Home » ຂ່າວ » ຂ່າວພາຍໃນ (page 3)

ຂ່າວພາຍໃນ

ຂ່າວລາວ -​VASE ລົງທຶນ 100 ກວ່າຕື້ກີບ ສ້າງລະບົບທໍ່ແຈກນ້ຳປະປາ

ບໍລິສັດ ວຽງ​ຈັນ​ໂອ​ໂຕ​ເມ​ຊັນແອນ​ໂຊ​ລູ​ຊັນ​ເອັນ​ຈີ​ເນຍ​ຣິງ ຈຳກັດ (VASE) ຈະ​ລົງທຶນ​ກ່ອນ 100% ໃນ​ການ​ກໍ່ສ້າງ ແລະ ວາງ​ລະບົບ​ທໍ່​ສົ່ງ-ແຈກ​ຈາກ​ໂຮງງານ​ຜະລິດ​ນ້ຳ​ປະປາ​ທ່າ​ເດື່ອ ເມືອງ​ຫາດ​ຊາຍ​ຟອງ ນະຄອນຫຼວງ​ວຽງ​ຈັນ (ນວ) ທີ່​ໃກ້​ຈະ​ສຳເລັດ ເພື່ອ​ແຈກ​ຢາຍ​ນ້ຳ​ປະປາ​ທີ່ສະອາດ​ໃຫ້​ປະຊາຊົນ ​ໃນ​ພື້ນ​ທີ່​ບໍ​ລິການ​ຂອງ​ເມືອງ​ຫາດ​ຊາຍ​ຟອງ ໄດ້​ຊົມໃຊ້​ຢ່າງ​ພຽງພໍ ແລະ ທົ່ວເຖິງ ແນໃສ່​ເຮັດ​ໃຫ້​ການຈັດຕັ້ງປະຕິບັດ​ແຜນ​ພັດທະນາ​ຂອງການ​ສະໜອງ​ນ້ຳ​ປະປາ ​ໃຫ້​ກວມເອົາ 95% ຂອງ​ປະຊາກອນ​ທີ່​ມີເງື່ອນໄຂ​ໄດ້​ຊົມໃຊ້​ນ້ຳ​ປະປາ​ຮອດປີ 2020. ພິທີ​ລົງ​ນາມ​ສັນຍາ​ຮັບ​ເໝົາກໍ່ສ້າງ ແລະ ວາງ​ລະບົບ​ທໍ່​ດັ່ງກ່າວ ໄດ້​ຈັດ​ຂຶ້ນ​ວັນ​ທີ 24 ກຸມພາ 2017 ຢູ່​ນະຄອນຫຼວງ​ວຽງ​ຈັນ ຮ່ວມ​ລົງ​ນາມ​ລະຫວ່າງ​ທ່ານ ຄຳເຜີຍ ວົງສາ​ຄຳ​ຜຸຍ ຜູ້​ອຳນວຍການ​ໃຫຍ່​ລັດ​ວິ​ສາ​ຫະ​ກິດ​ນ້ຳ​ປະປາ ນວ ແລະ ທ່ານ ແສງ​ລາຕີ ສະຫວັນ​ຄຳ ຜູ້ອຳນວຍການ​ບໍ​ລິສັດ VASE ມີ​ທ່ານ ແກ້ວ​ພິລາວັນ ອາ​ໄພ​ລາດ ຮອງ​ເຈົ້າ​ຄອງ ນວ ປະທານ​ສະພາ​ບໍລິຫານ​ລັດວິ​ສາ​ຫະ​ກິດ​ນ້ຳ​ປະປາ ນວ ທ່ານ ແກ່ນ ວໍລະ​ສານ ຮອງ​ເຈົ້າເມືອງຫາດ​ຊາຍ​ຟອງ ພ້ອມ​ດ້ວຍ​ແຂກຖືກ​ເຊີນ​ເຂົ້າ​ຮ່ວມ. ທ່ານ ຄຳ​ເຜີຍ ວົງສາ​ຄຳ​ຜຸຍ ໄດ້​ກ່າວ​ວ່າ: ເນື່ອງ​ຈາກ​ລັດ​ວິ​ສາຫະ​ກິດ​ນ້ຳ​ປະປາ ນວ …

Read More »

ຂ່າວລາວ – ການປະມູນຂາຍລົດການນຳລະດັບສູງຈະມີຂຶ້ນໃນຕອນບ່າຍມື້ນີ້

ທ່ານ ອາດສະພັງທອງ ສີພັນດອນ ຮອງລັດຖະມົນກະຊວງການເງິນທັງເປັນຫົວໜ້າຄະນະຮັບຜິດຊອບການຖອນ, ການປະມູນຂາຍ ແລະ ການປະກອບລົດປະຈຳຕຳແໜ່ງຂອງການນຳລະດັບສູງ ໃຫ້ຮູ້ວ່າ: ການປະມູນຂາຍລົດປະຈຳຕຳແໜ່ງຂອງການນຳລະດັບສູງຈຳນວນ 14 ຄັນ,ໃນນັ້ນມີລົດຍີ່ຫໍ້ບີເອັມດັບເບີນຢູ (BMW) ລຸ້ນ 730 LI ຈຳນວນ 7 ຄັນ ແລະ ຍີ່ຫໍ້ເມີຊີເດດເບນ (BENZ) ລຸ້ນ S 350 ຈຳນວນ 7 ຄັນ, ຈະມີຂຶ້ນໃນເວລາປະມານ 15:00 ໂມງຂອງວັນທີ 28 ກຸມພານີ້ທີ່ສູນປະຊຸມແຫ່ງຊາດ (ຫລັກ6). ດັ່ງນັ້ນຈຶ່ງຂໍເຊີນຊວນບັນດານັກທຸລະກິດ, ຜູ້ປະກອບການ, ບຸກຄົນ, ນິຕິບຸກຄົນທຸກ ພາກສ່ວນສັງຄົມເຂົ້າຮ່ວມການປະມູນດັ່ງກ່າວໃຫ້ມີບັນຍາກາດຄືກຄື້ນ, ຊຶ່ງຮູບແບບການປະມູນແມ່ນຈະຈັດປະມູນກັບທີ່ເພື່ອຮັບປະກັນໃຫ້ມີຄວາມຍຸຕິທຳ ແລະ ໂປ່ງໃສ, ໂດຍຜູ້ລົງທະ ບຽນປະມູນຈະໄດ້ຮັບປ້າຍເລກປະຈຳຕົວເພື່ອໃຊ້ສຳລັບຍົກຂຶ້ນໃນເວລາທີ່ຕ້ອງການສະເໜີລາຄາເພື່ອແຂ່ງຂັນກັບຜູ້ປະມູນຄົນອື່ນໆ, ການປະມູນເລີ່ມຕົ້ນຈາກລາຄາທີ່ຄະນະກຳມະການກຳນົດໄວ້ ແລະ ຈະດຳເນີນໄປຈົນກວ່າໄດ້ຜູ້ສະເໜີໃຫ້ລາຄາສູງສຸດເປັນຜູ້ສຸດທ້າຍ, ຜູ້ດຳເນີນການປະມູນຈະແຈ້ງລາຄາປະມູນທີ່ໄດ້ມີການສະເໜີຍົກຂຶ້ນຂອງຜູ້ເຂົ້າຮ່ວມແຕ່ລະທ່ານ 3 ຄັ້ງເພື່ອໃຫ້ຜູ້ເຂົ້າຮ່ວມປະມູນຄົນອື່ນໄດ້ມີໂອກາດພິຈາລະນາສະເໜີລາຄາທີ່ສູງກ່ວາ, ຖ້າຄົບ 3 ຄັ້ງແລ້ວຫາກບໍ່ມີຜູ້ປະມູນສະເໜີລາຄາສູງກວ່າຜູ້ທີ່ສະເໜີລາຄາສູງສຸດ ກໍໝາຍວ່າຜູ້ສະເໜີລາຄາສູງສຸດກໍຈະຖືເປັນຜູ້ຊະນະການປະມູນ.            ສໍາລັບຜູ້ທີ່ສົນໃຈຮ່ວມປະມູນແມ່ນຕ້ອງມາລົງທະບຽນດ້ວຍຕົນເອງ, ເຊິ່ງປະກອບມີບັດປະ ຈຳຕົວ ຫລື ໜັງສືຜ່ານແດນ, ຖ້າບໍ່ສາມາດເຂົ້າຮ່ວມດ້ວຍຕົນເອງແມ່ນສາມາດມອບສິດໃຫ້ຜູ້ອື່ນມາແທນໄດ້ແຕ່ຕ້ອງມີໃບມອບສິດຜ່ານການຈັດຕັ້ງທີ່ກ່ຽວຂ້ອງ ຫລື ຢັ້ງຢືນຈາກບ້ານທີ່ຕົນສັງກັດຢູ່, ຜູ້ປະມູນຕ້ອງມີຄວາມຮັບຜິດຊອບທາງດ້ານກົດໝາຍຕໍ່ກັບລາຄາທີ່ຕົນໄດ້ສະເໜີປະມູນແຕ່ລະຄັ້ງ, ຜູ້ທີ່ຊະນະການປະມູນຕ້ອງມີຄວາມສາມາດຊຳລະເງິນຄ່າຊື້ລົດທີ່ປະມູນໄດ້, ໂດຍຊຳລະເປັນເງິນສົດ, ໃນກໍລະນີຜູ້ຊະນະການປະມູນບໍ່ມີຄວາມຮັບຜິດຊອບຕໍ່ລາຄາທີ່ຕົນໄດ້ສະເໜີໄປນັ້ນແມ່ນຈະຖືກປັບໃໝ 10% ຂອງມູນຄ່າທີ່ສະເໜີມາໃນການປະມູນ, ພ້ອມທັງຖືກດຳເນີນຄະດີຕາມລະບຽບກົດໝາຍ. ຂໍ້ມູນຂ່າວຈາກ ໜັງສືພິມລາວພັດທະນາ

Read More »

ການປັກດຳນາແຊງປີນີ້ບໍ່ບັນລຸຄາດໝາຍ

 ກົມປູກຝັງກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ການຜະລິດນາແຊງຢູ່ປະເທດເຮົາປີນີ້ແມ່ນປະສົບຄວາມຫຍຸ້ງຍາກ ແລະ ໄດ້ຮັບຜົນກະທົບຈາກການປ່ຽນແປງຂອງສະພາບດິນຟ້າອາກາດຫລາຍສົມຄວນ, ຂະນະດຽວກັນຊາວກະສິກຳຈຳນວນໜຶ່ງໄດ້ຫັນໄປປູກພືດຊະນິດອື່ນແທນການປູກເຂົ້າ, ຈຶ່ງເຮັດໃຫ້ສະພາບການປັກດຳນາປີບໍ່ໄດ້ຕາມຄາດໝາຍ, ຊຶ່ງມາຮອດປັດຈຸບັນຊາວກະສິກອນທົ່ວປະເທດປັກດຳນາແຊງໄດ້ພຽງ 78 ພັນກວ່າຮັກຕາເທົ່າກັບ 83% ຂອງເນື່ອທີ່ແຜນການວາງໄວ້ຈໍານວນ 95 ພັນກວ່າເຮັກຕາ, ຂະນະທີ່ການປັກດຳແມ່ນໄດ້ຢຸດຕິແລ້ວ, ຊຶ່ງເຫັນວ່າຫລຸດລົງຫລາຍເມື່ອທຽບໃສ່ປີຜ່ານມາ, ໃນນັ້ນພາກເໜືອປະຕິບັດໄດ້ 7 ພັນກວ່າເຮັກຕາເທົ່າກັບ 92%, ພາກກາງ 52 ພັນກວ່າເຮັກຕາເທົ່າກັບ 89%  ແລະ ພາກໃຕ້ 18 ພັນກວ່າເຮັກຕາເທົ່າກັບ 66% ຂອງແຜນການ, ເຖິງຢ່າງໃດກໍຕາມ, ປັດຈຸບັນຂະແໜງກະສິກຳ ແລະ ປ່າໄມ້ກໍໄດ້ສົ່ງພະນັກງານວິຊາການລົງຊຸກຍູ້ຊາວກະສິກອນສຸມໃສ່ການບົວລະບັດຮັກສາ, ກຽມ ພ້ອມປ້ອງກັນສັດຕູພືດ, ໃສ່ຝຸ່ນ, ເສຍຫຍ້າ ແລະ ສະໜອງນ້ຳໃຫ້ພຽງພໍເພື່ອສາມາດຍົກສະມັດຕະພາບການຜະລິດໃຫ້ໄດ້ຫລາຍຂຶ້ນ.            ກະຊວງດັ່ງກ່າວໃຫ້ຮູ້ວ່າ: ຄຽງຄູ່ກັບການປັກດຳເຂົ້ານາແຊງແລ້ວ, ຊາວກະສິກອນຫລາຍທ້ອງຖິ່ນຍັງໄດ້ສຸມໃສ່ປູກພືດລະດູແລ້ງຢ່າງເປັນຂະບວນຟົດຟື້ນຄື: ປັດຈຸບັນທົ່ວປະເທດສາມາດປະຕິບັດໄດ້ຫລາຍກວ່າ 125 ພັນເຮັກຕາເທົ່າກັບ 90% ຂອງແຜນການ (ແຜນການແມ່ນ 140 ພັນເຮັກຕາ), ສ່ວນພືດທີ່ນິຍົມປູກຫລາຍແມ່ນສາລີອາຫານສັດ, ສາລີຫວານ, ມັນຕົ້ນ, ຖົ່ວດິນ, ເຜືອກ, ແລະ ພືດອາຍຸສັ້ນຕ່າງໆ, ສາມາດຕອບສະໜອງຄວາມຕ້ອງການຂອງຕະຫຼາດພາຍ ແລະ ສົ່ງອອກໄປຕ່າງປະເທດໄດ້ເປັນຢ່າງດີ, ໂດຍພົ່ນເດັ່ນກວ່າໝູ່ແມ່ນຢູ່ແຂວງພາກເໜືອ ແລະ ພາກກາງ. ຮູບພາບຈາກອິນເຕີເນັດ ຂໍ້ມູນຂ່າວຈາກ ໜັງສືພິມລາວພັດທະນາ  

Read More »

ໄມ້ຜິດກົດໝາຍຫຼາຍຮ້ອຍແມັດກ້ອນທີ່ຍຶດໄດ້ໃນແຂວງສະຫວັນນະເຂດ ຖືກນຳອອກປະມູນຂາຍ

     ນີ້ແມ່ນນຶ່ງໃນຜົນງານຈາກການຈັດຕັ້ງຜັນຂະຫຽາຍຄຳສັ່ງເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້ ເຄື່ອນຍ້າຍໄມ້ ແລະ ທຸລະກິດໄມ້ ໂດຍເຈົ້າໜ້າທີ່ກ່ຽວຂ້ອງຂອງແຂວງສະຫວັນນະເຂດ ສາມາດກວດຍຶດໄມ້ໄດ້ຫຼາຍລາຍການ ແລະ ມີການຖະແຫຼງຜ່ານສື່ເມື່ອອາທິດທີ່ຜ່ານມາກ່ຽວກັບກຳນົດເວລາຂາຍຊອງປະມູນ ເຊິ່ງໄດ້ເລີ່ມມາແຕ່ວັນທີ 14 ໄປຫາວັນທີ 27 ກຸມພາ 2017 ແລະ ມີກຳນົດໄຂຊອງປະມູນໃນເວລາ 09:00 ໂມງຂອງວັນທີ 28 ກຸມພາທີ່ຈະມາເຖິງນີ້ ຢູ່ທີ່ພະແນກອຸດສາຫະກຳ ແລະການຄ້າແຂວງສະຫວັນນະເຂດ.      ໄມ້ທີ່ຈະນຳມາປະມູນຂາຍໃນຄັ້ງນີ້ເປັນໄມ້ເນື້ອປະສົມ ແລະ ໄມ້ເນື້ອອ່ອນເປັນຕົ້ນແມ່ນໄມ້ເປືອຍ ໄມ້ຍາງ ໄມ້ແຄນຫີນ ໄມ້ແຕ້ ໄມ້ຈິກ ໄມ້ແດງ ແລະອື່ນໆ ມີທັງໝົດຈຳນວນ 3 ສະບັບ ບໍລິມາດ 761.968 ແມັດກ້ອນ ໃນນັ້ນ ສະບັບທີ 1 ມີຈຳນວນ 209 ທ່ອນ ບໍລິມາດ 340.068 ແມັດກ້ອນ ສະບັບທີ 2 ຈຳນວນ 104 ທ່ອນ ບໍລິມາດ …

Read More »

ການປະມູນລົດທີ່ມອບຄືນໂດຍການນຳລະດັບສູງ ຈະຈັດແບບຍົກປ້າຍ ຂາຍກັບທີ່ ໃຫ້ທົ່ວສັງຄົມມີສິດຮ່ວມ

 ພິທີຖະແຫຼງກ່ຽວກັບການປ່ຽນແປງຮູບແບບການປະມູນລົດ (ຫຼູ) ປະຈຳຕຳແໜ່ງຂອງການນຳລະດັບສູງ ຈຳນວນ 14 ຄັນ ຈາກການຂາຍ ແລະ ໄຂຊອງປະມູນມາເປັນການຍົກປ້າຍສະເໜີລາຄາແບບເຊິ່ງໜ້າ ໃຜໃຈເຖິງຜູ້ນັ້ນໄດ້ ເພື່ອໃຫ້ເກດີຄວາມຍຸຕິທຳ ໂປ່ງໃສ ເປີດກວ້າງ ແລະ ສອດຄ່ອງກັບສະພາບຄວາມເປັນຈິງໂດຍ ທ່ານ ອາດ​ສະພັງ​ທອງ ສີ​ພັນ​ດອນ ຮອງ​ລັດຖະມົນ​ກະຊວງ​ການ​ເງິນ ທັງ​ເປັນ​ຫົວໜ້າ​ຄະນະ​ຮັບຜິດຊອບ​ການ​ຖອນ ການ​ປະມູນ​ຂາຍ ​ແລະ ການ​ປະກອບ​ລົດ​ປະຈຳ​ຕຳ​ແໜ່​ງຂອງ​ການ​ນຳ​ລະດັບ​ສູງ ເຊິ່ງຖະແຫຼງເມື່ອວັນທີ 24 ກຸມພາ 2017 ຜ່ານມາ ທີ່ນະຄອນຫຼວງວຽງຈັນ ໄດ້ກ່າວເຖິງເນື້ອໃນການປ່ຽນແປງຮູບແບບເພື່ອໃຫ້​ບັນດາ​ນັກທຸລະກິດ ຜູ່ປະກອບ​ການ ບຸກຄົນ ນິຕິບຸກຄົນ ທຸກພາກ​ສ່ວນ​ທັງ​ພາຍ​ໃນ ​ແລະ ຕ່າງປະ​ເທດ​ຮັບ​ຊາບ​ທົ່ວ​ເຖິງ​ກັນ ເພື່ອ​ເຂົ້າ​ຮ່ວມການ​ປະມູນພາຫະນະໃນຄັ້ງນີ້ ໂດຍການ​ປະມູນ​ຈະ​ຈັດ​ຂຶ້ນ​ໃນ​ວັນ​ທີ 28 ກຸມພາ 2017 ​ເວລາ 15:00 ​ໂມງເປັນ​ຕົ້ນ​ໄປ ທີ່​ຫໍ​ປະຊຸມ​ແຫ່ງ​ຊາດ (ຫຼັກ6) ເຊິ່ງ​ເງື່ອນ​ໄຂ​ຂອງ​ຜູ່​ເຂົ້າ​ຮ່ວມ​ປະມູນ​ແມ່ນຕ້ອງໃຫ້ຜູ່​ທີ່​ເຂົ້າ​ຮ່ວມ​ປະມູນ​​ມາ​ລົງທະບຽນ​ດ້ວຍ​ຕົນ​ເອງ ​ແລະ ຕ້ອງ​ມີ​ບັດປະຈຳໂຕ ຫຼື ໜັງສືຜ່ານ​ແດນ ຖ້າ​ບໍ່​ສາມາດ​ເຂົ້າ​ຮ່ວມ​ດ້ວຍ​ຕົນ​ເອງ​ແມ່ນ​ສາມາດ​ມອບ​ສິດ​ໃຫ້​ຜູ່​ອື່ນ​ມາ​ແທນ​ໄດ້ ​ແຕ່​ຕ້ອງ​ມີ​ໃບ​ມອບ​ສິດ​ຜ່ານ​ການຈັດ​ຕັ້ງ​ທີ່​ກ່ຽວຂ້ອງ ຫຼື ຢັ້ງຢືນ​ຈາກ​ອົງການປົກຄອງບ້ານ​ທີ່​ຕົນ​ສັງກັດ​ຢູ່ ຜູ່​ປະມູນ​ຕ້ອງ​ມີ​ຄວາມ​ຮັບຜິດຊອບ​ທາງ​ດ້ານ​ກົດໝາຍຕໍ່​ກັບ​ລາຄາ​ທີ່​ຕົນ​ໄດ້​ສະ​ເໜີ​ປະມູນ​ແຕ່​ລະ​ຄັ້ງ ຜູ່​ທີ່​ຊະນະ​ການ​ປະມູນ​ຕ້ອງ​ມີ​ຄວາມ​ສາມ​າດຊຳລະ​ເງິນຄ່າ​ຊື້​ລົດ​ທີ່​ຕົນ​ປະມູນ​ໄດ້ ​ໂດຍ​ຊຳລະ​ເປັນ​ເງິນສົດ ​ໃນ​ກໍລະນີ​ທີ່​ຜູ່​ຊະນະ​ການ​ປະມູນຫາກ​ບໍ່​ມີ​ຄວາມ​ຮັບຜິດຊອບ​ຕໍ່​ລາຄາ​ທີ່​ຕົນ​ໄດ້​ສະ​ເໜີ​ໄປ​ນັ້ນ ​ແມ່ນ​ຈະ​ຖືກ​ປັບ​ໃໝ 10% …

Read More »

ລາວຫາລືແຜນປ້ອງກັນໂຄງການກໍ່ສ້າງທາງລົດໄຟແຕ່ແຂວງຫລວງນໍ້າທາ-ນະຄອນຫລວງວຽງຈັນ

 ເມື່ອບໍ່ດົນມານີ້, ອະນຸກຳມະການປ້ອງກັນໂຄງການກໍ່ສ້າງເສັ້ນທາງລົດໄຟ ລາວ-ຈີນໄດ້ຈັດກອງປະຊຸມປຶກສາຫາລືກ່ຽວກັບແຜນປ້ອງກັນໂຄງການດັ່ງກ່າວ, ເພື່ອຮັບປະກັນໃຫ້ການກໍ່ສ້າງເສັ້ນທາງທີ່ໄດ້ເລີ່ມລົງມືແຕ່ໄລຍະປີ 2016-2021 ຊຶ່ງຈະຜ່ານແຂວງຫລວງນ້ຳທາ,ອຸດົມໄຊ, ຫລວງພະບາງ, ແຂວງວຽງຈັນ ແລະ ນະຄອນຫລວງວຽງຈັນມີຄວາມເປັນລະບຽບຮຽບຮ້ອຍ, ສະຫງົບປອດໄພ ແລະ ສຳເລັດຕາມຄາດໝາຍວາງໄວ້.            ໃນໂອກາດນີ້, ທ່ານພົນຕີ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະ ຫງົບ, ທັງເປັນຫົວໜ້າອະນຸກຳມະການປ້ອງກັນໂຄງການກໍ່ສ້າງເສັ້ນທາງລົດໄຟລາວ-ຈີນ ໄດ້ເນັ້ນໃຫ້ຄະນະອະນຸ ກໍາມະການຈົ່ງເອົາໃຈໃສ່ຈັດຕັ້ງປະຕິບັດຢ່າງເຂັ້ມງວດເຂົ້າໃນການປ້ອງກັນ, ໂດຍສະ ເພາະນຳເອົາບັນດາເນື້ອໃນຮ່າງແຜນປ້ອງກັນຄັ້ງນີ້ໄປຜັນຂະຫຍາຍໃຫ້ມີປະສິດທິຜົນສູງ, ພ້ອມທັງແບ່ງຄວາມຮັບຜິດຊອບໃຫ້ບັນດາກົມກອງວິຊາສະເພາະ ແລະ ບຸກຄົນຮັບຜິດຊອບຕາມຄວາມເໝາະສົມແນໃສ່ເຮັດໃຫ້ການປ້ອງກັນໂຄງການກໍ່ສ້າງເສັ້ນທາງລົດໄຟລາວ-ຈີນມີຄວາມສະຫງົບປອດໄພ           ຕາມການລາຍງານຈາກກະຊວງໂຍທາທິການ ແລະ ຂົນສົ່ງ ໃຫ້ຮູ້ວ່າ: ສໍາລັບພິທີເປີດການກໍ່ສ້າງໂຄງການທາງລົດໄຟລາວ-ຈີນຢ່າງເປັນທາງການໄດ້ມີຂຶ້ນເມື່ອວັນທີ 25 ທັນວາ 2016 ຜ່ານມາທີ່ແຂວງຫຼວງພະບາງ, ໂດຍເປັນກຽດເຂົ້າຮ່ວມຂອງທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ, ໂຄງການດັ່ງກ່າວນັບແຕ່ບໍ່ເຕັນ (ຊາຍແດນລາວ-ຈີນ) ຫາສະຖານີນະຄອນຫຼວງວຽງຈັນລວມມີຄວາມຍາວກວ່າ 417 ກິໂລແມັດ, ເຊິ່ງໄດ້ອອກແບບເປັນທາງລົດໄຟມາດຕະຖານຊັ້ນ 1 ປະເພດລາງດ່ຽວ, ການກໍານົດຄວາມໄວອອກແບບສໍາລັບຂົນສົ່ງໂດຍສານເຂດພູດອຍແມ່ນ 160 ກິໂລແມັດຕໍ່ຊົ່ວໂມງ, ຢູ່ເຂດທົ່ງພຽງແມ່ນ 200 ກິໂລແມັດຕໍ່ຊົ່ວໂມງ ແລະ ຄວາມໄວອອກແບບສຳລັບການຂົນສົ່ງສິນຄ້າ 120 ກິໂລແມັດຕໍ່ຊົ່ວໂມງ. ການກໍ່ສ້າງປະກອບມີຂົວ 167 ແຫ່ງຍາວ 61 ກວ່າກິໂລແມັດກວມ 14,9%, ກໍ່ສ້າງທໍ່ 649 ແຫ່ງ ຍາວ 20 ກິໂລແມັດ, ກໍ່ສ້າງອຸມົງ 75 ແຫ່ງຍາວ 197 …

Read More »

ນາຍົກຊີ້ຜູ້ໃດລະເມີດຄໍາສັ່ງເລກທີ 15/ນຍ ຕ້ອງຖືກດໍາເນີນຄະດີຕາມລະບຽບກົດໝາຍ

ກອງປະຊຸມລັດຖະບານສະໄໝສາມັນປະຈໍາເດືອນກຸມພາ 2017 ໄດ້ໄຂຂຶ້ນໃນວັນທີ 23 ກຸມພານີ້, ໂດຍການເປັນປະທານຂອງທ່ານນາຍົກລັດຖະມົນຕີ ທອງລຸນ ສີສຸລິດ. ກອງປະຊຸມຄັ້ງນີ້ໄດ້ປຶກສາຫາລື ແລະ ພິຈາລະນາຮັບຮອງເອົາຫລາຍບັນຫາສຳຄັນຂອງຊາດ, ເຊິ່ງໃນນັ້ນກໍແມ່ນບົດລາຍງານຂອງຄະນະສະເພາະກິດກ່ຽວກັບຜົນການຈັດຕັ້ງປະຕິບັດຄໍາສັ່ງສະບັບເລກທີ 15/ນຍ ວ່າດ້ວຍການເພີ່ມທະຄວາມເຂັ້ມງວດໃນການຄຸ້ມຄອງ ແລະ ການກວດກາການຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້, ຊຶ່ງກອງປະຊຸມໄດ້ເຫັນດີເປັນເອກະພາບຕໍ່ຜົນງານ, ດ້ານດີ, ດ້ານອ່ອນໃນການຈັດຕັ້ງປະຕິບັດຄໍາສັ່ງດັ່ງກ່າວ, ໂດຍ ສະເພາະຊົມເຊີຍບັນດາຂະແໜງການ, ອໍານາດການປົກຄອງທ້ອງຖິ່ນ ແລະ ປະຊາຊົນບັນດາເຜົ່າທີ່ໄດ້ຕັ້ງໜ້າປະຕິບັດຄໍາສັ່ງດັ່ງກ່າວຢ່າງເຂັ້ມງວດ ແລະ ມີປະສິດທິຜົນ. ຕໍ່ບັນຫາດັ່ງກ່າວທ່ານນາຍົກລັດຖະມົນຕີ, ໄດ້ຊີ້ນໍາໃຫ້ທຸກຂະແໜງການ ແລະ ທ້ອງຖິ່ນເພີ່ມທະວີຄວາມເອົາໃຈໃສ່ການປະຕິບັດວຽກງານຮີບດ່ວນຄື: (1) ເຫັນດີໃຫ້ຄະນະສະເພາະກິດສືບຕໍ່ປະຕິບັດໜ້າທີ່ຂອງຕົນຕື່ມຈົນໝົດປີ 2017 ຈຶ່ງສະຫລຸບຕີລາຄາລວມສະພາບການກວດກາ ແລະ ຕິດຕາມການຈັດຕັ້ງປະຕິບັດຄໍາສັ່ງເລກທີ 15/ນຍ ໃນຂອບເຂດທົ່ວປະເທດ, ແຕ່ໃຫ້ເພີ່ມກໍາລັງແຮງເຂົ້າຕື່ມ ເປັນຕົ້ນ: ແມ່ນປັບປຸງບຸກຄະລາກອນ ແລະ ພາລະບົດບາດໃຫ້ຖືກກັບວຽກງານຕົວຈິງ, ໂດຍມີການສ້າງແຜນດໍາເນີນງານ ແລະ ແບ່ງວຽກງານພາຍໃນຄະນະສະເພາະກິດໃຫ້ລະອຽດຊັດເຈນ. (2) ໃຫ້ຄະນະສະເພາະກິດສືບຕໍ່ຊອກໃຫ້ເຫັນໄດ້ຜູ້ກະທໍາຜິດ ແລະ ຜູ້ສົມຮູ້ຮ່ວມຄິດໃຫ້ການຮ່ວມມືໃນການລັກລອບຂຸດຄົ້ນໄມ້ ແລະ ສົ່ງອອກໄມ້ທີ່ຂັດກັບກົດໝາຍ ແລະ ລະບຽບການກ່ຽວ ກັບປ່າໄມ້ມາລົງໂທດຕາມລະບຽບກົດໝາຍຢ່າງເຂັ້ມງວດ, ການລົງໂທດນັ້ນບໍ່ສະເພາະແຕ່ພະນັກງານຂອງລັດ, ແຕ່ຕ້ອງລວມທັງຜູ້ປະກອບການທີ່ກະທໍາຜິດກໍ່ຕ້ອງຖືກລົງໂທດຕາມກົດໝາຍຢ່າງເຂັ້ມງວດ.(3) ໃຫ້ກະຊວງອຸດສາຫະກໍາ ແລະ ການຄ້າເປັນເຈົ້າການປັບປຸງຄະນະຮັບຜິດຊອບຈັດຕັ້ງປະມູນຊື້-ຂາຍໄມ້ທີ່ຍຶດເປັນຂອງລັດແລ້ວໂດຍມອບໃຫ້ຮອງລັດຖະມົນຕີກະຊວງອຸດສາຫະກໍາ ແລະ ການຄ້າເປັນຫົວໜ້າຄະນະ ແລະ ປະກອບດ້ວຍຜູ້ຕາງໜ້າຈາກກະຊວງການເງິນ, ກະສິກໍາ ແລະ ປ່າໄມ້ ແລະ ບັນດາພະແນກການທີ່ກ່ຽວຂ້ອງຢູ່ແຕ່ລະທ້ອງຖິ່ນເພື່ອຈັດຕັ້ງການປະມູນຊື້-ຂາຍໄມ້ໃນຂອບເຂດທົ່ວປະເທດໃຫ້ສໍາເລັດໂດຍໄວ. ພ້ອມກັນນັ້ນ, ກໍຕ້ອງຄົ້ນຄວ້າກົນໄກ ແລະ …

Read More »

ກົມລ້ຽງສັດ ແລະ ການປະມົງຢືນຢັນເຫດປາຕາຍຈໍານວນຫລາຍຢູ່ວັງສະຫງວນນ້ຳງ້າວເມືອງຫ້ວຍຊາຍເປັນຍ້ອນ…

ກົມລ້ຽງສັດ ແລະ ການປະມົງກະຊວງກະສິກຳ ເລະ ປ່າໄມ້ໄດ້ອອກມາຢືນຢັນຕໍ່ນັກຂ່າວໜັງສືພີມລາວພັດທະນາເມື່ອວັນທີ 20 ກຸມພານີ້ວ່າ: ສາເຫດປາຕາຍເປັນຈຳນວນຫລາຍຢູ່ວັງສະຫງວນສາຍນໍ້າງ້າວ,ເມືອງຫ້ວຍຊາຍ, ແຂວງບໍ່ແກ້ວ ແມ່ນບໍ່ໄດ້ເກີດຈາກພະຍາດ, ແຕ່ເປັນຍ້ອນເບື່ອສານເຄມີ.     ກົມດັ່ງກ່າວໃຫ້ຮູ້ວ່າ: ພາຍຫລັງເກີດມີສະພາບປາຕາຍເປັນຈຳນວນຫລາຍຢູ່ວັງສະຫງວນດັ່ງກ່າວເມືອຕົ້ນເດືອນກຸມນານີ້, ຂະແໜງການກ່ຽວຂ້ອງໄດ້ຮີບຮ້ອນສົ່ງ ວິຊາການລົງຕິດຕາມກວດ ກາຫາສາເຫດການຕາຍຂອງປາ, ຊຶ່ງໄດ້ເກັບຕົວຢ່າງນໍ້າ ແລະ ປາ 5 ຊະນິດທີ່ຕາຍມາວິໄຈຢູ່ນະ ຄອນຫຼວງວຽງຈັນ ແລະ ຜົນການວິໄຈລະບຸວ່າປາທີ່ນຳມາກວດບໍ່ມີເຊື້ອພະຍາດ ແລະ ອະໄວຍະວະພາຍໃນຂອງປາບໍ່ໄດ້ເນົ່າເປື່ອຍຈາກເຊື້ອໄວຣັດ, ເນື່ອງຈາກເຊື້ອໄວຣັດມັນຈະເກີດຂຶ້ນສະເພາະບາງຊະນິດປາໃດໜຶ່ງເທົ່ານັ້ນ, ຊຶ່ງມັນຈະບໍ່ເກີດຂື້ນພ້ອມກັນຫລາຍຊະນິດແບບນີ້, ດັ່ງນັ້ນ ຈຶ່ງສາມາດຢືນຢັນໄດ້ວ່າປາແມ່ນຕາຍຍ້ອນມີສານພິດເຈືອປົນໃນນໍ້າເຮັດໃຫ້ຂາດອົກຊີ, ອຸນຫະພູມຕ່ຳ ແລະ ນ້ຳມີຄວາມເປັນກົດສູງ ແລະ ປັດຈຸບັນພວມສືບຕໍ່ເລັ່ງວິໄຈຄຸນນະພາບນ້ຳ ແລະ ສະພາບແວດລ້ອມອື່ນໆວ່າມີສານເຄມີປະເພດໃດເຈືອປົນຢູ່ສາຍນ້ຳດັ່ງກ່າວ, ເຊິ່ງຄາດວ່າຈະຮູ້ຜົນໃນໄວໆນີ້. ຂໍ້ມູນຈາກ ໜັງສືພິມລາວພັດທະນາ

Read More »

ຂ່າວລາວ – ການຄຸ້ມຄອງສະຖານບັນເທິງຍັງເຮັດໄດ້ອ່ອນ

ພາຍຫລັງເກີດເຫດການໄວລຸ້ນໃຊ້ອາວຸດປືນຍິງປະທະກັນຢູ່ໜ້າຮ້ານບັນເທິງດາວຄໍາ, ບ້ານນາຄຳ, ເມືອງສີໂຄດຕະບອງ, ນະຄອນຫລວງວຽງຈັນ ເມື່ອເວລາທ່ຽງຄືນຂອງວັນທີ 15 ກຸມພາຜ່ານມານີ້, ເຮັດໃຫ້ມີຜູ້ເສຍຊີວິດຄາທີ 1 ຄົນ ແລະ ບາດເຈັບອີກ 3 ຄົນ, ຂະນະທີ່ໃນສື່ສັງຄົມອອນລາຍເປັນຕົ້ນ: ເຟສບຸກ (Facebook) ກໍມີຜູ້ຄົນເຂົ້າໄປສະແດງຄໍາເຫັນຕໍ່ເຫດການທີ່ເກີດຂຶ້ນຫລາຍສົມຄວນ, ຊຶ່ງມີທັງຜູ້ສະແດງຄວາມເສຍໃຈຕໍ່ຄອບຄົວ ກໍຄືຍາດພີ່ນ້ອງຜູ້ເສຍຊີວິດ, ຂະນະດຽວກັນກໍຂໍໃຫ້ເຈົ້າໜ້າທີ່ ເລັ່ງນໍາຈັບຕົວໄວລຸ້ນຄູ່ກໍລະນີມາດໍາເນີນຄະດີຕາມລະບຽບກົດໝາຍໂດຍໄວ, ນອກຈາກນີ້ກໍຍັງມີອີກຫລາຍໆຄໍາຄິດເຫັນທີ່ໄດ້ສະແດງຄວາມເປັນຫວ່ງຕໍ່ການຄຸ້ມຄອງບັນດາຮ້ານອາຫານ ແລະ ສະຖານບັນເທິງຕ່າງໆໃນຕົວເມືອງທີ່ເຫັນວ່າພາກສ່ວນກ່ຽວຂ້ອງຍັງເຮັດໄດ້ອ່ອນດ້ານການເຂັ້ມງວດກວດກາການປະຕິບັດລະບຽບຂອງບັນດາຜູ້ປະກອບການເຫລົ່ານັ້ນ, ຊຶ່ງມັນສະແດງໃຫ້ເຫັນຢ່າງຈະແຈ້ງຄື: ບາງແຫ່ງເປີດໃຫ້ບໍລິການເກີນໂມງເວລາ, ບາງແຫ່ງປ່ອຍໃຫ້ໄວລຸ້ນອາຍຸບໍ່ເຖິງກະສຽນເຂົ້າໃຊ້ບໍລິການ, ບາງແຫ່ງສົ່ງສຽງດັ່ງລົບກວນສັງຄົມກໍຄືປະຊາຊົນຢູ່ໃກ້ຄຽງ, ບາງແຫ່ງເປັນແຫລ່ງມົ້ວສຸມຄ້າປະເວນີ, ຢາເສບຕິດ ແລະ ອື່ນໆ, ຈາກສະພາບການຄຸ້ມຄອງທີ່ບໍ່ເຂັ້ມງວດດັ່ງກ່າວຈຶ່ງເປັນຊ່ອງຫວ່າງໃຫ້ເກີດປະກົດການສິ່ງທີ່ບໍ່ດີຕ່າງໆຕາມມາຄື: ເປັນສິ່ງຍຸຍົງໃຫ້ສັງຄົມເກີດການຫລີ້ນກິນຟູມເຟືອຍຫລາຍຂຶ້ນ, ສ້າງຄວາມບໍ່ສະຫງົບ ແລະ ບໍ່ເປັນລະບຽບຮຽບຮ້ອຍໃນສັງຄົມ ເປັນຕົ້ນ: ເກີດການອາລະວາດຕີກັນ, ຂ້າຟັນລັນແທງເອົາປືນໄລ່ຍິງກັນ ຂອງຊາວໜຸ່ມຢ່າງບໍ່ເກງກົວຕໍ່ລະບຽບກົດໝາຍບ້ານເມືອງຄືດັ່ງພວກເຮົາຮັບຮູ້ ແລະ ໄດ້ເຫັນໃນຜ່ານມາ. ຕາມຜູ້ຂຽນໄດ້ຮັບຟັງຄໍາຄິດເຫັນຂອງຫລາຍຄົນກ່ຽວກັບສະພາບການຄຸ້ມຄອງທຸລະກິດຮ້ານອາຫານ-ບັນເທິງຂອງຂະແໜງການກ່ຽວຂ້ອງໃນປັດຈຸບັນນີ້ເຫັນວ່າ: ດ້ານນິຕິກໍາ ຫລື ກໍານົດມາດຕະການຕ່າງໆຂຽນໄດ້ລະອຽດຊັດເຈນ ແລະ ເຂັ້ມງວດຫລາຍ, ແຕ່ດ້ານການຈັດຕັ້ງປະຕິບັດຕົວຈິງແມ່ນຍັງອ່ອນແອ ຍ້ອນວ່າມັນໄດ້ກ່ຽວພັນກັບຫລາຍປັດໃຈ ເຊັ່ນ: ຮ້ານອາຫານ, ສະຖານບັນເທິງ ບາງແຫ່ງແມ່ນຜູ້ມີອິທິພົນເປັນເຈົ້າຂອງໂດຍກົງ ຫລື ສະໜັບສະໜູນຢູ່ເບື້ອງຫລັງ, ຈຶ່ງເຮັດໃຫ້ການເຂົ້າໄປກວດກາຂອງເຈົ້າໜ້າທີ່ ຫລື …

Read More »

ຂ່າວລາວ – ລັດຖະບານກຽມນໍາຮ່າງກົດໝາຍຫລາຍສະບັບສະເໜີຜ່ານສະພາແຫ່ງຊາດໃນເດືອນເມສານີ້

ຕາມລາຍງານຈາກກົມປະຊາສໍາພັນສໍານັກງານນາຍົກລັດຖະມົນຕີ ໃຫ້ຮູ້ວ່າ: ລັດຖະບານໄດ້ກະກຽມນໍາຮ່າງກົດໝາຍຫລາຍສະບັບຄື: ຮ່າງກົດໝາຍວ່າດ້ວຍສົນທິສັນຍາ ແລະ ສັນຍາສາກົນ, ຮ່າງປະມວນກົດໝາຍອາຍາ, ຮ່າງກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນສະບັບປັບປຸງ, ຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸສື່ສານ ແລະ ຮ່າງກົດໝາຍວ່າດ້ວຍສີລະປະການສະແດງ ເພື່ອສະເໜີຜ່ານໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ທີ່ຈະໄຂຂຶ້ນໃນເດືອນເມສາທີ່ຈະເຖິງນີ້ໄດ້ຄົ້ນຄວ້າພິຈາລະນາຮັບຮອງເອົາ, ພາຍຫລັງລັດຖະບານໄດ້ເປັນ ເອກະພາບໂດຍພື້ນຖານຕໍ່ເນື້ອໃນຂອງຮ່າງກົດໝາຍດັ່ງກ່າວໃນກອງປະຊຸມລັດຖະບານສະໄໝວິສາມັນປະຈໍາເດືອນກຸມພາ 2017 ທີ່ຈັດຂຶ້ນໃນວັນທີ 15-16 ນີ້. ສໍາລັບຮ່າງປະມວນກົດໝາຍແພ່ງ ແລະ ຮ່າງກົດໝາຍວ່າດ້ວຍອົງການກາແດງລາວທີ່ໄດ້ນໍາສະເໜີຕໍ່ກອງປະຊຸມຄັ້ງນີ້, ລັດຖະບານເຫັນວ່າຮ່າງປະມວນກົດໝາຍແພ່ງແມ່ນເຫັນດີໃຫ້ນໍາສະເໜີສະພາແຫ່ງຊາດພິຈາລະນາທາບທາມໃນກອງປະຊຸມສະໄໝສາມັນເທື່ອທີ 3 ເຊັ່ນກັນ, ສ່ວນຮ່າງກົດໝາຍວ່າດ້ວຍອົງການກາແດງລາວ ທີ່ເຫັນວ່າຍັງມີຄໍາຄິດເຫັນແຕກຕ່າງກັນຈຶ່ງມອບໃຫ້ພາກສ່ວນກ່ຽວຂ້ອງນໍາໄປປັບປຸງຕື່ມແລ້ວນໍາມາສະເໜີຜ່ານກອງປະຊຸມລັດຖະບານອີກຄັ້ງໜຶ່ງ. ການສ້າງ ແລະ ຄົ້ນຄວ້າພິຈາລະນາບັນດາກົດໝາຍຕ່າງໆ ກໍເພື່ອຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກທີ່ກໍານົດວ່າ: ຕ້ອງສ້າງລັດປະຊາທິປະໄຕປະຊາຊົນໃຫ້ກາຍເປັນລັດທີ່ປົກຄອງດ້ວຍກົດໝາຍຕາມທິດທີ່ວ່າ: ພັກນໍາພາ ແລະ ລັດຄຸ້ມຄອງສັງຄົມດ້ວຍກົດໝາຍ, ປະຊາຊົນເປັນເຈົ້າສະເໝີພາບຕໍ່ໜ້າກົດໝາຍຢ່າງແທ້ຈິງ. ຂໍ້ມູນຈາກ ໜັງສືພິມລາວພັດທະນາ

Read More »