Home » ທ່ອງທ່ຽວທົ່ວລາວ

ທ່ອງທ່ຽວທົ່ວລາວ

.:。✿* ທ່ຽວຊົມສວນອຸທິຍານມິດຕະພາບ ຫົວພັນ-ກວາງມິງ ເບິ່ງຜາຫີນຕັ້ງ ແລະ ນໍ້າຕົກຕາດຈຳລອງ *✿.。.:

165018k6hk1p4k7hyr1fpl

ໂດຍ: ໂອຫຼົດ ບັນ­ດານັກທ່ອງທ່ຽວທັງພາຍໃນ ແລະ ຕ່າງ­ປະ­ເທດທີ່ມີແຜນຈະເດີນ­ທາງໄປທ່ອງທ່ຽວທາງພາກເໜືອຂອງລາວ ໂດຍສະ­ເພາະແຂວງຫົວ­ພັນໃນໄລ­ຍະນີ້ຢ່າພາດແວ່ຊົມສວນອຸ­ທິ­ຍານມິດຕະ ພາບຫົວ­ພັນŒກວາງມິງເລາະເບິ່ງຜາຫີນຕັ້ງຈຳ­ລອງ, ນ້ຳ­ຕົກຕາດຈຳ­ລອງ ແລະ ອີກຫຼາກຫຼາຍຢ່າງທີ່ທ່ານອາດບໍ່ເຄີຍເຫັນ ຊຶ່ງປະ­ຈຸບັນເປີດໃຫ້ເຂົ້າທ່ຽວຊົມຢ່າງເປັນທາງການແລ້ວ. ສວນອຸ­ທິ­ຍານມິດ­ຕະ­ພາບຫົວ­ພັນŒກວາງມິງຖືເປັນສະ­ຖານທີ່ທ່ອງທ່ຽວ ແຫ່ງໃໝ່ຂອງແຂວງຫົວ­ພັນທີ່ມີຄວາມສວຍສົດງົດງາມ ຊຶ່ງທາງພາກ­ສ່ວນທີ່ກ່ຽວຂ້ອງຄາດວ່າສະ­ຖານ­ທີ່ແຫ່ງນີ້ອາດເປັນ ສະ­ຖານ­ທີ່ທ່ອງທ່ຽວອີກແຫ່ງໜຶ່ງທີ່ຈະສາ­ມາດດຶງດູດນັກທ່ອງທ່ຽວ ທັງໃນ ແລະ ຕ່າງປະເທດເຂົ້າມາທ່ຽວຊົມແຂວງຫົວພັນຫຼາຍຂຶ້ນ. ສຳ­ລັບພາຍໃນສວນມິດຕະພາບດັ່ງ­ກ່າວປະ­ກອບດ້ວຍຫຼາກຫຼາຍລາຍ­ການໃຫ້ ບັນ­ດານັກທ່ອງທ່ຽວທັງພາຍໃນ ແລະ ຕ່າງປະ­ເທດໄດ້ທ່ຽວຊົມກັນຢ່າງເພີດເພີນໃຈເປັນ­ຕົ້ນ: ຜາຫີນ ແລະ ນ້ຳຕົກຕາດຈຳ­ລອງ, ຫ້ວຍນ້ຳໄຫຼຈຳລອງ, ໜອງ, ອ່າງ, ສາຍນ້ຳ­ພຸ, ຜາຫີນຕັ້ງຈຳ­ລອງ, ກົງນ້ຳ ແລະ ຄົກຕຳເຂົ້າດ້ວຍແຮງນ້ຳ, ຮູບປັ້ນຈຳ­ລອງທີ່ສະ­ແດງເຖິງວັດ­ທະ­ນະທຳ, ການດຳ­ລົງຊີ­ວິດຂອງ 9 ຊົນ­ເຜົ່າໃນແຂວງຫົວ­ພັນ, ຮ້ານຂາຍ­ເຄື່ອງທີ່ລະ­ນຶກ 3 ຮ້ານໄວ້ຄອຍບໍ­ລິ­ການນັກທ່ອງທ່ຽວທີ່ມີຄວາມຕ້ອງ­ການຢາກຈະຊື້ເປັນ ຂອງ­ຝາກຍາດ­ຕິພີ່­ນ້ອງ ແລະ ອື່ນໆອີກຫຼາຍໆຢ່າງທີ່ສວຍງາມ ນອກນີ້ ເສັ້ນ­ທາງໃນການເລາະທ່ຽວຊົມມີຄວາມສະ­ດວກສະ­ບາຍ ແລະ ສະ­ຖານ­ທີ່ຈອດລົດກວ້າງຂວາງ ເອົາເປັນວ່າບັນ­ດານັກທ່ອງທ່ຽວທ່ານໃດທີ່ເດີນ­ທາງໄປແຂວງຫົວ­ພັນກໍ ສາ­ມາດແວ່ທ່ຽວຊົມສວນມິຕະພາບນີ້ໄດ້ ຊຶ່ງຕັ້ງຢູ່ເຂດທົ່ງນາໝີ່ ເມືອງຊຳເໜືອ. ຂໍ້ມູນດີດີຈາກ sedthakid.la

Read More »

.:。✿* ສຶກສາປະຫວັດສາດຂອງຊາດຜ່ານຖຳ້ວຽງໄຊ *✿.。.:

153721a4zsw2stsl99dvlf

ເມືອງວຽງໄຊ, ເຖິງຈະບໍ່ອະທິບາຍແຕ່ຫຼາຍຄົນກໍຄົງຮູ້ດີ ເນື່ອງຈາກເປັນສະຖານທີ່ຕັ້ງທາງຍຸດທະສາດອັນສຳຄັນໃນການຕໍ່ສູ້ກູ້ຊາດຕ້ານ ຈັກກະພັດຕ່າງດ້າວຜູ້ຮຸກຮານ, ຈົນຖືກຂະໜານນາມວ່າ: “ເມືອງວຽງໄຊຖິ່ນກຳເນີດປະເທດລາວ” ເນື່ອງຈາກມີຄວາມກ່ຽວ ພັນທາງປະຫວັດສາດອັນສຳຄັນຂອງຊາດ, ປະຈຸບັນນີ້ ສະຖານທີ່ດັ່ງກ່າວໄດ້ກາຍເປັນແຫລ່ງທ່ອງທ່ຽວທີ່ມີຊື່ສຽງອີກແຫ່ງໜຶ່ງຂອງປະເທດ ກໍຄືເຂດພາກເໜືອຂອງລາວ.   ເມືອງວຽງໄຊໃນເມື່ອກ່ອນ ໂດຍສະເພາະກໍແມ່ນໄລຍະທີ່ລາວຕົກເປັນຫົວເມືອງຂຶ້ນຂອງຈັກກະພັດຕ່າງດ້າວປຽບເໝືອນ ຕົວເມືອງລີ້ລັບອີກແຫ່ງໜຶ່ງຂອງລາວ ຊຶ່ງຈະພົບເຫັນໜ້ອຍຄົນທີ່ສຸດທີ່ຈະອອກມາດຳລົງຊີວິດທ່າມກາງຄວາມໂລ່ງແຈ້ງ ແມ່ນແຕ່ຫຼັງຄາເຮືອນກໍຍັງຍາກທີ່ຈະປາກົດໃຫ້ເຫັນ, ແຕ່ໃນຄວາມເປັນຈິງແລ້ວນັບແຕ່ປີ 1964-1975, ເມືອງວຽງໄຊມີພົນລະເມືອງອາໄສຢູ່ຫຼາຍກວ່າ 20 ພັນຄົນ ຊຶ່ງພວກເຂົາພາກັນຕັ້ງບ້ານເຮືອນຢູ່ຕາມຖ້ຳຕາມຮູ ທັງນີ້ ກໍເພື່ອຄວາມປອດໄພຈາກບັນດາລູກລະເບີດຂອງພວກສັດຕູ, ແຕ່ມີໃຜຮູ້ແດ່ວ່າການຮຽນຮູ້ວິທີເອົາຕົວ ລອດໄປໃນແຕ່ລະວັນນັ້ນ ໄດ້ກາຍເປັນໄຫວພິບແຫ່ງຄວາມສະຫຼຽວສະຫຼາດຂອງປະຊາຊົນຊາວເມືອງວຽງໄຊ ຊຶ່ງຈະຜັນປ່ຽນຊີວິດ ໂດຍສະເພາະກໍແມ່ນເວລາເຮັດວຽກໃນເມື່ອກ່ອນກາງເວັນ ປະຊາຊົນສ່ວນໃຫຍ່ພາກັນພັກຜ່ອນຢູ່ຕາມບ້ານເຮືອນຂອງໃຜລາວ, ສ່ວນກາງຄືນກໍຈະທະຍອຍກັນອອກມາເຮັດໄຮ່ນາ, ປູກຝັງ ແລະ ອື່ນໆເພື່ອຫາລ້ຽງຊີບ ສຳລັບພາຍໃນຖ້ຳກໍສາມາດສ້າງຫຼາຍສິ່ງຢ່າງທີ່ເປັນປະໂຫຍດເປັນຕົ້ນແມ່ນ: ໂຮງຮຽນ, ໂຮງໝໍ, ຕະຫຼາດ, ສູນຂໍ້ມູນຂ່າວສານ ແລະ ອື່ນໆ. ຢ່າງໃດກໍຕາມ ປະຈຸບັນນີ້ສະຖານທີ່ດັ່ງກ່າວໄດ້ມີການປ່ຽນແປງການດຳລົງຊີວິດຂອງປະຊາຊົນຊາວເມືອງ ວຽງໄຊກໍບໍ່ໄດ້ລຳບາກຄືເມື່ອກ່ອນ ຂະນະດຽວກັນນັ້ນ ເມືອງວຽງໄຊກໍຍັງໄດ້ກາຍເປັນສະຖານທີ່ທີ່ມີຊື່ສຽງອີກແຫ່ງໜຶ່ງຂອງລາວ. ຊຶ່ງສະຖານທີ່ທ່ອງທ່ຽວທີ່ສຳຄັນຂອງເມືອງວຽງໄຊ ແຂວງຫົວພັນກໍຄົງແມ່ນບັນດາຖ້ຳນ້ອຍ-ໃຫຍ່ແຫ່ງຕ່າງໆລວມເຖິງ 100 ກວ່າແຫ່ງ ແຕ່ທາງພາກສ່ວນກ່ຽວຂ້ອງໄດ້ອະນຸຍາດໃຫ້ນັກທ່ອງທ່ຽວເຂົາໄປທ່ຽວຊົມສະເພາະແຕ່ ສະຖານທີ່ສຳຄັນ ແລະ ອຳນວຍ ຄວາມສະດວກ ໂດຍສະເພາະກໍແມ່ນ: ຖ້ຳທ່ານປະທານສຸພານຸວົງ, ຖ້ຳທ່ານ ໄກສອນພົມວິຫານ, ຖ້ຳທ່ານ …

Read More »