Home » ຂ່າວ (page 16)

ຂ່າວ

.:。✿* ເກີດການເບື່ອເຫັດຫລາຍກໍລະນີຢູ່ນະຄອນຫລວງວຽງຈັນແຕ່ໂຊກດີບໍ່ມີຜູ້ເສຍຊີວິດ ✿.。.:

ຫົວໜ້າຂະແໜງລະບາດວິທະຍາພະແນກສາທາລະນະສຸກນະຄອນຫລວງວຽງຈັນ ທ່ານ ຈັນ ທະໄລ ໄຊຍະວົງ ໄດ້ລາຍງານໃຫ້ຮູ້ໃນວັນທີ 23 ສິງຫານີ້ວ່າ: ເມື່ອອາທິດຜ່ານມາ, ໜ່ວຍງານຕົນໄດ້ຮັບແຈ້ງມີການເບື່ອເຫັດຫລາຍກໍລະນີຢູ່ນະຄອນ ຫລວງວຽງຈັນຄື: ຢູ່ເມືອງໄຊທານີມີ 12 ກໍລະນີ, ນາຊາຍທອງ 8 ກໍລະນີ ແລະ ຫາດຊາຍຟອງ 6 ກໍລະ ນີ, ໂດຍເຂົາເຈົ້າຖືກນໍາສົ່ງໂຮງໝໍໃກ້ຄຽງຢ່າງຮີບດ່ວນ, ພາຍຫລັງທີ່ມີອາການວິນຫົວ, ປວດຮາກ ແລະ ເຈັບທ້ອງຢ່າງແຮງຫລັງ ຈາກກິນເຫັດ, ແຕ່ໂຊກດີທີ່ບໍ່ມີຜູ້ເສຍຊີວິດ. ຜ່ານການກວດກາຕົວຢ່າງເຫັດທີ່ພວກເຂົາເອົາມາກິນນັ້ນ ລ້ວນແຕ່ເປັນຊະນິດເຫັດ ທີ່ສາ ມາດກິນໄດ້, ຄືດັ່ງ 12 ກໍລະນີຢູ່ເມືອງໄຊທານີນັ້ນແມ່ນກິນເຫັດມ້ວຍ, ສ່ວນ 8 ກໍລະນີຢູ່ເມືອງນາຊາຍທອງແມ່ນກິນເຫັດດິນ ແລະ 6 ກໍລະນີຢູ່ເມືອງຫາດຊາຍຟອງແມ່ນກິນເຫັດຂີ້ຄວາຍ, ຊຶ່ງປະເພດເຫັດດັ່ງກ່າວແມ່ນເກີດຕາມທົ່ງໄຮ່, ທົ່ງນາ ແລະ ປ່າຕ່າງໆ ຊຶ່ງປົກກະຕິແລ້ວແມ່ນສາມາດບໍລິໂພກໄດ້, ແຕ່ເທື່ອນີ້ອາດເປັນຍ້ອນເຫັດເຫລົ່ານັ້ນແມ່ນເກັບມາຈາກບ່ອນທີ່ມີສານເຄມີ ແລະ ທາດເບື່ອຕ່າງໆຕົກຄ້າງຫລືເປັນຍ້ອນການປຸງແຕ່ງບໍ່ສຸກດີຈຶ່ງເຮັດໃຫ້ເກີດອາການເບື່ອດັ່ງກ່າວ.   ແນວໃນກໍຕາມ, ຕໍ່ກໍລະນີເກີດຂຶ້ນນີ້ຂະແໜງລະບາດວິທະຍາຈຶ່ງຝາກເຕືອນໃຫ້ປະຊາຊົນບັນດາເຜົ່າຈົ່ງມີສະຕິລະວັງໃນການບໍລິໂພກເຫັດຊະນິດຕ່າງໆ, ເນື່ອງຈາກວ່າໃນປັດຈຸບັນສະພາບສິ່ງແວດລ້ອມຢູ່ຫລາຍເຂດ, ຫລາຍພື້ນທີ່ມີການປ່ຽນແປງ ແລະ ຖືກທໍາລາຍຈາກມົນລະພິດຕ່າງໆ ເປັນຕົ້ນແມ່ນຢູ່ຕາມທົ່ງໄຮ່ທົ່ງນາ, ພູຜາປ່າໄມ້ ໃນຫລາຍເຂດທີ່ແມ່ນມີສານເຄມີ …

Read More »

.:。✿* ອຸຕຸເຕືອນຫລາຍທ້ອງຖິ່ນໃຫ້ເຝົ້າລະວັງລະດັບແມ່ນຳ້ຢ່າງໃກ້ຊິດ ✿.。.:

ເນື່ອງຈາກໃນໄລຍະນີ້ ມີສະພາບຝົນຕົກໃນລະດັບປານກາງຫາຕົກໜັກຢູ່ບັນດາແຂວງພາກເໜືອ, ເຮັດໃຫ້ແມ່ນ້ຳສາຂາຕ່າງໆຂຶ້ນສູງກາຍເຂດລະວັງໄພ ແລະ ລົ້ນຖ້ວມຢູ່ຫລາຍທ້ອງຖິ່ນ, ຈາກນັ້ນ ກໍໄຫລລົງສູ່ແມ່ນ້ຳຂອງ ໄດ້ເຮັດໃຫ້ລະດັບແມ່ນ້ຳຂອງຂຶ້ນສູງ ແລະ ໄດ້ມີບາງແຂວງຂຶ້ນໃກ້ເຂດລະວັງໄພແລ້ວ.   ມາຮອດວັນທີ 24 ສິງຫາ 2016, ໜ່ວຍງານວັດແທກລະດັບນ້ຳ, ກົມອຸຕຸນິຍົມ ແລະ ອຸທົກກະສາດໄດ້ລາຍງານວ່າ: ຢູ່ນະຄອນຫລວງວຽງຈັນ ແທກໄດ້ 9,60 ແມັດ, ຫລວງພະບາງ 12,64 ແມັດ, ປາກຊັນ 12,39 ແມັດ, ທ່າແຂກ 11,22 ແມັດ, ຂົວເຊ 15,10 ແມັດ ແລະ ໜ້າເຂື່ອນນ້ຳງື່ມ 207,79 ແມັດ, ຊຶ່ງໂຕເລກນີ້ ແມ່ນຍັງຕ່ຳກວ່າເຂດລະວັງໄພ 2-5 ແມັດ, ເຖິງ ຢ່າງໃດ ກໍຄວນຕິດ ຕາມ ແລະ ເຝົ້າລະວັງລະດັບນ້ຳຢ່າງເປັນປົກກະຕິ, ຍ້ອນສະພາບຝົນໃນໄລຍະນີ້ ຍັງຕົກບໍ່ຂາດຊ້ວງ. ນອກນີ້ ຍັງມີບາງຈຸດທີ່ນ້ຳຂຶ້ນສູງກາຍເຂດລະວັງໄພ ແລະ ເຂດອັນຕະລາຍເຊັ່ນ: ນ້ຳເຊໂດນ ເມືອງຄົງເຊໂດນ, ເຊບັ້ງໄຟ ຂົວເຊບັ້ງໄຟ, ນ້ຳຊັນ …

Read More »

.:。✿* ຕໍາແລ້ວໜີຖືກເຈົ້າໜ້າທີ່ຈັບຕົວມາດໍາເນີນຄະດີ *゚✿.。.:

ເຈົ້າໜ້າທີ່ໜ່ວຍປາບປາມພິເສດໄດ້ໃຊ້ລົດກະບະໄລ່ຕິດຕາມລົດເກງຄັນໜຶ່ງ ແລະ ໃຊ້ເວລາຫລາຍນາທີກ່ອນຈະສາມາດສະກັດລົດຄັນດັ່ງກ່າວຍອມຈອດໃນທີ່ສຸດ, ພາຍຫລັງລົດເກງດັ່ງກ່າວຕໍາລົດຈັກຢ່າງຮຸນແຮງແລ້ວພະຍາຍາມຂັບຂີ່ຫລົບໜີຄະດີ. ເຈົ້າໜ້າທີ່ໃຫ້ຮູ້ວ່າ: ເຫດການດັ່ງກ່າວເກີດຂຶ້ນເວລາປະມານ 17:30 ໂມງຂອງວັນທີ 23 ສິງຫານີ້ຢູ່ເສັ້ນທາງ 450 ປີເຂດບ້ານໂຊກໃຫຍ່, ເມືອງໄຊເສດຖາ, ນະຄອນຫລວງວຽງຈັນ ໂດຍມີລົດເກງສີດໍາຍີຫໍ້ເກຍໝາຍທະບຽນ ກຄ 4382 ກໍາແພງນະຄອນ ຂັບຂີ່ໂດຍທ້າວ ໃບ ອາຍຸ 56 ປີຢູ່ບ້ານໂພນສະຫວາດ, ເມືອງສີໂຄດຕະບອງ, ນະຄອນຫລວງວຽງຈັນ ຕໍາເອົາທ້າຍລົດຈັກໝາຍເລກທະບຽນ ດຈ 2333 ຂັບຂີ່ໂດຍນາງ ອ່ອນຈັນ ອາຍຸ 29 ປີພັກເຊົາ ຢູ່ບ້ານຈອມມະນີ, ເມືອງໄຊເສດຖາ, ນະຄອນຫລວງວຽງຈັນ ຈົນເສຍຊີວິດຄາທີ່, ແລ້ວລົດ ເກງຄັນດັ່ງກ່າວໄດ້ພະຍາຍາມຂັບຂີ່ລົບໜີ, ແຕ່ ມີປະຊາຊົນທີ່ເຫັນເຫດການໄດ້ຂັບລົດໄລ່ຕິດຕາມ ແລະ ໃນຂະນະນັ້ນພໍດີມີລົດກະບະຂອງເຈົ້າໜ້າທີ່ໜ່ວຍພິເສດພວມເຄື່ອນໄຫວໃນເຂດເສັ້ນທາງ ດັ່ງກ່າວມາພົບເຫດການຈຶ່ງໄດ້ໄລ່ຕິດຕາມຈົນເຮັດໃຫ້ຜູ້ຂັບລົດເກງຄັນດັ່ງກ່າວຕ້ອງ ຍອມຈອດໃນທີ່ສຸດ, ຊຶ່ງຫ່າງຈາກຈຸດເກີດເຫດປະມານ 3-4 ກິໂລ ແມັດ. ຜ່ານການນໍາຕົວໄປສືບສວນ-ສອບສວນ ທ້າວ ໃບ ຮັບສາລະພາບວ່າ: ຕົນໄດ້ຂັບລົດມາແຕ່ເສັ້ນທາງ 450 ປີເພື່ອມຸ້ງໜ້າໄປທາງໄຟແດງດົງໂດກດ້ວຍຄວາມໄວ, ແຕ່ ມາຮອດຈຸດເກີດເຫດເຊິ່ງເປັນຈຸດກັບລົດຈຶ່ງມີລົດຈັກຂອງຜູ້ຕາຍໄດ້ລ້ຽວເຂົ້າມາ ເສັ້ນທາງເບື້ອງຕົນຢ່າງກະທັນຫັນຈຶ່ງໄດ້ຕໍາເອົາທ້າຍລົດຈັກດັ່ງກ່າວຢ່າງແຮງ, ຫລັງຈາກນັ້ນກໍໄດ້ຂັບລົດໜີໄປໄດ້ໄລຍະໜຶ່ງກໍຖືກເຈົ້າໜ້າທີ່ໄລ່ຕິດຕາມໄດ້ທັນເພື່ອດໍາເນີນຄະດີຕາມລະບຽບກົດໝາຍ. …

Read More »