Home » ຂ່າວ » ຂ່າວພາຍໃນ » .:。✿* ອຸຕຸເຝົ້າລະວັງລະດັບນຳ້ຂອງທີ່ພວມເພີ່ມຂຶ້ນຢ່າງໃກ້ຊິດ *✿.。.:

.:。✿* ອຸຕຸເຝົ້າລະວັງລະດັບນຳ້ຂອງທີ່ພວມເພີ່ມຂຶ້ນຢ່າງໃກ້ຊິດ *✿.。.:

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ພະຍຸ ຣາອີ (Rai) ໄດ້ອ່ອນກຳລັງ ລົງເປັນພະຍຸເດເປຣຊັນ ແລະ ປັດຈຸບັນໄດ້ກາຍເປັນຄວາມກົດດັນອາກາດຕ່ຳປົກຄຸມຢູ່ທົ່ວ ທຸກພາກຂອງລາວດ້ວຍກຳລັງປານກາງ, ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ, ເຊິ່ງລັກສະນະເຊັ່ນນີ້ ຈະເຮັດໃຫ້ມີຝົນຕົກ ໃນລະດັບຄ່ອຍຢູ່ເກືອບທົ່ວໄປ ແລະ ຕົກ ປານກາງພ້ອມມີລົມພັດແຮງຢູ່ບາງທ້ອງ ຖິ່ນໃນ ແຕ່ລະພາກຂອງລາວ. ພ້ອມນີ້ ໜ່ວຍວັດແທກລະດັບນ້ຳຂອງ ແລະ ແມ່ນ້ຳສາຂາຕ່າງໆຂອງກົມດັ່ງກ່າວ, ໄດ້ລົງເກັບກຳຂໍ້ມູນລະ ດັບນ້ຳຂອງໃນຕອນເຊົ້າວັນທີ 14 ກັນຍານີ້, ຢູ່ນະຄອນຫລວງວຽງຈັນ ເຂດຫລັກ 4 ສາມາດແທກໄດ້ 9,30 ແມັດ ແລະ ອາດເພີ່ມຂຶ້ນເປັນ 9,55 ແມັດໃນວັນຕໍ່ມາ ແລະ ແຂວງອື່ນໆກໍເຊັ່ນກັນຄື: ຢູ່ຫລວງພະບາງ ແທກໄດ້

11,50 ແມັດ ແລະ ອາດເພີ້ມຂຶ້ນເປັນ 11,58 ແມັດ, ປາກຊັນ ແທກໄດ້ 11,50 ແມັດ ແລະ ອາດເພີ້ມຂຶ້ນເປັນ 11,79 ແມັດ, ທ່າແຂກ ແທກໄດ້ 10,52 ແລະ ອາດເພີ້ມຂຶ້ນເປັນ 10,63, ປາກເຊ ແທກໄດ້ 10 ແມັດ ແລະ ອາດເພີ້ມຂຶ້ນ 10,40 ແມັດ, ຂົວເຊບັ້ງໄຟ ແທກໄດ້ 16,90 ແລະ ອາດເພີ້ມຂຶ້ນເປັນ 17,53 ແມັດໃນມື້ຕໍ່ມາ. ດັ່ງນັ້ນ ເພື່ອປ້ອງກັນ ແລະ ເຝົ້າລະວັງລະດັບນ້ຳ ຂອງ ແລະ ແມ່ນ້ຳສາຂາຕ່າງໆ, ກົມອຸຕຸນິຍົມ ແລະ ອຸທົກກະສາດ ອອກແຈ້ງເຕືອນໃຫ້ ປະຊາຊົນທີ່ອາໄສ ຢູ່ເຂດດັ່ງກ່າວ ລະມັດລະວັງ ເພາະອາດຈະເກີດນ້ຳຖ້ວມ ແລະ ນ້ຳປ່າ ໄຫລຊຸແຮງກໍເປັນໄດ້. 

ຂໍ້ມູນຈາກ ໜັງສືພິມລາວພັດທະນາ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply