Home » ຂ່າວ » ຂ່າວພາຍໃນ » .:。✿* ລາວເລັ່ງປັບສະຖານະພາບແຮງງານລາວເຮັດວຽກຢູ່ໄທໃຫ້ຖືກລະບຽບຫລັກການ *✿.。.:

.:。✿* ລາວເລັ່ງປັບສະຖານະພາບແຮງງານລາວເຮັດວຽກຢູ່ໄທໃຫ້ຖືກລະບຽບຫລັກການ *✿.。.:

ລັດຖະບານໄດ້ຮັບຮອງໂດຍພື້ນຖານຕໍ່ບົດລາຍງານກ່ຽວກັບການຈັດຕັ້ງປະຕິບັດການປັບສະຖານະພາບແຮງງານລາວທີ່ເຮັດວຽກຢູ່ປະເທດໄທ, ພ້ອມທັງມອບໃຫ້ພາກສ່ວນກ່ຽວຂ້ອງເລັ່ງປະສານສົມທົບກັບທາງການໄທ ເພື່ອໃຫ້ເປັນເອກະພາບໃນການແກ້ໄຂບັນຫາການເຄື່ອນຍ້າຍແຮງງານທີ່ຖືກຕ້ອງ ແລະ ບໍ່ຖືກຕ້ອງຮ່ວມກັນຢ່າງມີປະສິດທິຜົນ.

             ການຮັບຮອງເອົາບົດລາຍງານດັ່ງກ່າວມີຂຶ້ນໃນກອງປະຊຸມວິສາມັນຂອງລັດຖະບານປະຈໍາເດືອນໃນວັນທີ 26 ກັນຍານີ້, ໂດຍການເປັນປະທານທ່ານ ບຸນທອງ ຈິດມະນີ ຮອງນາຍົກລັດຖະ ມົນຕີ, ທັງເປັນປະທານກວດກາສູນກາງພັກ, ປະທານອົງການກວດກາ

ລັດຖະບານ ແລະ ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ.

           ລັດຖະບານໄດ້ຕີລາຄາສະພາບການຕົວຈິງຂອງສາເຫດທີ່ພາໃຫ້ແຮງງານລາວຫລັ່ງໄຫລໄປອອກແຮງງານຢູ່ຕ່າງປະເທດ, ໂດຍສະເພາະແມ່ນປະເທດໄທ ນັ້ນເຫັນວ່າຜູ້ອອກແຮງງານຢູ່ລາວສ່ວນຫລາຍແມ່ນເຮັດວຽກການຜະລິດກະສິກໍາເປັນສ່ວນໃຫຍ່, ເຖິງວ່າຈະມີຄວາມດຸໝັ່ນຂະຫຍັນພຽນໃນການອອກແຮງງານຫລາຍປານໃດກໍຕາມ, ແຕ່ການຜະລິດດັ່ງກ່າວແມ່ນພຽງແຕ່ກຸ້ມກິນ, ເຮັດແບບກະແຈກກະຈາຍ ແລະ ຜະລິດແບບທໍາມະຊາດຍັງບໍ່ເປັນສີນຄ້າ ແລະ ສົ່ງຜົນສະທ້ອນເຮັດໃຫ້ມີການຫວ່າງງານລະດູການ ຈຶ່ງເຮັດໃຫ້ລາຍຮັບຂອງຜູ້ອອກແຮງງານບໍ່ສົມດຸນກັບລາຍຈ່າຍ ແລະ ບໍ່ສາມາດຫລຸດພົ້ນອອກຈາກຄວາມທຸກຍາກ. ນອກຈາກນີ້, ໂຄງປະກອບຂອງແຮງງານລາວຍັງມີການຫັນປ່ຽນຊ້າ, ແຮງງານໃນຂົງເຂດກະສິກໍາຍັງກວມຫລາຍເຖິງ 65,3%, ຂົງເຂດອຸດສະຫະກໍາມີພຽງ 11,4% ແລະ ບໍລິການກວມເອົາ 23,3% ຂອງອັດຕາກໍາລັງແຮງງານໃນທົ່ວປະເທດ, ຂະນະດຽວກັນ ຊັດສ່ວນແຮງງານທີ່ມີຄວາມຮູ້, ມີວິຊາຊີບ ແລະ ມີສີມືດີແມ່ນມີໜ້ອຍ, ແຮງງານບໍ່ມີວິຊາຊີບພັດມີຫລາຍ ຈຶ່ງເຮັດໃຫ້ການຫັນເອົາແຮງງານຈາກຂົງເຂດກະສິກໍາມາສູ່ຂົງເຂດອຸດສະຫະກໍາ ແລະ ບໍລິການຊັກຊ້າ ແລະ ເກີດມີສະພາບການຫວ່າງງານໃນຕົວເມືອງເພີ່ມຂຶ້ນ, ຍ້ອນເກີດມາຈາກບັນຫາມີແຮງງານເຫລືອບໍ່ພໍແບບນີ້ ຈຶ່ງສົ່ງຜົນສະທ້ອນພາໃຫ້ເກີດມີແຮງງານເຄື່ອນຍ້າຍຈາກຊົນນະບົດເຂົ້າສູ່ຕົວເມືອງ ແລະ ຂ້າມໄປອອກແຮງງານຢູ່ປະເທດໃກ້ຄຽງເປັນຈໍານວນຫລວງ ຫລາຍ, ຂະນະທີ່ແຮງງານຕ່າງປະເທດພັດເຄື່ອນຍ້າຍເຂົ້າມາເຮັດວຽກຢູ່ລາວເພີ່ມຂຶ້ນ, ເຊິ່ງບັນຫາດັ່ງກ່າວລັດຖະບານເຫັນວ່າຕ້ອງໄດ້ເພີ່ມທະວີການປະສານສົມທົບກັບທາງການປະເທດໃກ້ຄຽງ, ໂດຍສະເພາະປະເທດໄທ ເພື່ອເປັນເອກະພາບໃນການແກ້ໄຂບັນຫາການເຄື່ອນຍ້າຍແຮງງານທີ່ຖືກ ຕ້ອງ ແລະ ບໍ່ຖືກຕ້ອງຮ່ວມກັນ, ພ້ອມທັງເອົາໃຈໃສ່ປັບປຸງບັນດາບໍລິສັດຈັດຫາງານຂອງລາວ ເພື່ອສ້າງເງື່ອນໄຂ ແລະ ອໍານວຍຄວາມສະດວກໃຫ້ແກ່ແຮງງານລາວທີ່ໄປເຮັດວຽກຢູ່ຕ່າງປະເທດ ແລະ ອັນສໍາຄັນແມ່ນຕ້ອງເອົາໃຈໃສ່ໂຄສະນາສຶກສາອົບຮົມບັນດາຊາວໜຸ່ມ ກໍຄືປະຊາຊົນໄດ້ຮັບຮູ້, ເຂົ້າ ໃຈກ່ຽວກັບການເດີນທາງໄປເຮັດວຽກຢູ່ຕ່າງປະເທດໃຫ້ຖືກຕ້ອງຕາມຂັ້ນຕອນ ແລະ ລະບຽບການ.  

ຂໍ້ມູນຈາກ ໜັງສືພິມລາວພັດທະນາ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply