Home » ຂ່າວ » ຂ່າວພາຍໃນ » .:。✿* ກັກຈັບຊາຍ 24 ປີ ນຳຜີເຂົ້າຄອບຄົວ *✿.。.:

.:。✿* ກັກຈັບຊາຍ 24 ປີ ນຳຜີເຂົ້າຄອບຄົວ *✿.。.:

ໃນວັນທີ 30 ສິງຫາ 2016 ເຈົ້າໜ້າທີ່ ປກສ ເມືອງນາຊາຍທອງໄດ້ ນຳກຳລັງເຂົ້າປິດລ້ອມເຮືອນທ້າວ ປາ ລະມີ ຫຼື ກຸ່ງ ອາຍຸ 24 ປີ ບ້ານໜອງຍາວ ເມືອງນາຊາຍທອງ ນະຄອນຫຼວງວຽງຈັນ ເພື່ອທຳການຈັບກັກໃນຂໍ້ຫາຄະດີ ເຄື່ອນໄຫວຄ້າຂາຍຢາເສບຕິດ ຜ່ານ ການຈັບກັກພົບຢາບ້າ 9 ເມັດ ແລະ ປືນ 4 ກະບອກ ພ້ອມລະເບີດດັດແປງ 1 ລູກ.

 

ຜ່ານການສອບສວນຂະຫຍາຍຜົນ ທ້າວ ປາລະມີ ສາລະພາບວ່າ: ກ່ອນທີ່ຕົນເອງຈະເລີ່ມເຄື່ອນໄຫວພົວພັນ ກັບຢາເສບຕິດນັ້ນ. ໃນເບື້ອງຕົ້ນໄດ້ໄປ ຮັບຈ້າງເປັນກໍາມະກອນກໍ່ສ້າງທົ່ວໄປໃນເວລານັ້ນ, ໄດ້ເຫັນໝູ່ຮ່ວມງານເສບ ເພື່ອຫາຍເມື່ອຍ ຕົນເອງຈິ່ງໄດ້ລອງເສບຫຼາຍຄັ້ງ ຈິ່ງຮູ້ວ່າມີແຮງ ແລະບໍ່ຢາກ ນອນ ຈິ່ງໄດ້ອອກເງິນກັນຊື້ມາເສບຫຼາຍ ຄັ້ງ ເມື່ອຮູ້ມາວ່າຕົນເອງໄດ້ຕິດຢາບ້າ ໄປແລ້ວ ແຕ່ຕົນເອງຄິດຢາກຈະເຊົາ ແຕ່ກໍເຊົາບໍ່ໄດ້ ຈິ່ງໄດ້ຊື້ຢາບ້າມາເສບ ເອງ ແລະເຄື່ອນໄຫວຄ້າຂາຍເອງ. ຊຶ່ງຜູ້ກ່ຽວໄດ້ເລີ່ມເສບຢາບ້າມາແຕ່ປີ 2014 ເປັນຕົ້ນມາ, ເສບມື້ລະ 1-2 ເມັດ ຢາບ້າທີ່ຊື້ມາເສບແຕ່ລະຄັ້ງແມ່ນຊື້ນໍາທ້າວ ພາ ອາຍຸ 25 ປີ ຢູ່ບ້ານດົງບອງ ເມືອງ ນາຊາຍທອງ. ມາປີ 2015 ກໍເລີ່ມ ເຄື່ອນໄຫວຄ້າຂາຍຢາເສບຕິດ ຢາທີ່ນໍາ ມາຂາຍແຕ່ລະຄັ້ງແມ່ນຊື້ນໍາທ້າວ ພາ ແລະທ້າວ ກ໋ອກ ອາຍຸ 35 ປີ ຢູ່ບ້ານ ໜອງຍາວ ຈໍານວນຫຼາຍຄັ້ງຈົນບໍ່ສາ ມາດຈະຈື່ໄດ້ ຊື້ຄັ້ງລະ 5-10 ເມັດພາຍຫຼັງໄດ້ຢາບ້າມາແລ້ວ ກໍນໍາມາແບ່ງເສບຄັ້ງລະ 1-2 ເມັດ. ສ່ວນທີ່ເຫຼື່ອແມ່ນນໍາໄປຂາຍໃຫ້ກັບກໍາມະກອນທີ່ເຮັດວຽກນໍາກັນ ແລະໄວລຸ້ນພາຍໃນບ້ານ. ຕົກມາວັນທີ 30 ສິງຫາ 2016 ເວລາປະມານ 10:00 ໂມງ ຜູ້ກ່ຽວໄດ້ໄປຊື້ຢາບ້ານໍາທ້າວ ກ໋ອກ ຈໍານວນ 20 ເມັດ ພາຍຫຼັງໄດ້ຢາບ້າມາແລ້ວ ກໍນໍາມາຂາຍໃຫ້ ກັບທ້າວ ຈູມ ຢູ່ບ້ານໜອງຍາວ ຈໍາ ນວນ 6 ເມັດ ຍັງເຫຼືອ 14 ເມັດ. ມາ ຮອດເວລາປະມານ 13:00 ໂມງ ຈິ່ງ ໄດ້ຖືກເຈົ້າໜ້າທີ່ກັກຕົວມາດໍາເນີນຄະດີ.

ສ່ວນປືນຈໍານວນ 4 ກະບອກ ທ້າວ ປະລະມີ ໄດ້ໃຫ້ການວ່າ: ປືນສັ້ນດັດແປງທີ່ຍິງດ້ວຍລູກແວ່ງ ແມ່ນທ້າວ ເລ້ ຢູ່ ບ້ານໜອງຍາວ ໄດ້ນໍາມາແລກປຽນກັບ ຢາບ້າ ຈໍານວນ 2 ເມັດ, ສ່ວນປຶນແກ໋ບ ຈໍານວນ 3 ກະບອກ ແມ່ນຂອງຜູ້ກ່ຽວ ຜະລິດເອງ ແລະລະເບິດທີ່ດັດແປງນັ້ນ ແມ່ນຊື້ຈາກທ້າວ ເສີກ ອາຍຸ 35 ປີ ຢູ່ ບ້ານດົງຫຼວງ ໃນລາຄາແສນກີບ. ສໍາລັບອາວຸດດັ່ງກ່າວແມ່ນຜູ້ກ່ຽວນໍາມາສະສົມໄວ້ເພື່ອໄປຂາຍຕໍ່.

ຕໍ່ກັບປາກົດການຫຍໍ້ທໍ້ ທີ່ແຜ່ລະບາດໃນປະຈຸບັນ, ເຈົ້າໜ້າທີ່ ປກສ ເມືອງນາ ຊາຍທອງໄດ້ຍົກໃຫ້ເຫັນວ່າ: ສະພາບການຄ້າຂາຍຢາເສບຕິດມີລັກຊະນະ ເພີ່ມຂຶ້ນກໍຍ້ອນວ່າ: ຍັງມີຜູ້ປົກຄອງຈໍານວນໜຶ່ງທີ່ຂາດສະຕິໃນການເປັນເຈົ້າ ການເກັບກໍາຕໍ່ສະພາບດັ່ງກ່າວ ຊຶ່ງສະ ແດງອອກດັ່ງຄະດີຫຼາຍລາຍທີ່ຜ່ານມາ ເມື່ອລູກຫຼານຂອງຕົນເອງໄດ້ມີການພົວພັນກັບຢາເສບຕິດ ແຕ່ຜູ້ປົກຄອງຍັງບໍ່ມີ ທ່າທີຈະຕັກເຕືອນ ແລະຊອກຫາວິທີແກ້ ໄຂ ຈົນເຮັດໃຫ້ເຂົາເຈົ້າມີອາການທີ່ຮຸນແຮງ ແລະບໍ່ສາມາດຈະແກ້ໄຂໄດ້ແລ້ວ ຈິ່ງໄດ້ລາຍງານ. ນັ້ນຈິ່ງເຮັດໃຫ້ສະພາບ ການດັ່ງກ່າວເພີ່ມຂຶ້ນຢາ່ງຕໍ່ເນື່ອງ. ແຕ່ເຖິງຢ່າງໃດກໍຕາມເຈົ້າໜ້າທີ່ແຕ່ລະພາກສ່ວນ ກໍຈະສຶບຕໍ່ປະສານສົມທົບກັບພາກ ສ່ວນທີ່ກ່ຽວຂ້ອງເພື່ອກໍາແໜ້ນສະພາບ ການເພື່ອແກ້ໄຂໃຫ້ທັນການ.

ຂໍ້ມູນຂ່າວຈາກ ໜັງສືພິມເສດຖະກິດ-ສັງຄົມ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply