Home » ຂ່າວ » ຂ່າວພາຍໃນ » .:。✿* ຍີ່ປຸ່ນຊ່ວຍລາວ 500 ລ້ານເຢັນນຳໃຊ້ເຂົ້າໃນການພັດທະນາເສດຖະກິດ-ສັງຄົມ 5 ປີຄັ້ງທີ VIII *✿.。.:

.:。✿* ຍີ່ປຸ່ນຊ່ວຍລາວ 500 ລ້ານເຢັນນຳໃຊ້ເຂົ້າໃນການພັດທະນາເສດຖະກິດ-ສັງຄົມ 5 ປີຄັ້ງທີ VIII *✿.。.:

ພິທີລົງນາມສັນຍາຊ່ວຍເຫລືອລ້າຈາກລັດຖະບານຍີ່ປຸ່ນ ຈຳນວນ 500 ລ້ານເຢັນ ຫລື ປະມານ 40 ຕື້ກວ່າກີບ, ລະຫວ່າງທ່ານນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ທາເຄຊິ ຮິຄິຮາຣະ ເອກອັກຄະຣາຊະທູດຍີ່ປຸ່ນ ປະຈຳລາວ, ເພື່ອປະກອບສ່ວນຈັດຕັ້ງປະຕິບັດເຂົ້າໃນໂຄງການພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 8, ແນໃສ່ເຮັດໃຫ້ ສປປ ລາວ ຫລຸດພົ້ນອອກຈາກປະເທດດ້ອຍພັດທະນາໃນປີ 2020, ໄດ້ມີຂຶ້ນເມື່ອວັນທີ 4 ຕຸລານີ້, ທີ່ນະຄອນຫລວງວຽງຈັນ.

          ໃນໂອກາດນີ້ທ່ານຮອງລັດຖະມົນຕີກະຊວງການຕ່າງປະເທດ ໄດ້ກ່າວສະແດງຄວາມຂອບໃຈຢ່າງສູງມາຍັງລັດຖະບານຍີ່ປຸ່ນທີ່ໄດ້ສືບຕໍ່ໃຫ້ການສະໜັບສະໜູນໂຄງການຊ່ວຍເຫລືອລ້າແກ່ລາວ, ຊຶ່ງໃນໄລຍະຜ່ານມາ, ລັດຖະບານຍີ່ປຸ່ນ ໄດ້ໃຫ້ການຊ່ວຍເຫລືອເປັນຈຳນວນຫລາຍແກ່ລາວ ເພື່ອນຳໃຊ້ເຂົ້າໃນການດຸ່ນດ່ຽງງົບປະມານແຫ່ງຊາດ ແລະ ໃນປີນີ້ ກໍສືບຕໍ່ໃຫ້ການຊ່ວຍເຫລືອໃນຈຳນວນ 500 ລ້ານເຢັນ ເພື່ອນຳໃຊ້ເຂົ້າໃນການພັດທະ ນາເສດຖະກິດ-ສັງຄົມ ເຮັດໃຫ້ຫລຸດພົ້ນອອກຈາກປະເທດດ້ອຍພັດທະນາຕາມທີ່ວາງໄວ້.

          ທ່ານເອກອັກຄະຣາຊະທູດຍີ່ປຸນ ປະຈຳລາວ ກ່າວວ່າ: ການຊ່ວຍເຫລືອຄັ້ງນີ້ ແມ່ນແນໃສ່ສະໜັບສະໜູນຄວາມພະຍາຍາມຂອງລາວ ໃນການພັດທະນາເສດຖະກິດ-ສັງຄົມ, ຊຶ່ງແມ່ນການຈັດຊື້ສິນຄ້າທີ່ຈຳເປັນຢູ່ໃນປະເທດ ເພື່ອເຮັດໃຫ້ລາວໄດ້ບັນລຸເປົ້າໝາຍທີ່ວາງໄວ້, ພ້ອມທັງເປັນການໂຮມຕົວເຂົ້າກັບພາກພື້ນ ແລະ ສາກົນ ກໍຄືການເຂົ້າເປັນປະຊາຄົມເສດຖະກິດອາຊຽນ, ກໍຄືຫັນເປັນປະເທດອຸດສາຫະກຳ ເພື່ອຍົກລະດັບຊີວິດການເປັນຢູ່ຂອງປະຊາຊົນໃຫ້ນັບມື້ດີຂຶ້ນ ກໍຄືບັນລຸເປົ້າໝາຍ ກາຍເປັນປະເທດທີ່ມີລາຍຮັບໄດ້ປານກາງ-ສູງໃນປີ 2030.

          ລັດຖະບານຍີ່ປຸ່ນ ໄດ້ໃຫ້ການສະໜັບສະໜູນການພັດທະນາເສດຖະກິດ-ສັງຄົມຂອງລາວ ມາເປັນເວລາຫລາຍປີ, ແຕ່ໃນປີນີ້ເປັນປີທີ່ສຳຄັນຂອງການຊ່ວຍເຫລືອ, ຍ້ອນນາຍົກລັດຖະມົນຕີຂອງສອງປະເທດ ໄດ້ຕົກລົງເຫັນດີກໍານົດແຜນພັດທະນາຮ່ວມກັນ, ໃນລະຫວ່າງການພົບປະສອງຝ່າຍໃນໂອກາດກອງປະຊຸມສຸດຍອດອາຊຽນທີ່ ສປປ ລາວ ເມື່ອເດືອນກັນຍາຜ່ານມານີ້.

ຂໍ້ມູນຈາກ ໜັງສືພິມລາວພັດທະນາ

Facebook Comments

About admin

admin

Check Also

ຂ່າວລາວ – ຕໍາຫລວດຢືນຢັນບໍ່ໄດ້ໃຊ້ກໍາລັງເກີນເຫດໃນການແກ້ໄຂແກ໋ງກວນເມືອງ

 ທ່ານພັນໂທ ຄໍາຜິວ ວັດທະນາພອນ ຫົວໜ້າກອງພັນເຄື່ອນທີ່ ປກສ ນະຄອນຫລວງວຽງຈັນໄດ້ອອກມາຢືນຢັນວ່າ: ໃນໄລຍະຜ່ານມາການປະຕິບັດງານຂອງເຈົ້າໜ້າທີ່ໃນການປາບປາມແກ້ໄຂແກ໋ງກວນເມືອງແມ່ນປະຕິບັດຕາມໜ້າທີ່ ແລະ ບໍ່ໄດ້ໃຊ້ກໍາລັງເກີນກວ່າເຫດຄືດັ່ງຜູ້ປົກຄອງຫລາຍຄົນຄິດ, ພ້ອມຮຽກຮ້ອງເຖິງຜູ້ປົກຄອງຈໍານວນໜຶ່ງຢ່າພຽງແຕ່ຕໍານິຕໍາຫລວດຝ່າຍດຽວ, ຄວນເອົາໃຈໃສ່ສຶກສາອົບຮົມລູກຫລານໃຫ້ເປັນຄົນດີ ແລະ ບໍ່ໃຫ້ໄປເປັນນັກເລງອັນຕະພານສ້າງຄວາມເດືອດຮ້ອນແກ່ສັງຄົມ.              ການຢືນຢັນດັ່ງກ່າວ, ມີຂຶ້ນໃນລະຫວ່າງຊີ້ແຈ້ງຕໍ່ຄໍາສະເໜີຂອງປະຊາຊົນຜ່ານໂທລະສັບສາຍດ່ວນກອງປະຊຸມສະພາປະຊາຊົນນະຄອນຫລວງວຽງຈັນ ເມື່ອບໍ່ດົນມານີ້, ໂດຍໃຫ້ຮູ້ວ່າ: ແກ໋ງຂີ່ລົດກວນເມືອງແມ່ນປາກົດການຫຍໍ້ທໍ້ໜຶ່ງເຮັດໃຫ້ສັງຄົມບໍ່ມີຄວາມສະຫງົບ …

Leave a Reply