Home » ຂ່າວ » ຂ່າວພາຍໃນ » .:。✿* ການສັນຈອນທາງປາກຊັນ-ຊຽງຂວາງມີຄວາມຫຍຸ້ງຍາກຫຼາຍ *✿.。.:

.:。✿* ການສັນຈອນທາງປາກຊັນ-ຊຽງຂວາງມີຄວາມຫຍຸ້ງຍາກຫຼາຍ *✿.。.:

 ປັດຈຸບັນສະພາບການສັນຈອນໃນເສັ້ນທາງລະຫວ່າງແຂວງພາກເໜືອ, ໂດຍສະເພາະທາງປາກຊັນ-ຊຽງຂວາງ ນັບວ່າມີຄວາມຫຍຸ້ງຍາກຫລາຍ, ຍ້ອນສະພາບຝົນຕົກໝັກໃນຜ່ານມາ, ສົ່ງຜົນໃຫ້ເສັ້ນທາງດັ່ງກ່າວຖືກເຊາະເຈື່ອນ, ເປັນບວກຂຸມ, ມີສະພາບຊຸດໂຊມເປ່ເພໜັກໜ່ວງ, ຫລາຍຍ່ານເປັນຂຸມເລິກຈົນເກືອບບໍ່ສາມາດໄປມາໄດ້, ອັນໄດ້ສ້າງຄວາມລໍາບາກໃຫ້ແກ່ຜູ້ທີ່ດຳລົງຊີວິດຢູ່ເຂດໃກ້ຄຽງ, ດັ່ງໂຊເຟີລົດເມທ່ານໜຶ່ງທີ່ຂັບລົດລະຫວ່າງຊຽງຂວາງ-ນະຄອນຫຼວງວຽງຈັນ ເລົ່າສູ່ນັກຂ່າວພວກເຮົາຟັງວ່າ: ເຊັ່ນດຽວກັບທຸກໆປີພໍຮອດລະດູຝົນເສັ້ນທາງລະຫວ່າງຊຽງຂວາງອອກມາຫານະ ຄອນຫຼວງວຽງຈັນມັກມີສະພາບເປ່ເພຈາກໄພ

ທຳມະຊາດ, ເຮັດໃຫ້ການສັນຈອນພົບຄວາມລຳບາກເປັນທີ່ສຸດ, ແຕ່ຍັງໂຊກດີທີ່ປີນີ້ມີໜ່ວຍງານຈາກພາກສ່ວນກ່ຽວຂ້ອງມາປະຈຳຢູ່ເສັ້ນທາງດັ່ງກ່າວ, ເພື່ອສ້ອມແປງສຸກເສີນໃຫ້ລົດສາມາດສັນຈອນໄປມາໄດ້. ຂະນະທີ່ພາກສ່ວນກ່ຽວຂ້ອງກໍຍອມຮັບວ່າຈະເລັ່ງປົວແປງເສັ້ນທາງດັ່ງກ່າວຫຼັງຈາກລະດູຝົນນີ້, ເພື່ອເຮັດໃຫ້ການສັນຈອນໄປມາມີຄວາມສະດວກສະບາຍດີຂື້ນ,ເພາະແມ່ນເສັ້ນທາງຍຸດທະສາດສຳຄັນໜຶ່ງເພື່ອເຊື່ອມຕໍ່ລະຫວ່າງແຂວງພາກເໜືອດ້ວຍກັນ.

ຂໍ້ມູນຈາກ ໜັງສືພິມລາວພັດທະນາ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply