Home » ຂ່າວ » ຂ່າວພາຍໃນ » .:。✿* ຕຳຫຼວດເຕືອນ ລະວັງ ! ​ໂຈນ​ຫ້າ​ຮ້ອຍ *✿.。.:

.:。✿* ຕຳຫຼວດເຕືອນ ລະວັງ ! ​ໂຈນ​ຫ້າ​ຮ້ອຍ *✿.。.:

ໂດຍ: ຄຳ ເຜີຍ ສີ ຊະນະ ມຸງຄຸນ

      ຕອນທິດກໍ່າໃຫຍ່ຂຶ້ນມາພໍຮູ້ຄວາມກໍໄດ້ຍິນຜູ້ເຖົ້າຜູ້ແກ່ເພິ່ນເວົ້າເປັນຄຳພັງເພີຍແບບປິດສະໜາໄວ້ວ່າ: ກ້າວເຂົ້າໄລຍະປີ 2500 ຈະມີໂຈນ 500 ມາສ້າງຄວາມວຸ້ນວາຍພາຍໃນບ້ານເມືອງ. ມາຮອດປັດຈຸບັນນີ້ ເຮົາສາມາດໄດ້ຍິນກັບຫູ, ໄດ້ເຫັນກັບຕາແລ້ວ. ອັນວ່າພວກໂຈນ 500 ນັ້ນມັນບໍ່ແມ່ນພວກອື່ນໄກ, ມັນຕັ້ງແມ່ນພວກທີ່ກິນຢາບ້າຄ້າຢາເມົາ ຫລື ພວກທີ່ມີການພົວພັນຊື້ຂາຍສິ່ງເສບຕິດນີ້ເອງ. ບັນດາປາກົດການຫຍໍ້ທໍ້ທີ່ມັນເກີດຂຶ້ນໃນສັງຄົມບ້ານເຮົາໃນປັດຈຸບັນສ່ວນໃຫຍ່ແມ່ນເກີດ

ມາຈາກຢາເສບຕິດ. ປາກົດການທີ່ພົ້ນເດັ່ນອັນໜຶ່ງໃນນະຄອນຫລວງເຮົາແມ່ນການດຶງກະເປົາ, ດຶງສາຍຄໍ ເບິ່ງຢ່າງໜຶ່ງຄືເປັນການທ້າທາຍຢ່າງບໍ່ເກງກົວຕໍ່ກົດໝາຍບ້ານເມືອງ. ເທົ່າທີ່ທິດກໍ່າໄດ້ຍິນແຫຼ່ງຂ່າວຢູ່ນະຄອນຫລວງວຽງຈັນເຮົາ ບາງມື້ມີພວກໂຈນດຶງກະເປົາຢູ່ຈຸດຕ່າງໆເປັນ 4-5 ລາຍ, ຈຸດທີ່ມັກເກີດຂຶ້ນເລື້ອຍໆແມ່ນຢູ່ແຖວຂົວເສັ້ນທາງຈາກບ້ານສະຫວ່າງຫາໂພນຕ້ອງຈອມມະນີ. ສະເພາະຄົນທີ່ຮູ້ຈັກກັບທິດກໍ່າແມ່ນຖືກເຂົາດຶງມາສອງຄົນແລ້ວ ຄືຜູ້ທີໜຶ່ງແມ່ນຖືກດຶງສາຍຄໍຄຳ ແລະ ອີກຜູ້ທີສອງແມ່ນຖືກດຶງກະເປົາ. ໃນສະພາບປັດຈຸບັນຜູ້ຍິງທີ່ຂີ່ລົດຈັກແລ້ວເອົາກະເປົາມາເຊື່ອງໄວ້ທາງໜ້າແລ້ວນຸ່ງເສື້ອກັນລົມປົກໄວ້ນັ້ນມັນເກືອບວ່າຈະບໍ່ມີຄວາມໝາຍອີກແລ້ວ ເພາະພວກໂຈນມັນມີອຸປະກອນຄົບຊຸດ ເຊັ່ນມີດຕັດ ແລະ ອຸປະກອນອື່ນໆ ຫລື ເຜີໆມາກໍມີຮອດປືນ. ໃນເດືອນກ່ອນສະພາບຍິງກັນຕາຍຢູ່ໃກ້ກັບຕະຫລາດຊັ່ງຈຽງ ຕົ້ນເຫດຂອງມັນກໍແມ່ນການດຶງກະເປົາ. ຕໍ່ຜູ້ທີ່ຖືກເຄາະຮ້າຍຍ້ອນພວກໂຈນດຶງກະເປົາ ນອກຈາກຈະເສຍເງິນຄຳແລ້ວຍັງໄດ້ໄປນອນພັກຟື້ນຢູ່ໂຮງໝໍ ຍ້ອນໄດ້ຮັບບາດເຈັບສາຫັດ.

     ຈາກສະພາບທີ່ເກີດຂຶ້ນນີ້ຫລາຍຄົນກໍຈົ່ມເປັນຫ່ວງ ແລະ ວິຕົກກັງວົນນຳການໄປມາດຽວນີ້ມັນບໍ່ຄືເກົ່າຄາວຫລັງ. ປັດຈຸບັນໃຜມີເງິນມີຄຳຫລາຍກໍໃສ່ໂອ້ອວດກັນບໍ່ໄດ້, ຜູ້ມີເງິນເຕັມກະເປົາໄປມາທາງໃດກໍຢ້ານແຕ່ໂຈນປຸ້ນ, ບັນຫາດັ່ງກ່າວມັນສ້າງຄວາມຫຍຸ້ງຍາກ ແລະ ຄວາມສັບສົນວຸ້ນວາຍໃນສັງຄົມຢ່າງບໍ່ແລ້ວບໍ່ເລີກຈັກເທື່ອ.

    ກ່າວເຖິງເບື້ອງເຈົ້າໜ້າທີ່ເພິ່ນກໍມີການຕ້ານ ແລະ ສະກັດກັ້ນ ຫລື ຕາມລ່າປາບປາມຢ່າງບໍ່ລົດລະ, ແຕ່ມັນກໍຄືຈັ່ງວ່າເຫລັກຫລາຍກວ່າຖ່ານ ຫລື ມີການລ່າປາບປາມເທົ່າໃດມັນກໍນັບມື້ກຳເລີບເຕີບສານຂຶ້ນຫລາຍເທົ່ານັ້ນ. ດັ່ງແຫລ່ງຂ່າວມ້າງຄະດີຈັບກຸມຄຸມຂັງພວກຊື້ຂາຍຢາເສບຕິດນັ້ນມັນມີເກືອບທຸກວັນ. ສະພາບດຽວນີ້ພວກທີ່ມີການພົວພັນກັບຢາເສບຕິດມັນໄດ້ຢັ່ງຢາຍໄປເຖິງທ້ອງຖິ່ນຮາກຖານທຸກຈອກທຸກແຈແລ້ວ. ອັນນີ້ເຂົາເອີ້ນວ່າເອົາຮູບການຄົນດຽວໄປຂ້າຫລາຍຄົນ ຫລື ເອົາຄົນກຸ່ມດຽວໄປຂ້າຄົນທົ່ວບ້ານທົ່ວເມືອງ. ຕາມທິດກໍ່າວ່າຖ້າພວກເຮົາບໍ່ພ້ອມກັນຕັດສິນໃຈເອົາຫລາຍຄົນໄປປາບຄົນດຽວ ຫລື ກຸ່ມດຽວ ແລ້ວ, ສະພາບການກຳເລີບຂອງຢາເສບຕິດມັນກໍຈະຍັງສືບຕໍ່ເປັນພິດເປັນໄພແກ່ສັງຄົມບ້ານເມືອງເຮົາຢ່າງບໍ່ສິ້ນສຸດ. ເວົ້າເລື່ອງໂຈນ 500 ມາ, ທິດກໍ່າຢາກໃຫ້ເຈົ້າໜ້າທີ່ເຮົາປະຕິບັດການຢ່າງສຽບຂາດບໍ່ຕ້ອງໃຫ້ພວກນີ້ໄດ້ຂ້າຄົນຫລາຍຄົນ. ເຮົາຕ້ອງຮ່ວມໃຈກັນເອົາຫລາຍຄົນໄປຂ້າຄົນດຽວ ເພາະຄົນຄົນດຽວເປັນສ້ຽນໜາມປັກແທງໃຫ້ຄົນເຈັບ ແລະ ຕາຍຫລາຍຄົນແລ້ວ.

ຂໍ້ມູນຈາກ ໜັງສືພິມລາວພັດທະນາ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply