Home » ຂ່າວ » ຂ່າວພາຍໃນ » .:。✿* ກອງປະຊຸມສຸດຍອດອາຊຽນຄັ້ງທີ 28 ແລະ 29 ໄຂຂຶ້ນຢ່າງເປັນທາງການທີ່ນະຄອນຫລວງວຽງຈັນ *✿.。.:

.:。✿* ກອງປະຊຸມສຸດຍອດອາຊຽນຄັ້ງທີ 28 ແລະ 29 ໄຂຂຶ້ນຢ່າງເປັນທາງການທີ່ນະຄອນຫລວງວຽງຈັນ *✿.。.:

ໃນຕອນບ່າຍຂອງວັນທີ 6 ກັນຍານີ້, ຢູ່ຫໍປະຊຸມແຫ່ງຊາດນະຄອນຫລວງວຽງຈັນ, ກອງປະຊຸມສຸດຍອດອາຊຽນຄັ້ງທີ 28 ແລະ 29 ແລະ ບັນດາກອງປະຊຸມສຸດຍອດທີ່ກ່ຽວຂ້ອງໄດ້ໄຂຂຶ້ນຢ່າງເປັນທາງການ, ໂດຍການເຂົ້າຮ່ວມຂອງບັນດາປະມຸກລັດ/ຫົວໜ້າລັດຖະ ບານອາຊຽນ, ລັດຖະ ມົນຕີຕ່າງປະເທດອາຊຽນ, ເລຂາທິການໃຫຍ່ອາຊຽນ, ບັນດາຜູ້ແທນ, ແຂກຖືກເຊີນ ແລະ ບັນດາສື່ມວນຊົນທັງພາຍໃນ ແລະ ຕ່າງປະເທດ.

ໃນພິທີເປີດກອງປະຊຸມ, ພະນະທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ກ່າວຕ້ອນຮັບບັນດາຜູ້ນຳອາຊຽນ ແລະ ບັນດາຜູ້ແທນສູ່ນະຄອນຫລວງວຽງຈັນ ເພື່ອເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 28 ແລະ 29 ແລະ ກອງປະຊຸມສຸດຍອດທີ່ກ່ຽວຂ້ອງ, ໃນນີ້ ພະນະທ່ານ

ນາຍົກລັດຖະມົນຕີ ຍັງໄດ້ສະແດງຄວາມຂອບໃຈບັນດາປະເທດອາຊຽນ, ຄູ່ເຈລະຈາອາຊຽນ, ປະເທດເພື່ອນມິດ ແລະ ອົງການຈັດຕັ້ງພາກພື້ນ ແລະ ສາກົນທີ່ໄດ້ໃຫ້ການຮ່ວມມື ແລະ ຊ່ວຍເຫລືອ ສປປ ລາວ ໃນການເປັນປະທານອາຊຽນໃນປີ 2016 ພາຍໃຕ້ຄຳຂວັນ “ຫັນວິໃສທັດໃຫ້ເປັນຮູບປະທຳ ແລະ ເພື່ອຄວາມເຂັ້ມແຂງຂອງປະຊາຄົມອາຊຽນ”, ຊຶ່ງມີຄວາມຄືບໜ້າດີ, ໂດຍສະເພາະແມ່ນໄດ້ສ້າງຂອບວຽກ ແລະ ຖະແຫລງການຕ່າງໆໃຫ້ຜູ້ນຳພິຈາລະນາຮັບຮອງເອົາໃນໂອກາດກອງປະ ຊຸມສຸດຍອດຄັ້ງນີ້.

ໃນໂອກາດນີ້, ພະນະທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ໃຫ້ກຽດກ່າວສູນທອນພົດເປີດກອງປະຊຸມສຸດຍອດໃນຄັ້ງນີ້, ຊຶ່ງໃນນີ້ ພະນະທ່ານໄດ້ຍົກໃຫ້ເຫັນເຖິງຜົນສຳ ເລັດຂອງອາຊຽນ ໃນໄລຍະ 5 ທົດສະວັດຜ່ານມາ, ໂດຍສະເພາະແມ່ນການປະກາດສ້າງຕັ້ງເປັນປະຊາຄົມອາຊຽນໃນວັນທີ 31 ທັນວາ 2015 ແລະ ເນັ້ນເຖິງຄວາມສຳຄັນໃນການສືບຕໍ່ຮັດແໜ້ນການຮ່ວມມືກັນພາຍໃນອາຊຽນ ແລະ ລະຫວ່າງອາຊຽນກັບຄູ່ຮ່ວມມືພາຍນອກ ເພື່ອສົ່ງເສີມ ແລະ ຮັດແໜ້ນປະຊາຄົມອາຊຽນໃຫ້ເຂັ້ມແຂງ ແລະ ຈະເລີນກ້າວໜ້າຕາມວິຖີທາງອາຊຽນ ກໍຄືຫລັກການຂອງອາຊຽນ.

 

ພາຍຫລັງພິທີເປີດກອງປະຊຸມສຸດຍອດອາຊຽນ ຄັ້ງທີ 28 ແລະ 29, ພະນະທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ສືບຕໍ່ເປັນປະທານກອງປະຊຸມສຸດຍອດອາຊຽນຄັ້ງທີ 28, ການພົບປະລະຫວ່າງຜູ້ນຳອາຊຽນກັບບັນດາຜູ້ຕາງໜ້າສະມັດຊາລັດຖະສະພາອາຊຽນ, ການພົບປະລະຫວ່າງຜູ້ນຳອາຊຽນກັບຊາວໜຸ່ມອາຊຽນ, ການພົບປະລະຫວ່າງຜູ້ນຳອາຊຽນກັບສະພາທີ່ປຶກສາທຸລະກິດອາຊຽນ. ນອກນີ້ ພະນະທ່ານນາຍົກ ຍັງໄດ້ເຂົ້າຮ່ວມກອງປະຊຸມສຸດຍອດຜູ້ນຳອາ ຊຽນວ່າດ້ວຍທຸລະກິດ ແລະ ການລົງທຶນອີກດ້ວຍ.

ຂໍ້ມູນຈາກ ໜັງສືພິມລາວພັດທະນາ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply