Home » ຂ່າວ » ຂ່າວພາຍໃນ » .:。✿* ກັກຕົວຫົວໂປ່ຄ້າຢາ ລວມພັກພວກອີກ 3 ຄົນ *✿.。.:

.:。✿* ກັກຕົວຫົວໂປ່ຄ້າຢາ ລວມພັກພວກອີກ 3 ຄົນ *✿.。.:

ປະຈຸບັນ, ມີຜູ້ຄົນຈໍານວນຫຼວງ ຫຼາຍທີ່ຕົກເປັນທາດຂອງຢາເສບຕິດ ໂດຍບໍ່ເລືອກຊັ້ນວັນນະ ແລະໄວອາຍຸ ເມື່ອ ຜູ້ໃດໄດ້ພົວພັນກັບສິ່ງເສບຕິດແລ້ວ ກໍເຮັດໃຫ້ເສຍສຸຂະພາບ, ຄອບຄົວ ແລະ ສ້າງປະກົດການຫຍໍ້ທໍ້ຕາມມາ.

 

ແຕ່ສະ ພາບການດັ່ງກ່າວເຈົ້າໜ້າທີ່ກໍຍັງເປັນ ເຈົ້າການຕິດຕາມເປົ້າໝາຍຢູ່ພາຍໃນ ບ້ານ ເພື່ອນໍາມາຕັກເຕືອນ ແລະສຶກສາ ອົບຮົມ ເມື່ອຍັງບໍ່ມີການປ່ຽນແປງກໍຕ້ອງ ໃຊ້ມາດຕະການເດັດຂາດ ເພື່ອກັກຕົວມາ ດໍາເນີນຄະດີຕາມກົດໝາຍ. ດັ່ງໃນວັນທີ 15 ສິງຫາ 2016 ເຈົ້າໜ້າທີ່ໜ່ວຍງານ ສະກັດກັ້ນແລະຕ້ານຢາເສບຕິດໄດ້ປະສານສົມທົບ ກັບໜ່ວຍງານສືບຂ່າວຄະດີອາຍາແກ້ໄຂ ເປົ້າໝາຍຄ້າຂາຍຢາເສບຕິດຢູ່ບ້ານດຸງ ໃຫຍ່ ເມືອງໄຊເສດຖາ ສາມາດກັກຕົວຜູ້ ຖືກຫາໄດ້ 4 ຄົນ ພ້ອມກັບຢາບ້າ 600 ເມັດ.

ເຈົ້າໜ້າທີ່ໄດ້ເປິດເຜີຍຄະດີໃນເບື້ອງຕົ້ນໃຫ້ຮູ້ວ່າ: ຜູ້ຖືກຫາຊື່ທ້າວ ສຸກສະ ຫວັນ ຫຼື ແຊ໋ງ ອາຍຸ 22 ປີ ຢູ່ບ້ານດຸງ ໃຫຍ່ ເມືອງໄຊເສດຖາ, ທ້າວ ເລ້ ອາຍຸ 24 ປີ ຢູ່ບ້ານສະພັງຂະນົງ, ທ້າວ ບຸນ ຈັນ ອາຍຸ 26 ປີ ແລະທ້າວ ດ່ອນ ອາຍຸ 33 ປີ ຢູ່ບ້ານໂຄກສະອາດ ທັງ 3 ຢູ່ ເມືອງໄຊທານີ; ຜ່ານການສອບສວນຂະ ຫຍາຍຜົນທ້າວ ສຸກສະຫວັນ ຮັບສາລະ ພາບວ່າ: ຜູ້ກ່ຽວເລີ່ມເສບຢາເສບຕິດມາ ແຕ່ປີ 2014 ເປັນຕົ້ນມາ, ເສບມື້ລະ 2- 3 ເມັດ ຢາບ້າທີ່ນໍາມາເສບແມ່ນຊື້ນໍາໄວ ລຸ້ນຢູ່ຕາມຮ້ານເກມເຂດບ້ານທາດ ຫຼວງ. ມາປີ 2015 ຜູ້ກ່ຽວກໍເລີ່ມເຄື່ອນ ໄຫວຄ້າຂາຍຢາເສບຕິດ ຊຶ່ງຢາບ້າທີ່ນໍາ ມາຂາຍແຕ່ລະຄັ້ງແມ່ນຊື້ນໍາທ້າວ ມີນາອາຍຸປະມານ 35 ປີ ຢູ່ບ້ານສີສະຫວາດ ເມືອງຈັນທະບູລີ ແລະທ້າວ ຕົ້ນ ອາຍຸ ປະມານ 27 ປີ ບໍ່ຊາບ ທີ່ຢູ່ຈໍານວນຫຼາຍ ຄັ້ງ, ຄັ້ງລະ 2-3 ຖົງ ເທົ່າກັບ 400-600 ເມັດ ພາຍຫຼັງໄດ້ຢາບ້າມາແລ້ວ ກໍນໍາມາແບ່ງເສບຄັ້ງລະ 10-15 ເມັດ ສ່ວນທີ່ເຫຼື່ອແມ່ນນໍາໄປຂາຍໃຫ້ກັບ ທ້າວ ເລ້, ທ້າວ ບຸນຈັນ ແລະທ້າວ ດ່ອນ. ຕົກມາຄັ້ງຫຼ້າສຸດໃນວັນທີ 15 ສິງຫາ 2016 ຜູ້ກ່ຽວໄດ້ໄປຊື້ຢາບ້ານໍາທ້າວ ມີນາ ຈໍານວນ 3 ຖົງເທົ່າກັບ 600 ເມັດພາຍຫຼັງໄດ້ຢາບ້າມາແລ້ວ ກໍນໍາຢາມາ ເຮືອນ ເພື່ອຈະແບ່ງເປັນພູດຂາຍໃຫ້ກັບ ທ້າວ ເລ້, ທ້າວ ບຸນຈັນ ແລະທ້າວ ດ່ອນແຕ່ໃນເວລານັ້ນໄດ້ມີເຈົ້າໜ້າທີ່ເຂົ້າມາ ກັກຕົວ ພ້ອມຂອງກາງຢາບ້າ 3 ຖົງມາ ດໍາເນີນຄະດີ. ນອກນັ້ນ, ທ້າວ ສຸກສະ ຫວັນ ຍັງສາລະພາບອີກວ່າ: ຜ່ານມາ ຜູ້ກຽ່ວໄດ້ຖືກການຈັດຕັ້ງບ້ານຮ້ອງໄປ ສຶກສາອົບຮົບຫຼາຍຄັ້ງແຕ່ຜູ້ກ່ຽວກໍບໍ່ມີ ການປ່ຽນແປງ.

ທ້າວ ເລ້ ສາລະພາບວ່າ: ຜູ້ກ່ຽວ ໄດ້ເລີ່ມເສບຢາເສບຕິດມາແຕ່ປີ 2010 ເປັນຕົ້າມາ, ເສບມືລະ 1-2 ເມັດ ຢາບ້າ ທີ່ນໍາມາເສບແມ່ນຊື້ນໍາໄວລຸ້ນພາຍໃນບ້ານ, ມາປີ 2014 ກໍເລີ່ມຄ້າຂາຍຢາ ເສບຕິດ. ຢາບ້າທີ່ນໍາມາຂາຍແມ່ນຊື້ນໍາທ້າວ ສຸກສະຫວັນ ຈໍານວນຫຼາຍຄັ້ງ, ຄັ້ງ ລະ 100 ເມັດ. ພາຍຫຼັງໄດ້ຢາບ້າມາ ແລ້ວ ກໍນໍາມາແບ່ງເສບມື້ລະ 2-3 ເມັດ ສ່ວນທີ່ເຫຼື່ອແມ່ນນໍາໄປຂາຍໃຫ້ກັບໄວ ລຸ້ນພາຍໃນບ້ານ.

ທ້າວ ດ່ອນ ສາລະພາບວ່າ: ໄດ້ເສບ ຢາບ້າມາໄດ້ຫຼາຍປີແລ້ວ ເສບມື້ລະ 2-3 ເມັດ ຢາບ້າທີ່ນໍາມາເສບແມ່ນຊື້ນໍາໄວ ລຸ້ນພາຍໃນບ້ານ. ມາປີ 2015 ກໍເລີ່ມຄ້າຂາຍຢາເສບຕິດ, ຢາບ້າທີ່ນໍາມາຂາຍ ແມ່ນຊື້ນໍາທ້າວ ສຸກສະຫວັນ ຈໍານວນ ຫຼາຍຄັ້ງ, ຄັ້ງລະ 100-200 ເມັດ ພາຍ ຫຼັງໄດ້ຢາບ້າມາແລ້ວກໍນໍາໄປຂາຍຢູ່ ພາຍໃນບ້ານ ແລະບ້ານໃກ້ຄຽງ. ບາງ ຄັ້ງໄດ້ຢາບ້າມາແລ້ວ ກໍແບ່ງເສບຄັ້ງລະ 2-5 ເມັດ.

ທ້າວ ບຸນຈັນ ຮັບສາລະພາບວ່າ: ຕົນເອງໄດ້ເສບຢາບ້າມາແຕ່ປີ 2014 ເສບ ມື້ລະ 1-2 ເມັດ ຢາບ້າທີ່ນໍາມາເສບແມ່ນ ຊື້ນໍາທ້າວ ສຸກສະຫວັນ, ມາປີ 2015 ຜູ້ກ່ຽວກໍເລີ່ມເຄື່ອນໄຫວຄ້າຂາຍຢາເສບ ຕິດຢາບ້າທີ່ນໍາມາຂາຍແມ່ນຊື້ນໍາທ້າວ ສຸກສະຫວັນ ຈໍານວນຫຼາຍຄັ້ງຈົນບໍ່ສາ ມາດຈະຈື່ໄດ້. ຊື້ຄັ້ງລະ 200 ເມັດ ພາຍ ຫຼັງໄດ້ຢາບ້າມາແລ້ວ ກໍນໍາມາແບ່ງເສບ ແລະສ່ວນທີ່ເຫຼື່ອແມ່ນນໍາໄປຂາຍໃຫ້ກັບໄວ້ລຸ້ນພາຍໃນບ້ານ ແລະບ້ານໃກ້ຄຽງ.

ປະຈຸບັນຄະດີດັ່ງກ່າວຍັງຢູ່ໃນຂັ້ນ ຕອນຂອງການສອບສວນຂະຫຍາຍຜົນ ເພື່ອສະຫຼຸບສໍານວນຄະດີສົ່ງໄອຍະການດໍາເນີນຄະດີເປັນຂັ້ນຕໍ່ໄປ ແລະສືບຕໍ່ເກັບ ກໍາຂໍ້ມູນຫຼັກຖານ ເພື່ອນໍາກັກຕົວຜູ້ຮ່ວມ ຂະບວນການມາຮັບໂທດຕາມກົດໝາຍ.”

ຂໍ້ມູນຂ່າວ ຂ່າວເສດຖະກິດ-ສັງຄົມ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply