແລະ ເບ້ຍລ້ຽງໃຫ້ແກ່ລັດຖະກອນ, ພາລະກອນ ແລະ ອື່ນໆ, ຊຶ່ງເປັນນິຕິກໍາທີ່ຖືກຈັດຕັ້ງມາເປັນເວລາດົນສົມຄວນ ແລະ ມາຮອດປັດຈຸບັນຜ່ານການຄົ້ນຄວ້າ, ວິໃຈຂໍ້ມູນເຫັນວ່າອັດຕາຄິດໄລ່ດັ່ງກ່າວເພີ່ມຂຶ້ນຫລາຍ. ສະນັ້ນ ເພື່ອເປັນການປະຢັດລາຍຈ່າຍງົບປະມານ, ພ້ອມທັງຮັບປະກັນຊີວິດການເປັນຢູ່ ແລະ ກະຕຸກຊຸກຍູ້ຄວາມຫ້າວຫັນໃນວຽກງານຂອງພະນັກງານ-ລັດຖະກອນ ຈຶ່ງເຫັນວ່າຄວນປັບປຸງການຫລຸດອັດຕາຄິດໄລ່ດັ່ງກ່າວລົງໃນລະດັບທີ່ເໝາະສົມ ແລະ ສ້າງເປັນຮ່າງດໍາລັດຂອງນາຍົກລັດຖະມົນຕີເພື່ອຈັດຕັ້ງປະຕິບັດ ແລະ ປ່ຽນແທນນິຕິກໍາສະບັບເກົ່າ.    ທ່ານນາງ ບົວເງິນ ອຸ່ນນະລາດ ວ່າການຫົວໜ້າກົມນະໂຍບາຍການເງິນ ກະຊວງການເງິນ ກ່າວວ່າ: ຮ່າງດໍາລັດດັ່ງກ່າວປະກອບມີ 6 ໝວດ ແລະ 17 …

Read More »

.:。✿* ເກີດເຫດສະລົດໃຈ! ອາດີດນັກຮຽນ ໂຮງຮຽນແຫ່ງໜຶ່ງ ຂ້າໂຕຕາຍຍ້ອນ (ຄວາມຮັກ) *✿.。.:

ຂໍມູນນີ້ໂພສເມື່ອ 12 ໂມງທີ່ແລ້ວ ທາງທີມງານເຮົາຂໍສະແດງຄວາມເສຍໃຈໃນເຫດການຄັ້ງນີ້ດ້ວຍ ຢາກໃຫ້ເລື່ອງນີ້ເປັນອຸທາຫອນໄວ້ເດີ້ ຂໍ້ມູນຈາກ Sonepaseuth Sitthixay

Read More »

.:。✿* ຜົນກອງປະຊຸມຄົບຄະນະບໍລິຫານງານສູນກາງພັກຄັ້ງທີ 3 ສະໄໝທີ X *✿.。.:

ກອງປະຊຸມຂອງຄະນະບໍລິຫານງານສູນກາງພັກຄັ້ງທີ 3 ສະໄໝທີ X, ໄດ້ມີຂຶ້ນແຕ່ວັນທີ 12-21 ກັນຍານີ້, ທີ່ນະຄອນຫລວງວຽງຈັນ, ພາຍໃຕ້ການເປັນປະທານຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ.              ກອງປະຊຸມໄດ້ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະ ມານ ແລະ ເງິນຕາສົກປີ 2015-2016 ແລະ ທິດທາງວຽກງານສຳລັບປີ 2017, ມາດຕະການກ່ຽວກັບກັບການແກ້ໄຂພະຍາດອາດຍາສິດ ແລະ ສໍ້ລາດບັງຫລວງ, ພ້ອມທັງດຳເນີນຊີວິດການເມືອງພາຍໃນປະຈຳປີ 2016. ກອງປະຊຸມໄດ້ເປັນເອກະພາບໃນໄລຍະ 9 ເດືອນຜ່ານມາເຫັນວ່າໄດ້ມີການ ຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິ X ຂອງພັກແຕ່ຂັ້ນສູນກາງລົງເຖິງທ້ອງຖິ່ນຮາກຖານ, ບັນຫາທີ່ມີລັກສະນະພົ້ນເດັ່ນ ແລະ ຮີບດ່ວນຈຳນວນໜຶ່ງໄດ້ຮັບການເອົາໃຈໃສ່ແກ້ໄຂເພື່ອຮັບປະກັນຄວາມສະຫງົບ ແລະ ສະກັດກັ້ນໜໍ່ແໜງທີ່ຈະກໍ່ໃຫ້ເກີດຄວາມບໍ່ເປັນລະບຽບຮຽບຮ້ອຍໃນສັງຄົມ, ເຮັດໃຫ້ສະພາບດ້ານການເມືອງສືບຕໍ່ມີຄວາມສະຫງົບໝັ້ນຄົງ, ສັງຄົມມີຄວາມປອດໄພໂດຍພື້ນຖານ ແລະ ເສດຖະກິດໂດຍລວມຍັງສືບຕໍ່ຂະຫຍາຍຕົວ.              ລັດຖະບານກໍຄືຂະແໜງການ ແລະ ທ້ອງຖິ່ນ ໄດ້ເອົາໃຈໃສ່ແກ້ໄຂຄວາມຫຍຸ້ງຍາກດ້ານການເງິນ-ງົບປະມານ, ບັນຫາໄມ້ເຖື່ອນ, ລາຄາໄຟຟ້າ, ການນຳເຂົ້ານ້ຳມັນ ແລະ ການເກັບພາສີ-ອາກອນທີ່ບໍ່ສອດຄ່ອງ. ພ້ອມນັ້ນໄດ້ດຳເນີນການປັບປຸງກົງຈັກຂອງລັດຖະບານ ແລະ ອື່ນໆ ອັນພົ້ນເດັ່ນແມ່ນການຢ້ຽມຢາມລັດຖະກິດຂອງສະຫາຍເລຂາທິການໃຫຍ່ປະທານປະເທດຢູ່ …

Read More »

.:。✿* ບົດຄໍາເຫັນອໍາລາຂອງທ່ານເອກອັກຄະລັດຖະທູດສະຫະລັດອາເມລິກາປະຈໍາລາວ *✿.。.:

ການຢ້ຽມຢາມ ສ ປປ ລາວ ຄັ້ງປະຫວັດສາດຂອງປະທານາທິບໍດີສະຫະລັດອາເມລິກາ ບາຣັກ ໂອບາມາ, ແມ່ນກົງກັບໄລຍະທີ່ຂ້າພະເຈົ້າຈະສີ້ນສຸດການປະຕິບັດໜ້າທີ່ເປັນເອກອັກຄະລັດຖະທູດສະຫະລັດອາເມລິກາປະຈຳລາວ ແລະ ກໍເປັນໄລຍະເວລາທີ່ເໝາະສົມໃນການເລີ່ມສັງກາດໃໝ່ໃນການພົວພັນລະຫວ່າງອາເມລິກາ ແລະ ລາວ, ເຊິ່ງເປັນການຮຳບາດແຜທີ່ມີມາໃນອະດີດ ແລະ ສ້າງ ພື້ນຖານທີ່ດີສຳລັບອະນາຄົດ.             ໃນລະຫວ່າງການຢ້ຽມຢາມລາວ, ທ່ານປະທານປະເທດແຫ່ງ ສປປ ລາວ ບຸນຍັງ ວໍລະຈິດ ແລະ ທ່ານປະທານາທິບໍດີສະຫະລັດອາເມລິກາ ບາຣັກ ໂອບາມາ ໄດ້ຖະແຫລງການໃນການເປັນຄູ່ຮ່ວມມືແບບ ກວມລວມລະຫວ່າງ ສ ປປ ລາວ ແລະ ສ.ອາເມລິກາ ທີ່ຈະສ້າງໃຫ້ມີກົນໄກການຮ່ວມມືໃນຫລາຍຂົງເຂດວຽກງານ ລວມທັງດ້ານການເມືອງ, ການພົວພັນທາງການທູດ, ເສດຖະກິດ, ການຄ້າ, ການສຶກສາ, ຝຶກອົບຮົມ, ສິ່ງແວດລ້ອມ ແລະ ສາທາລະນະສຸກ, ການແກ້ໄຂຂໍ້ຄົງຄ້າງຈາກສົງຄາມ, ຄວາມໝັ້ນຄົງ, ສິດທິມະນຸດ ແລະ ການພົວພັນລະຫວ່າງປະຊາຊົນສອງປະເທດ.              ນັບຕັ້ງແຕ່ຂ້າພະເຈົ້າໄດ້ມາປະຈຳການຢູ່ລາວໃນປີ 2013, ຂ້າພະເຈົ້າໄດ້ຕັ້ງໝັ້ນວ່າຈະຊ່ວຍໃຫ້ປະເທດລາວໄດ້ຮັບຄວາມປອດໄພຈາກໄພຄຸກຄາມຂອງລະເບີດທີ່ຍັງບໍ່ທັນແຕກ ແລະ ຕະ ຫລອດໄລຍະ 3 ປີຜ່ານມາ, …

Read More »

.:。✿* ເດືອນກັນຍາ ຢູ່ນະຄອນຫລວງ ມີຜູ້ເສຍ ຊີວິດຈາກອຸປະຕິເຫດ 12 ຄົນ *✿.。.:

ເຈົ້າໜ້າທີ່ກອງຄະດີອຸປະຕິເຫດ ນະຄອນຫລວງວຽງຈັນ ໃຫ້ຮູ້ວ່າ: ນັບແຕ່ວັນທີ 1-19 ກັນ ຍານີ້, ທົ່ວນະຄອນຫລວງວຽງຈັນ ມີອຸປະຕິເຫດເກີດຂຶ້ນຫລາຍກວ່າ 70 ກໍລະນີ, ໃນນັ້ນມີຜູ້ໄດ້ຮັບບາດເຈັບຫລາຍກວ່າ 50 ຄົນ, ພາຫະນະເປ່ເພເກືອບຮ້ອຍຄັນ ແລະ ສົ່ງຜົນໃຫ້ມີຜູ້ເສຍຊີວິດ 12 ຄົນ, ອຸປະຕິເຫດ ສ່ວນໃຫຍ່ແມ່ນເກີດຈາກການລະເມີດລະ ບຽບຈະລາຈອນເປັນຕົ້ນ ເມົາແລ້ວຂັບ ບວກກັບສະພາບຖະໜົນຫົນທາງບາງເສັ້ນບໍ່ຮັບ ປະກັນດີຄື: ເສັ້ນທາງເປ່ເພ ເປັນຂຸມເປັນບວກ, ໄຟເຍືອງ ທາງບໍ່ຮຸ່ງດີ ແລະ ອື່ນໆ, ພ້ອມນີ້ ໃນໄລຍະເດືອນກັນຍານີ້ ໄດ້ມີຝົນຕົກຕິດຕໍ່ຫລາຍວັນ ເຮັດໃຫ້ເສັ້ນ ທາງປຽກໝື່ນ ແລະ ອື່ນໆຈົນພາໃຫ້ເກີດອຸປະຕິເຫດຕາມມາ.           ຕໍ່ບັນຫາດັ່ງກ່າວເຈົ້າໜ້າທີ່ ໄດ້ຮຽກຮ້ອງໃຫ້ ທຸກພາກສ່ວນ ກໍຄືນັກຂັບຂີ່ທຸກຄົນ ຈົ່ງມີສະຕິລະວັງໃນເວລາຂັບຂີ່ພາຫະນະ, ພ້ອມທັງ ກວດເຊັກສະພາບເຕັກນິກລົດເປັນ ປະຈຳ ເປັນຕົ້ນ ໄຟຕາທ້າຍ, ໄຟລ້ຽວ, ໄຟໜ້າ ແລະ ລະບົບອື່ນໆໃຫ້ຢູ່ໃນສະພາບປົກ ກະຕິ, ເພື່ອເຮັດໃຫ້ຄູ່ຮ່ວມທາງ ກໍຄືຜູ້ໃຊ້ລົດໃຊ້ຖະໜົນດ້ວຍກັນ ສາມາດສັງເກດເຫັນລົດ ຂອງເຮົາເປັນຢ່າງດີ, ທັງ ເປັນການປ້ອງກັນອຸປະ …

Read More »

.:。✿* ເດັກນ້ອຍຂຸດຈິນາຍ ຖືກລະເບີດຕົກຄ້າງແຕ່ປາງສົງຄາມແຕກໃສ່ ເສຍຊີວິດ 2 ຄົນ *✿.。.:

ແຫລ່ງຂ່າວທ້ອງຖິ່ນ ລາຍງານໃຫ້ຮູ້ວ່າ: ເວລາປະມານ 10:30 ໂມງຂອງວັນທີ 18 ກັນຍາ 2016, ໄດ້ເກີດເຫດລະເບີດຕົກຄ້າງ ແຕ່ສະໄໝສົງຄົມແຕກໃສ່ເດັກນ້ອຍຊີວິດ 2 ຄົນ ຂະນະທີ່ພວມພາກັນຂຸດຈີ່ນາຍ ເຂດບ້ານໜອງບົວທອງ, ເມືອງບົວລະພາ ແຂວງຄຳມ່ວນ ແລະ ນອນໃນເຂດທີ່ໜ່ວຍງານເກັບກູ້ລະເບີດ (ອົງການແມັກ) ເຄີຍໄດ້ຈັດຕັ້ງປະຕິບັດການເກັບກູ້ລະເບີດມາໄດ້ 5-6 ປີແລ້ວ ແຕ່ພາຍຫລັງມີເດັກຊາຍ 2 ຄົນ ອາຍຸ 11 ປີ ແລ 12 ປີ ໄປຂຸດຈິນາຍ ໃນເຂດດັ່ງກ່າວ ແລະ ໄດ້ເກີດລະເບີດແຕກໃສ່ເສຍຊີວິດຄາທີ 1 ຄົນ ແລະ ອີກ 1 ຄົນເສຍຊີວິດຢູ່ໂຮງໝໍ. ຂໍ້ມູນຈາກ ໜັງສືພິມລາວພັດທະນາ

Read More »

.:。✿* ສປຊ ຫາລືຜົນປະໂຫຍດຈາກການປ່ຽນແປງດ້ານປະຊາກອນສຳລັບ ສປປ ລາວ *✿.。.:

ວັນທີ 16 ກັນຍາຜ່ານມານີ້, ອົງການສະຫະປະຊາຊາດ ເພື່ອການພັດທະນາປະຈຳລາວ (UNDP) ຮ່ວມກັບ ກອງທຶນເພື່ອປະຊາກອນ (UNFPA), ຈັດກອງປະຊຸມປຶກສາຫາລືກ່ຽວກັບນະໂຍບາຍການປ່ຽນແປງດ້ານປະຊາກອນ, ການພັດທະນາມະນຸດ ແລະ ເປົ້າໝາຍການພັດທະນາແບບຍືນຍົງ, ໂດຍການເຂົ້າຮ່ວມຂອງທ່ານນາງ ຄາຣິນາ ອິມໂມເນັນ ຜູ້ຕາງໜ້າອົງການສະຫະປະຊາຊາດ ເພື່ອການພັດທະນາ ແລະ ຜູ້ປະສານງານອົງການສະຫະປະຊາຊາດ ປະຈຳລາວ, ມີທ່ານ ລີເບີ ລີ່ບົວປ່າວ ຫົວໜ້າສະຖາບັນຄົ້ນຄ້ວາເສດຖະກິດແຫ່ງຊາດ ກະຊວງແຜນການ ແລະ ການລົງທຶນ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.           ຜູ້ຕາງໜ້າອົງການສະຫະປະຊາຊາດ ເພື່ອການພັດທະນາ ແລະ ຜູ້ປະສານງານອົງການສະຫະປະຊາຊາດ ປະຈຳລາວ ກ່າວວ່າ: ໃນບັນດາປະເທດອາຊຽນ, ສປປ ລາວ, ເປັນປະເທດທີ່ມີຈຳນວນປະຊາກອນໄວໜຸ່ມຫລາຍທີ່ສຸດ ແລະ ອີກ 35 ປີຕໍ່ໜ້າ ແມ່ນໄລຍະແຫ່ງໂອກາດສຳລັບລາວ ເມື່ອມີຈຳນວນຄົນເຮັດວຽກເພີ່ມຂຶ້ນ, ສະສົມທຶນ ແລະ ຈ່າຍພາສີກໍເພີ່ມຂຶ້ນ ຈຶ່ງເປັນໂອກາດດີສຳລັບການຂັບເຄື່ອນການພັດທະນາແບບຍືນຍົງ, ສປປ ລາວ ແມ່ນຢູ່ໃນລະດັບເລີ່ມຕົ້ນຂອງການປ່ຽນແປງເພາະ 57% ຂອງປະຊາກອນໃນປັດຈຸບັນແມ່ນມີອາຍຸຕ່ຳກວ່າ 25 ປີ ເພື່ອເປັນການກະກຽມປະຊາກອນໄວເຮັດວຽກນີ້ ສຳລັບຕະຫລາດແຮງງານໃນອະນາຄົດ, ຈຶ່ງມີຄວາມຈຳເປັນທີ່ຈະຕ້ອງລົງທຶນໃສ່ການສຶກສາ …

Read More »

.:。✿* ການປັກດຳເຂົ້ານາປີປີນີ້ປະຕິບັດໄດ້ຫຼາຍກວ່າ 98% *✿.。.:

ກົມປູກຝັງກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ການປັກດຳເຂົ້ານາປີປີນີ້ປະຕິບັດໄດ້ຫຼາຍກວ່າ 769 ພັນເຮັກຕາ, ກວມເອົາ 98 % ຂອງແຜນການວາງໄວ້,ອັນເນື່ອງມາຈາກບາງທ້ອງຖິ່ນໄດ້ຮັບຜົນກະທົບຈາກໄພທໍາມະຊາດກໍຄືໄພນ້ຳຖ້ວມ, ເຊິ່ງໄດ້ເຮັດໃຫ້ເນື້ອທີ່ການຜະລິດກໍຄືເນື້ືອທີ່ນາໄດ້ຮັບຜົນເສຍຫາຍກວ້າງຂວາງ,ເຖິງຢ່າງໃດກໍຕາມທຽບໃສ່ປີຜ່ານມາແລ້ວເຫັນວ່າການປັກດຳເຂົ້ານາປີປີນີ້ປະຕິບັດໄດ້ເພີ່ມຂື້ນ, ພົ້ນເດັ່ນກວ່າໝູ່ແມ່ນບັນດາແຂວງພາກກາງສາມາດປັກດຳໄດ້ຫຼາຍກວ່າ 441 ພັນກວ່າເຮັກຕາ,ເທົ່າກັບ 97% ຂອງແຜນການ, ພາກໃຕ້ປະຕິບັດໄດ້ 221 ພັນກວ່າເຮັກຕາ,ເທົ່າກັບ 99%, ພາກເໜືອປະຕິບັດໄດ້ 106 ພັນກວ່າເຮັກຕາເທົ່າກັບ 97% ຊຶ່ງມາຮອດດຽວນີ້ຊາວກະສິກອນສ່ວນໃຫຍ່ແມ່ນ ຢຸດເຊົ່າການປັກດຳແລ້ວ,, ຂະນະທີ່ຂະແໜງກະສິກຳ ແລະ ປ່າໄມ້ແຕ່ລະທ້ອງຖິ່ນແມ່ນໄດ້ສົ່ງພະນັກງານວິຊາການຕົນລົງຊຸກຍູ້ສົ່ງເສີມການຜະລິດຂອງປະຊາຊົນດ້ວຍການແນະນຳໃຫ້ຊາວກະສິກອນເອົາໃຈໃສ່ບົວລະບັດຮັກສາເຂົ້ານາຂອງຕົນໃຫ້ດີດ້ວຍການໃສ່ຝຸ່ນ ແລະ ເສຍຫຍ້າ,ສີດຢາປ້ອງກັນສັດຕູພືດທຳລາຍ,ເພື່ອຍົກສະມັດຕະພາບການຜະລິດໃຫ້ໄດ້ຫລາຍ, ສ່ວນການປູກພືດລະດູຝົນມາຮອດປັດຈຸບັນສາມາດປະຕິບັດໄດ້ຫຼາຍກວ່າ 462 ພັນເຮັກຕາ,ເທົ່າກັບ 80 % ຂອງເນື້ອທີ່ແຜນການ. ຂໍ້ມູນຈາກ ໜັງສືພິມລາວພັດທະນາ

Read More »