Home » ຂ່າວ » ຂ່າວພາຍໃນ » .:。✿* ລົດບັນທຸກຕຳລົດຈັກນັກທ່ອງທ່ຽວຊາວອາເມລິກາເສຍຊີວິດ 2 ຄົນ *✿.。.:

.:。✿* ລົດບັນທຸກຕຳລົດຈັກນັກທ່ອງທ່ຽວຊາວອາເມລິກາເສຍຊີວິດ 2 ຄົນ *✿.。.:

ເຈົ້າໜ້າທີ່ ຈະລາຈອນ ເມືອງມະຫາໄຊ ແຂວງຄຳມ່ວນ ໃຫ້ຮູ້ວ່າ: ເວລາປະມານ 10:17 ໂມງຂອງວັນທີ 6 ທັນວາຜ່ານມານີ້, ຢູ່ເສັ້ນທາງ 12A, ເຂດບ້ານນາຄຳ, ເມືອງມະຫາໄຊ ແຂວງຄຳມ່ວນ, ໄດ້ມີລົດບັນທຸກຕູ້ຄອນເທັນເນີ້ ປ້າຍທະບຽນ 17C 07554 ຫວຽດ ນາມ, ຂັບຂີ່ໂດຍທ້າວ ບຸຍ ຊາດ້ວນ ອາຍຸ 43 ປີ (ສັນຊາດຫວຽດ ນາມ), ຢູ່ບ້ານກລີນຈາງ, ເມືອງກລີນພູ ແຂວງທາຍບິງ ສສ ຫວຽດນາມ ແລ່ນມຸ້ງໜ້າມາແຕ່ຊາຍແດນ

ລາວ-ຫວຽດ ນາມ ຈຸດປະສົງຈະເຂົ້າໄປໃນເມືອງທ່າແຂກ ເພື່ອໄປຮັບເອົາສິນຄ້າ ພໍມາຮອດຈຸດເກີດເຫດໄດ້ໄປຕຳກັບລົດຈັກເວບ ປ້າຍທະບຽນ 3404 ຄຳມ່ວນ ຂັບຂີ່ໂດຍທ້າວ ໂຈເຊັບແຟັງ ອາຍຸ 29 ປີ ແລະ ນາງ ແມັກ ແຄນຊີແຄ ອາຍຸ 24 ປີ ທັງສອງເປັນຄົນອາເມລິກາ ເສຍຊີວິດຄາທີ່. ປັດຈຸບັນສົບຜູ້ເສຍຊີວິດແມ່ນເກັບໄວ້ຢູ່ໂຮງໝໍແຂວງຄຳມ່ວນ ເພື່ອລໍຖ້າກົງສູນອາເມລິກາ ປະຈຳລາວ ໄດ້ຕິດຕໍ່ພົວພັນຫາຍາດພີ່ນ້ອງມາເອົາສົບຂອງພວກກ່ຽວໄປທຳພິທີທາງສາດສະໜາຕໍ່ໄປ. ສ່ວນຄົນຂັບລົດບັນທຸກ ເຈົ້າໜ້າທີ່ໄດ້ກັກຕົວໄວ້ເພື່ອດຳເນີນຄະດີຕາມກົດໝາຍ.

ຂໍ້ມູນຈາກ ໜັງສືພິມລາວພັດທະນາ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply