Home » ທ່ອງທ່ຽວທົ່ວລາວ » .:。✿* ທ່ຽວຊົມສວນອຸທິຍານມິດຕະພາບ ຫົວພັນ-ກວາງມິງ ເບິ່ງຜາຫີນຕັ້ງ ແລະ ນໍ້າຕົກຕາດຈຳລອງ *✿.。.:

.:。✿* ທ່ຽວຊົມສວນອຸທິຍານມິດຕະພາບ ຫົວພັນ-ກວາງມິງ ເບິ່ງຜາຫີນຕັ້ງ ແລະ ນໍ້າຕົກຕາດຈຳລອງ *✿.。.:

ໂດຍ: ໂອຫຼົດ
ບັນ­ດານັກທ່ອງທ່ຽວທັງພາຍໃນ ແລະ ຕ່າງ­ປະ­ເທດທີ່ມີແຜນຈະເດີນ­ທາງໄປທ່ອງທ່ຽວທາງພາກເໜືອຂອງລາວ ໂດຍສະ­ເພາະແຂວງຫົວ­ພັນໃນໄລ­ຍະນີ້ຢ່າພາດແວ່ຊົມສວນອຸ­ທິ­ຍານມິດຕະ ພາບຫົວ­ພັນŒກວາງມິງເລາະເບິ່ງຜາຫີນຕັ້ງຈຳ­ລອງ, ນ້ຳ­ຕົກຕາດຈຳ­ລອງ ແລະ ອີກຫຼາກຫຼາຍຢ່າງທີ່ທ່ານອາດບໍ່ເຄີຍເຫັນ ຊຶ່ງປະ­ຈຸບັນເປີດໃຫ້ເຂົ້າທ່ຽວຊົມຢ່າງເປັນທາງການແລ້ວ.
ສວນອຸ­ທິ­ຍານມິດ­ຕະ­ພາບຫົວ­ພັນŒກວາງມິງຖືເປັນສະ­ຖານທີ່ທ່ອງທ່ຽວ ແຫ່ງໃໝ່ຂອງແຂວງຫົວ­ພັນທີ່ມີຄວາມສວຍສົດງົດງາມ ຊຶ່ງທາງພາກ­ສ່ວນທີ່ກ່ຽວຂ້ອງຄາດວ່າສະ­ຖານ­ທີ່ແຫ່ງນີ້ອາດເປັນ ສະ­ຖານ­ທີ່ທ່ອງທ່ຽວອີກແຫ່ງໜຶ່ງທີ່ຈະສາ­ມາດດຶງດູດນັກທ່ອງທ່ຽວ ທັງໃນ ແລະ ຕ່າງປະເທດເຂົ້າມາທ່ຽວຊົມແຂວງຫົວພັນຫຼາຍຂຶ້ນ.
ສຳ­ລັບພາຍໃນສວນມິດຕະພາບດັ່ງ­ກ່າວປະ­ກອບດ້ວຍຫຼາກຫຼາຍລາຍ­ການໃຫ້ ບັນ­ດານັກທ່ອງທ່ຽວທັງພາຍໃນ ແລະ ຕ່າງປະ­ເທດໄດ້ທ່ຽວຊົມກັນຢ່າງເພີດເພີນໃຈເປັນ­ຕົ້ນ: ຜາຫີນ ແລະ ນ້ຳຕົກຕາດຈຳ­ລອງ, ຫ້ວຍນ້ຳໄຫຼຈຳລອງ, ໜອງ, ອ່າງ, ສາຍນ້ຳ­ພຸ, ຜາຫີນຕັ້ງຈຳ­ລອງ, ກົງນ້ຳ ແລະ ຄົກຕຳເຂົ້າດ້ວຍແຮງນ້ຳ, ຮູບປັ້ນຈຳ­ລອງທີ່ສະ­ແດງເຖິງວັດ­ທະ­ນະທຳ, ການດຳ­ລົງຊີ­ວິດຂອງ 9 ຊົນ­ເຜົ່າໃນແຂວງຫົວ­ພັນ, ຮ້ານຂາຍ­ເຄື່ອງທີ່ລະ­ນຶກ 3 ຮ້ານໄວ້ຄອຍບໍ­ລິ­ການນັກທ່ອງທ່ຽວທີ່ມີຄວາມຕ້ອງ­ການຢາກຈະຊື້ເປັນ ຂອງ­ຝາກຍາດ­ຕິພີ່­ນ້ອງ ແລະ ອື່ນໆອີກຫຼາຍໆຢ່າງທີ່ສວຍງາມ ນອກນີ້ ເສັ້ນ­ທາງໃນການເລາະທ່ຽວຊົມມີຄວາມສະ­ດວກສະ­ບາຍ ແລະ ສະ­ຖານ­ທີ່ຈອດລົດກວ້າງຂວາງ ເອົາເປັນວ່າບັນ­ດານັກທ່ອງທ່ຽວທ່ານໃດທີ່ເດີນ­ທາງໄປແຂວງຫົວ­ພັນກໍ ສາ­ມາດແວ່ທ່ຽວຊົມສວນມິຕະພາບນີ້ໄດ້ ຊຶ່ງຕັ້ງຢູ່ເຂດທົ່ງນາໝີ່ ເມືອງຊຳເໜືອ.

ຂໍ້ມູນດີດີຈາກ sedthakid.la

Facebook Comments

About admin

admin

Leave a Reply