Home » ຂ່າວ » ຂ່າວຕ່າງປະເທດ » .:。✿* ລາວເປັນປະເທດທຳອິດໃນອາຊຽນທີ່ເຂົ້າຮ່ວມຂໍ້ຕົກລົງປາຣີ *✿.。.:

.:。✿* ລາວເປັນປະເທດທຳອິດໃນອາຊຽນທີ່ເຂົ້າຮ່ວມຂໍ້ຕົກລົງປາຣີ *✿.。.:

 ພາຍຫລັງສຳເລັດການຢ້ຽມຢາມ ສາທາລະນະລັດ ປະຊາທິປະໄຕ ປະຊາຊົນລາວ ຂອງທ່ານ ບິນກີມູນ ເລຂາທິການໃຫຍ່ອົງການສະຫະປະຊາຊາດ, ຊຶ່ງສະແດງຄວາມຍິນດີເປັນຢ່າງຍິ່ງທີ່ໄດ້ມາຢ້ຽມຢາມ ສ ປປ ລາວ, ເຊິ່ງເປັນຄູ່ຮ່ວມມືທີ່ສຳຄັນໃນເວທີປຶກສາຫາລືພະຫຸພາຄີລະດັບພາກພື້ນ ແລະ ທັງເປັນປະທານອາຊຽນໃນປີ 2016. ພ້ອມຊົມເຊີຍລັດຖະບານທີ່ໄດ້ໃຫ້ສັດຕະຍາບັນຂໍ້ຕົກລົງປາຣີກ່ຽວກັບການປ່ຽນແປງຂອງດິນຟ້າອາກາດ. ໂດຍທ່ານເນັ້ນວ່າ: ສປປ ລາວ ເປັນປະເທດທຳອິດຂອງອາຊຽນທີ່ໄດ້ເຂົ້າຮ່ວມໃນຂໍ້ຕົກລົງປາຣີ, ເຊິ່ງເປັນບາດກ້າວສຳຄັນໃນການມີຜົນບັງຄັບໃຊ້ຂອງຂໍ້ຕົກລົງດັ່ງກ່າວໃນປີນີ້.

   ທ່ານເລຂາທິການໃຫຍ່ອົງການສະຫະປະຊາຊາດ, ຍັງໄດ້ຊົມເຊີຍລັດຖະບານ ແລະ ປະຊາ ຊົນລາວທີ່ເປັນເຈົ້າການໃນວາລະການພັດທະນາປີ 2030 ລວມໄປເຖິງຄວາມຄິດສ້າງສັນ ແລະ ຄວາມມຸ່ງໝັ້ນໃນການສ້າງຕັ້ງເປົ້າໝາຍການພັດທະນາແບບຍືນຍົງສະເພາະຂອງ ສ ປປ ລາວ ກໍຄືເປົ້າໝາຍການພັດທະນາແບບຍືນຍົງທີ 18 ກ່ຽວກັບລະເບີດບໍ່ທັນແຕກ.

            ໃນໂອກາດຢ້ຽມຢາມລາວຄັ້ງນີ້, ທ່ານເລຂາທິການໃຫຍ່ອົງການສະຫະປະຊາຊາດ ໄດ້ໄປຢ້ຽມຢາມສູນປິ່ນປົວຜູ້ຕິດຢາເສບຕິດຢູ່ໂຮງໝໍເມືອງສີສັດຕະນາກ, ນະຄອນຫລວງວຽງຈັນ ເພື່ອຊົມການນຳໃຊ້ຢາແກ່ຜູ້ຕິດຢາເສບຕິດຂອງໄວໜຸ່ມ, ວິທີການປິ່ນປົວ ແລະ ການດູແລສຸຂະພາບຜູ້ຕິດຢາເສບຕິດ. ນອກຈາກນີ້, ຍັງໄດ້ຢ້ຽມຢາມ ແລະ ພົບປະກັບພະນັກງານອົງການສະຫະປະຊາຊາດ ແລະ ຫົວໜ້າບັນດາອົງການຈັດຕັ້ງຂອງອົງການສະຫະປະຊາຊາດທີ່ປະຈໍາຢູ່ລາວ.

ຂໍ້ມູນຈາກ ໜັງສືພິມລາວພັດທະນາ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply