Home » ຂ່າວ » ຂ່າວພາຍໃນ » .:。✿* ສປປ ລາວ ມີຄວາມພ້ອມເຕັມຮ້ອຍແລ້ວຕໍ່ການເປັນເຈົ້າພາບກອງປະຊຸມສຸດຍອດອາຊຽນ *✿.。.:

.:。✿* ສປປ ລາວ ມີຄວາມພ້ອມເຕັມຮ້ອຍແລ້ວຕໍ່ການເປັນເຈົ້າພາບກອງປະຊຸມສຸດຍອດອາຊຽນ *✿.。.:

ໃນວັນທີ 29 ສິງຫານີ້, ທີ່ສໍານັກງານນາຍົກລັດຖະມົນຕີ, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ຖະແຫລ່ງຕໍ່ສື່ມວນຊົນວ່າ: ສປປ ລາວ ມີຄວາມພ້ອມເຕັມຮ້ອຍແລ້ວຕໍ່ການເປັນເຈົ້າພາບຈັດກອງປະຊຸມສຸດອາຊຽນຄັ້ງທີ 28,29 ແລະ ບັນດາກອງປະຊຸມສຸດຍອດອື່ນໆ ທີ່ຈະຈັດຂຶ້ນນັບແຕ່ວັນທີ 6-8 ກັນຍານີ້ຢູ່ນະຄອນຫລວງວຽງຈັນ. ໂດຍຈະມີບັນດາປະມຸກລັດ ແລະ ຫົວໜ້າລັດຖະບານຫລາຍກວ່າ 20 ປະເທດເຂົ້າຮ່ວມ ແລະ ພິເສດຍັງມີທ່ານ ບາຣັກ ໂອບາມາ ເປັນປະທານາທິບໍດີສະ ຫະລັດອາເມລິກາ ຄົນທໍາອິດທີ່ຈະເດີນທາງມາຢ້ຽມຢາມ ສ ປປ ລາວ ເພື່ອເຂົ້າຮ່ວມກອງປະຊຸມຄັ້ງສໍາຄັນນີ້.
ທ່ານນາຍົກລັດຖະມົນຕີ ກ່າວວ່າ: ມາຮອດປັດຈຸບັນວຽກງານສໍາຄັນຕ່າງໆ ເປັນຕົ້ນ: ບຸກຄະລາກອນ, ເນື້ອໃນ, ສະຖານທີ່ປະຊຸມ, ທີ່ພັກ, ດ້ານພິທີການ ແລະ ການອໍານວຍຄວາສະດວກອື່ນໆ ເພື່ອຕ້ອນຮັບບັນດາປະມຸກລັດ  ແລະ ຫົວໜ້າລັດຖະບານທີ່ເຂົ້າຮ່ວມກອງປະຊຸມສຸດຍອດອາຊຽນຄັ້ງນີ້ແມ່ນມີຄວາມພ້ອມແລ້ວ100%. ດັ່ງນັ້ນຕາງໜ້າໃຫ້ພັກ ແລະ ລັດຖະບານ ຂໍເຊີນຊວນປະຊາຊົນບັນດາເຜົ່າໃນທົ່ວ

ປະເທດ, ໂດຍສະເພາະຊາວນະຄອນຫລວງວຽງຈັນ ຈົ່ງພ້ອມກັນຮ່ວມເປັນເຈົ້າພາບທີ່ດີ, ຕ້ອນຮັບແຂກດ້ວຍນໍ້າໃຈ, ດ້ວຍອັດທະຍາໃສມິດໄມຕີຕາມຮີດຄອງປະເພນີອັນດີງາມຂອງຊາດລາວເຮົາ, ທັງນີ້ ກໍເພື່ອຮັບປະກັນໃຫ້ກອງປະຊຸມຄັ້ງສໍາຄັນນີ້ມີຜົນສໍາເລັດຢ່າງຈົບງາມ.

ຂໍ້ມູນຈາກ ໜັງສືພິມລາວພັດທະນາ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply